¹ Gny adala nivola am-po hoe:"Tsy misy Ndragnahary."Simba toetra rozy sady fa nanao hadisoa havetaveta: tsy misy ndra raiky manao gny soa. ² Mihohoky magnenty gnanak'olombelo baka an-dagnitsy agny Yaveh mba hagnety laha misy mahay,voho mila Gnazy. ³ Samby fa niodaky iaby rozy iaby.Samby simba toetra iaby.Tsy misy manao gny soa,aha,ndra raiky. ⁴ Tsy mahay ndra ino ndra ino va rozy,reo ze manota,reo ze mihina gny oloko manahaky gny fihinanany mofo,kanefa tsy mikaiky gnan'i Yaveh? ⁵ Mangitikitiky gny tahotsy rozy,fotony Ndragnahary la magnaro gny fiangona to! ⁶ Magniry gny halam-baraka gnolo mijaly iha ndra i Yaveh aza ro fialofany. ⁷ Ndrey,Zay famonjea gny Ysraely zay la ho avy baka Ziona agny!Laha manday gny olony bakany amin'ny fagnandevoza i Yaveh,la ho rava i Jakoba ka ho faly gny Ysraely iaby!