¹ Tsarao zaho, Yaveh o ,fa nandeha tan-kahitia zaho;natoky an'i Yaveh tay misy fisalasala zaho. ² Diniho zaho, ry Yaveh, ndraiky tsapao hevitsy zaho;tsapao hevitsy gny fahaliovany gny agnatiko sy gny foko! ³ Fa gny famindram-ponao ro magnatsiky gny masoko,sady mandeha ami-gny fahatokianao zaho. ⁴ Tsy mimtabatsy amign'olo mpamerivery zaho, na miharo amign' olo tsy to. ⁵ Tsy teako gny fivorian'ireo mpanao raty,ndraiky miaraky mipetraky ami-gny raty fagnahy zaho. ⁶ Manasa gny tagnako ami-gny tsy fanagna tsiny zaho, sady mandeha magnodidy gny alitaranao, Yaveh . ⁷ Mba hiantsa fandrengea mare ndraiky hagnambara gnasanao mahatseriky iaby. ⁸ Yaveh o, teako gny tragno hipetrahanao, gny toera ipetrahany gny voninahinao! ⁹ Ka mandrava gnahy miaraky ami-gny mpanota ,na gny aiko miaraky ami-gnolo lian-dra , ¹⁰ la ami- tagnan' ireo misy tetiky raty ,voho amizay tagna ankavana feno kolikoly . ¹¹ Fa zaho koa ,laha handeha ami-gny fahitia zaho; avoto zaho sady mamindra fo amiko . ¹² Mijoro ami-gny tany to gny tomboko; ao ami- gny fiangona ro handrengeako an' i Yaveh!