¹ Salamo nataon' i Davida. Aminao, ry Yaveh, Hikoraky mare aho ; ry Yaveh; vatolampiko, ka atao tsinontsino aho. Laha tsy mamaky ahy iha, la hagnaraky gnany ze lasa an-dolo agny aho. ² Janjigno gny feony gny fitaraignako laha mila agny fagnampia baka aminao aho, lafa manam-pery gny tagnako magnatsiky gny fipetrahanao masy mare aho! ³ Ka misinto ahy hiala miaraky amign'ny raty fagnahy,ze mpanao heloky, ze magnano fiadana ami-gny namany nefa mana faharatia gnam-pony ao. ⁴ Ameo gn'androzy gny magneva gnasany ndraiky valio araky ze takiny gny faharatiam-pagnahin-drozy ,valio rozy ami-gny asany gny tagnany,ndraiky ampolio aminy araky ze magneva azy. ⁵ Fotony tsy takan-drozy gny asan'i Yaveh na gny asany gny tagnany, ho potehiny rozy ka tsy mba hatsagany vatany. ⁶ Mahavelo Yaveh fotonyfa nahare gny feony gny fitarainako ie! ⁷ Yaveh ro heriko ndraiky fiaroko;matoky azy gny foko,ka voalomba zaho.Noho zay la falifaly fatratry gny foko,sady zaho la handrengy Azy ami-gny fiantsa. ⁸ Yaveh ro herin'ny gnolony, voho ie ro fialofa fandomban'ny gny voahosotsony. ⁹ Lombao reo olonao voho tahio gny lovanao .Meteza ho mpiamby gny aondriny sady andeso mandrakizay rozy.