¹ La nandeha tao amin'ny Synagoga ndraiky Jesosy ka nisy johary maty tagna tao. ² Nijery agnilany Gnazy gny olo sasantsasany mba hahita laha nagnasitsana gnazy amin'ny sabata Ie mba ahafahan-drozy magnameloky Gnazy. ³ Hoy Jesosy tamin'ny gny johary maty tagna hoe:" Mitsangana ka mijoroa eto agnivon'ny olo iaby eto." ⁴ La niresaky tamin'ny olo Ie hoe:" Ara-dalagna va gny manao soa amin'ny andro sabata sa manao gny raty; gny mamonjy aina, sa gny mahafaty?" Nefa rozy tsy nahaloan-dresaky. ⁵ Nijery gnan-drozy tamim-pahatezera Jesosy , voho nalahelo Ie nohon'ny hamafin'ny fon-drozy, la niresaky tamin'ny gny johary Ie hoe:" Ahinjiro gny tagnanao." La natsotran'ny gny johary gny tagnany ka janga. ⁶ Niboaky reo fariseo voho nikonokonona malaky niaraky tamin'ny Herodiana hila zay fomba hamonoa Gnazy. ⁷ Bakeo Jesosy , niaraky tamin'ireo mpianany, nagnegny an-dranomasina, voho nisy vahokay maro nagnaraky bakagny Galilia voho bakagny Jodia ⁸ voho bakagny Jerosalema voho bakagny Edoma voho hatragny amin'ny onin'i Jordana voho magnodidy gny tyro voho Sidona. Lafa nahare momba reo raha nataony rozy , la nisy vahokay maro nandeha aminy. ⁹ La nampila sambokely gny mpianany Jesosy ho Gnazy noho gny hamaroany gn'olo teo, mba tsy hifanosehan'ny gn'olo Ie. ¹⁰ Noho Ie nagnasitsana olo maro, la nifandrobaky namonjy Gnazy gny olo manontolo zay nana arety mba hikasiky Gnazy. ¹¹ Isaky gny nahajery Gnazy reo fagnahy maloto, la niankohoky teo agnatrehany voho nikoitsaky, ka hoy rozy :" Iha ro Anakin-Dranagnahary." ¹² Niresahany mareo reo mba tsy hampahay Gnazy. ¹³ Niakatsy tegny an-tendrombohitsy Ie,voho nikaiky reo zay tiany, la nandeha teo aminy rozy. ¹⁴ Nanendry reo folo raomby lahy Ie( Zay atao hoe:" Apostoly), mba hahafahan-drozy miaraky aminy voho hahafahany mandefa gnan-drozy mitory gny hafatsy, ¹⁵ sady hanagna fahefa handroaky demonia. ¹⁶ Bakeo la nanendry reo folo raomby Ie: Simona, zay nameany agnara hoe:" Petera; ¹⁷ Jakoba anak'i Zebedio, voho Jaona rahalahiny, zay nameany gny agnara hoe: Boanarijesy, zay midika hoe: Ana-baratsy; ¹⁸ voho Andrea, Filipo, Baitolomeo, Matio, Tomasy, Jakoba anak'i alfeo, Tadeo, Simona Zelota, ¹⁹ voho Jodasy Iskariota, zay hamadiky Gnazy. ²⁰ La noly tagny an-tragno Ie, voho niara-avy ndraiky gny vahoaky, hany ka tsy afaky nisakafo akory rozy. ²¹ Lafa nahare gny momba gnan'io gny avorohotany, la niboaky rozy hangalaky Gnazy, fotony niresahan-drozy hoe:" Tsobo saina Ie." ²² Voho reo mpanora-dalagna zay nizotso bakagny Jerosalema la nivola fa :" Ipetrahan'i Belzeboba Ie." Ka "Amin'ny alalan'ny mpanapaky gny demonia ro androahany gny demonia." ²³ La nikaihin'i Jesosy handeha eo aminy rozy ka niresaky gnan-drozy tamin'ny alalan'ny fagnohara hoe:" Manao akory ro hahafahan'i Satana mandroaky gnan'i Satana? ²⁴ Laha misy fanjakana mialy an-tragno, la ho rava io. ²⁵ Voho laha misy tokan-trano mialy an-tragno, la tsy haharitsy io tokan-trano io. ²⁶ Laha nitsanga nanohitsy gny vatany Satana ka nisaraky , la tsy haharitsy , ka hifarana. ²⁷ Fa tsy misy afaky militsy ao amin'ny tragnony johary mahery raiky ka nandroba gny fanagnany laha tsy mamehy lay mahery aolha, voho handroba gny tragnon-drozy bakeo. ²⁸ Resahako marina aminareo, ho voavela iaby gny heloky gny anak'olombelo , ndra la reo safa raty iaby zay aboakin'ny tsihoviny aza, ²⁹ fa zay mivola raty gny Fagnahy Masina koa la tsy ho voavela heloky mandrakizay, fa meloky nohon'ny ota mandrakizay." ³⁰ Nagnambaran'io Jesosy noho gny firesahan-drozy hoe:" Mana fagnahy maloto Ie." ³¹ Bakeo la avy gny reniny voho reo rahalahiny sady nijoro tegny ivelany. nandefa olo nampahay Gnazy rozy, ka nampikaiky Gnazy. ³² Nipetraky magnodidy Gnazy gny vahoaky voho hoy rozy taminy hoe;" Gny reninao voho reo rahalahinao la ao ivelany ao, sady mila gnanao rozy." ³³ Sady Ie namaly hoe:" Ia ro reniko voho rahalahiko?" ³⁴ Nijery nagnodidy tamin'ny olo nipetraky magnodidy Gnazy Ie sady hoy Ie hoe:" Jereo, reto gny reniko voho gny rahalahiko! ³⁵ Fa ndra ia ia manao gny sitrapon-Dranagnahary, la io olo io ro rahalahiko, voho anabaviko, voho reniko."