¹ Ry Yaveh,ia moa ro afaky hijano amin'ny tabernakelinao?Ia ro afaky hipetraky eo an-tendronbohitrao masy? ² La reo mandeha tsy misy havoa iaby,manao ze to ,sady mivola gny to ami-gny fony. ³ Tsy magnasarasara ami-gny lelany ie,tsy magnisy raty gny hafa ie,sady tsy magnaratiraty gny namagny ie. ⁴ Gnolo tsy manjary la ho tsy hasia dikany eo agnatrehany,fa hagnome vininahitsy reo ze matahotsy gnan'i Yaveh ie.Manjeky ami-reo fahavoazanany ie ka tsy hagnampoly reo fampagnantenany . ⁵ Tsy mangalaky tombony ie lafa mampitsosa drala.Tsy mandramby kolikoly mba hintsagnanany vavolombelo hanohera gny tsy manan-kavoa ie.Ie ze manao reo raha reo la tsy ho voahonzongozo zisiky farany.