¹ Hanondrotry Gnanao zaho, ry Yaveh, fa nananga gnahy Iha voho tsy nagnega reo fahavaloko ho falifaly agnamiko. ² Ry Yaveh an-Dranagnahariko, nikaiky gny fandombanao zaho, sady nahanjanga gnahy Iha. ³ Ry Yaveh, nanday gny fagnahiko niakatsy baka amin'ny fiaigna tsy hita Iha ;sady nitanjaky gnahy ho velo tsy hijotso an-dolo agny . ⁴ Miantsa fandrengea ho an'i Yaveh,nareo ry olonny matoky! Magnomeza fisaora laha mahatiaro gny fahamasinany nareo. ⁵ Fa gny tsy raha ela gny siakany,fa gny fankasitrahany la mandritra gny androm-piaigna.Avy gny fitomagnia ami-gny haliky ,fa gny fifalia avy lafa maray. ⁶ Tam-pitokisa ro nivolagnako heo he : "la tsy mba hangozohozo vatany zaho." ⁷ Yaveh, nohony gny fankasitrahanao la nampifitaky gnahy manahaky gny vohitsy mahery Iha;fe lafa magnetaky gny tarehinao Iha,la malahelo zaho. ⁸ Nikaiky Anao zaho,Yaveh,voho nila fankatoava bakamign'ny Tompoko! ⁹ Ino ro tombony gny fahafatesako,laha handeha himpoly an-dolo agny zaho?handrengy anao va gny lemboky? hagnambara gny maha-to Anao va zay? ¹⁰ Mijanjigna ,Yaveh, voho mamindra of amiko! yaveh mimeteza ho mpandomba gnahy. ¹¹ Namaliky gny fisaonako ho fisindraha Iha,nangalaky gn'ankajo fisaonako voho nampisiky gnahy tami-pifalia. ¹² Ka henanizao gny fagnahiko la hiantsa gny fandrengea ho Anao ka la tsy hiegny;Yaveh Ndranagnahariko hangome fisaora Anao mandrakizay zaho.