¹ Ho gnanao, Yaveh, ro ampagnamboniako gny fagnahiko! ² Ndranagnahariko o, matoky anao aho. Ka enga ho megnatsy aho; ka enga ho faly amign'ny fandresea ahy gny fahavaloko. ³ Tsy misy ho megnatsy ze manao fihetsiky mamerivery tsy amign'antony! ⁴ Atoro ahy gny lalanao, Yaveh voho ampianaro ahy gny lalanao. ⁵ Tarito aho amign'ny ha tonao ndraiky ampianaro, fa iha ro Ndranagnahary gny fandomba ahy; magnantegna Anao andro lava aho. ⁶ Tiarovo, ry Yaveh, gn'ireo asa fagnasoava voho famindram-po; fa nisy mandrakariva reo. ⁷ Ka mihevitsy gny fahatany gny fahatanorako na gn fialiako; tiarovo ami-gny famindram-ponao aho nahony gny hasoanao, ry Yaveh! ⁸ Soa ndraiky mahita Yaveh; ka la mampianatsy gny mpanota gny lala Ie. ⁹ Mitariky gn'olo hatsapa-tegna ami-gny raha to Ie ndraiky mampianatsy an-drozy gny lalany. ¹⁰ Gny lalan'i Yaveh iaby la hatea maharitsy ndraiky fahatokia ho nany gny magnaraky gny fagnenkeny ndraiky gny liliny gny masy. ¹¹ Fa nohony gnagnaranao, ry Yaveh, mba mamela gny heloko: fa bavata zany ¹² Ia ro olo matahotsy an'i Yaveh? Gny Tompo ro hanoro azy gny lala ze tokony hofiliny. ¹³ Handeha ami-gny fahasoavako lava gny fiaignany;ndraiky gny taranakiny handova gny tany. ¹⁴ Gny finama amin'i Yaveh ho any gny magnome voninahitsy Azy; ndraiky manoro gny fagnekeny amin-drozy ie. ¹⁵ Amin'i Yaveh mandrakariva gny masoko, fa ie hagnafaky gny tomboko ami-gny harato. ¹⁶ Mitoliha amiko ndraiky mamindra fo amiko; fa tsy misy nama noho malahelo zaho. ¹⁷ Mitombo gny alahelon'ny foko; alao ami-gny fijaliako zaho! ¹⁸ Henteo gny fampijalea gnahy voho gny harerahako;mamela gny fahotako iaby. ¹⁹ Henteo gny fahavaloko,fa maro rozy, malay gnahy amim-pahalegna loza bevata rozy. ²⁰ Arovo gnaiko ka la avoto zaho;ka enga ho megnatsy zaho,fa mialoky Aminao! ²¹ Hiaro gnahy gny fahitia voho gny ha-to,fa magnantegna Anao zaho. ²² Avoto ami-gny ffijalea iaby gny Israely, Ndranagnahary.