¹ Lafa nimpoly tao Kapernaomy Ie afaky andro vitsivitsy, la re fa tao an-tragno Ie. ² Maro tokoa gny olo nivory hany ka tsy nisy toera sasy, ndra la gny teo am-baravagna aza, voho nagnambara gny teny tamin-drozy Jesosy. ³ La nisy johary maromaro namonjy Gnazy zay ninday johary malemy raiky; zay nilanjan'olo efa-dahy. ⁴ Lafa tsy afaky namonjy Gnazy mariniky rozy noh gny hamaroan'ny gnolo, la nalan-drozy gny tafon-tragno zay teo agnabon'i Jesosy, sady lafa voasokatsin-drozy, la nazotson-drozy gny fandria zay nandrian'ny gny johary malemy. ⁵ Nony nahita gny finoan-drozy, la hoy Jesosy tamin'ialy johary malemy hoe;' anaky, voavela gny helokao." ⁶ sady nisy sasany tamin'ireo mpanora-dalagna nipetraky teo, ka nimonomono tao ampon-drozy hoe:" ⁷ " Nagnino ro ahafahan'io johary io miresaky manahaky gnan'io? Mivola raty Ie! Fa tsy Ndranagnahary raiky avao va ro afaky mamela heloky?" ⁸ Fa Jesosy nahay avy hatragny tao amin'ny fagnahiny gny raha nieretseretin-drozy. sady hoy Ie tamin-drozy hoe:" Nagnino nareo ro mieritseritsy gnan'io raha io ao am-ponareo? ⁹ Ino ro moramora kokoa gny mivola amin'ny gny johary malemy hoe:" voavela gny helokao sa gny hoe:" Mitsangana, batao gny fandrianao la mandehana?" ¹⁰ Fa mba hahaizanareo fa mana fahefa hamela heloky eto an-tany gny Anak'Olo." Hoy Ie tamin'ny gny malemy hoe:" ¹¹ Resahako aminao, mitsangana, batao gny fandrianao, la mandehana agny an-tragnonao." ¹² La nitsanga ie ka nibata gny fandriany avy hatragny, voho niboaky gnan'ny gny tragno magnatriky gny iaby, ka la tandregna rozy iaby ka nagnome voninahitsy gnan-Dranagnahary, voho hoy rozy hoe:" Mbo tsy nahajery manahaky gnan'ny toy rahay." ¹³ Bakeo niboaky teo amoron-dranomasina ndraiky Ie, voho namonjy gnazy iaby gny vahoaky, ka nampianariny rozy. ¹⁴ Sady lafa nandalo Ie, la nahita gnan'i Levi anak'i Alfeo nipetrakt teo amin'ny toera famoria hetra ka hoy Ie taminy hoe:" Magnaraha Gnahy." La nitsanga ie ka nagnaraky Gnazy. ¹⁵ Nisakafo tao an-tragnon'i levy Jesosy sady mpamory hetra voho olo mpanota maro ro niara-nihina taminy voho reo mpianany, fa maro rozy ro tao sady nagnaraky Gnazy. ¹⁶ sady reo mpanora-dalagna, zay Fariseo, lafa nahajery gnan'i jesosy niara-nisakafo tamin'ireo olo mpanota voho reo mpamory hetra, la nagnontany gny mpianany hoe:" Nagnino Ie ro miara-mihina amin'ny mpamory hetra voho olo mpanota?" ¹⁷ Lafa nahare gnan'io Jesosy la hoy Ie tamin-drozy hoe: Tsy gny salama ro mila mpitsabo ; fa zay marary raiky avao ro mila gnan'io. tsy avy hikaiky gny olo-to Aho, fa gny olo mpanota." ¹⁸ Sady nifaly hany reo mpianats'i jaona voho reo Fariseo . Johary maromaro ro namonjy gnazy ka niresaky taminy hoe:" nagnino gny mpianats'i Jaona voho gny mpianats'ireo Fariseo ro mifady hany, fa gny mpianatsao koa tsy mba mifady ?" ¹⁹ La hoy Jesosy tamin-drozy hoe:' afaky mifady hany va gny mpagnatsiky gny fampankara laha mbo eo gny mpampakatsy ? Laha mbo miaraky amin-drozy eo gny mpampakatsy , la tsy afaky mifady hany rozy. ²⁰ Ho avy gny andro hangala gny mpampakatsy eo amin-drozy, la amin'izay andro zay , ro hifady hany rozy. ²¹ Tsy misy manampy siky tonta amin'ny lamba vaovao, laha tsy io la hiala aminy gny tapa-tsiky , gny vaovao hiala amin'ny taloha, voho vao mainka ho raty gny fahatatahany. ²² Sady tsy nisy olo magnisy divay vaovao ao agnaty siny hoditsy tonta, laha tsy io la ho tataky gny divay gny hodittsy ka samy ho trobo gny divay voho gny siny hiditsa. fa koa, divay vaovao atao ao agnaty siny hoditsy vaovao." ²³ Tamin'ny andro sabata Jesosy nandeha tegny amin'ny tanimbary maromaro, sady nanomboky nioty salohimbary gny mpianany. ²⁴ La hoy reo Fariseo taminy:' Jereo, nagnino rozy ro manao raha tsy araky gny lalagnan'ny Sabata?" ²⁵ La hoy Ie tamin-drozy hoe:" Mbo tsy nivakinareo vasa zay nataon'i Davida lafa tao agnatin'ny tsy fahampia voho hamosary ie_ voho reo johary niaraky taminy_ ²⁶ manao akory gny fomba nilirany tao an-tragnon-Dranagnahary tamin'ny andron'i Abiatara mpisoronabe, ka nihina gny mofon'ny fagnatrehana, zay tsy ara-dalagna ho gnan'ia nia gny mihina gnazy afa-tsy gny mpisoro avao, sady mbo nagnomezany maromaro zay niaraky taminy aza?' ²⁷ Jesosy niresaky hoe:' Gny Sabata la natao ho gnan'ny anak'olombelo, fa tsy anak'olombelo ro ho gnan'ny Sabata. ²⁸ Nohon'io , gny Anak'Olo ro Tompo, ndra amin'ny Sabata aza."