¹ Tafaran'ireo raha reo Jesosy la nandeha tagny Galilia, fa tsy te-ho agny Jodia anefa Ie noho reo Jiosy mila hamono Gnazy . ² Sady fa mariniky gny andro firavoravoan'ny Jiosy gny Tabernakely. ³ Nohon'io reo rahalahiny niresaky taminy hoe:" Miala amy toy toera toy ka mandehana agny Jodia, mba hahafahan'ireo mpianatrao mahajery reo asa ataonao avao koa. ⁴ tsy misy olo manao raha mietaky io laha ie vatany sady te-ho hay ampahibemaso. Laha manao gnan'ireo raha reo iha, la misehoa amin'izao tontolo izao." ⁵ Fa ndra reo rahalahiny aza tsy nino Gnazy. ⁶ Nohon'io Jesosy niresaky gnan-drozy hoe:" " Mbo tsy avy gny fotoako, fa gny fotoanareo koa la vonona lalandava. ⁷ Tsy afaky gny halay gnanareo zao tontolo zao, fa Zaho ro halany zao tontolo zao, fa Zaho halany fotony magnambara fa raty reo asany. ⁸ Nareo miaraky agny amin'ny firavoravoa; fa zaho koa tsy handeha amin'io fotony mbo tsy avy gny fotoako." ⁹ Tafaran'ny niresahany reo raha reo gnan-drozy, la nijano tao Galilia Ie. ¹⁰ Fa lafa niakatsy tagny amin'ny firavoravoa reo rahalahiny , la niakatsy tagny avao koa Ie bakeo, tsy nisehoseho fa nietaky. ¹¹ Nila gnazy tagny amin'ny firavoravoa reo jiosy sady niresaky hoe:" Aia Ie?" ¹² Nisy resaky be la be mikasiky Gnazy teo agnivon'ireo vahoaky. Gny sasany miresaky fa:" Johary soa Ie." Reo hafa miresaky hoe:" Tsia, mitariky gny vahoaky agny amin'ny fahavereza Ie." ¹³ Sady tsy nisy nahasaky niresaky ampahibemaso momba Gnazy noho gny fatahora reo Jiosy. ¹⁴ Lafa nisasaky gny firavoravoa , la niakatsy tagny amin'ny Tempoly Jesosy sady nanomboky nampianatsy. ¹⁵ Bakeo la tseriky reo Jisoy , manao hoe:" Nagnino ro hahaizan'io johary io zay iaby zay? Ie tsy mba nandalo fianara mihintsy." ¹⁶ Jesosy namaly gnan-drozy sady nanao hoe:" Tsy Gnahy gny fampianarako, fa bakamin'Ie zay nagniraky Gnahy. ¹⁷ Laha misy olo magniry hanao gny sitrapony, la hahay momban'io fampianara io ie, na bakamin-Dranagnahary io, na Zaho ro miresaky bakamin'ny vatako. ¹⁸ Ndra ia ia miresaky bakamin'ny vatany la mila gny voninahiny gny vatanay manoka, fa ndra ia ia mila gny voninahits'izay nagniraky gnazy, la io olo io ro marina sady tsy misy fahamarigna aminy ao. ¹⁹ Tsy namen'i Mosesy gnanareo va gny lalagnako? Kanefa tsy misy aminareo mitandry gny liliko. Nagnino nareo ro mila hamono Gnahy?" ²⁰ Namaly gny vahoaky hoe:" Iha la misy demonia. Ia koa ro mila hamono gnanao?" ²¹ Jesosy namaly ka niresaky gnazy hoe:" Asa raiky ro nataoko, sady la tseriky noho io iaby nareo. ²² Namean'i Mosesy gny famora nareo( Tsy hoe bakamin'i Mosesy io, fa amin'ireo razana) sady amin'ny Sabata la mamora olo nareo. ²³ Laha amin'ny Sabata ro amorana gn'olo mba tsy ho voadika gny lilin'i Mosesy , la nagnino nareo ro masiaky amiko laha magnasitrana tanteraky olo raiky tamin'ny Sabata Aho? ²⁴ Ka mitsara amin'ny endriky ivelany, fa mitsara am-pahamarigna." ²⁵ Nisy sasany tamin'ireo bakagny Jerosalema niresaky hoe:" tsy toy va gny ilan-drozy ho vonoa?" ²⁶ Henteo , miresaky miharihary Ie, sady tsy misy miteny na ino ino Gnazy rozy. La ho hain'ny mpitondra tokoa va fa Ie ro Kristy, sa manao akory? ²⁷ Fa haintsika hoe bakaia io johary io. Fa lafa avy gny Kritsy , la tsy hisy hahay hoe bakaia Ie." ²⁸ Bakeo nikoraky mareo Jesosy tao an-tempoly , nampianatsy sady niresaky hoe:" nareo la samby mahay gny vatako sady mahay gny fihaviako. sy avy noho gny vatako manoka Aho, fa gny nagniraky Gnahy la marina, voho tsy hainareo Ie. ²⁹ Haiko Ie fotony Zaho la bakaminy sady Ie ro nagniraky Gnahy." ³⁰ Nieazaky gny hanambotsy Gnahy rozy, fa tsy nisy naninji-tagna taminy fotony mbo tsy avy gny fotoany. ³¹ Kanefa maro tamin'ireo vahoaky ro nino Gnazy, sady hoy rozy hoe:' Lafa avy gny Kristy, moa hanao famantara maro noho gny vitan'io johary io va Ie?" ³² nahare gny vahoaky nibisibisiky reo raha mikasik'i Jesosy reo gny Farisea, sady gny lohan'ny mpisoro voho reo fariseo la nagniraky mpiandry raharaha hanambora Gnazy. ³³ Hoy Jesosy bakeo hoe:" Kely sisa gny fotoa hiarahako aminareo, la handeha ho agny amin'ny gny nagniraky Gnahy Aho. ³⁴ Hila Gnahy nareo fa tsy hahajery Gnahy; zay handehanako , tsy ho azonareo handehana." ³⁵ Nohon'io reo Jiosy la nifampiresaky hoe:" Fa handeha ho aia io johary io ro tsy vitantsika gny hila Gnazy? handeha ho agny amin'ireo zay niparitaky nagnagny amin'i Grika la hagnanatsy reo Grika va? ³⁶ Sady ino gny dikan'ny safa niresahiny hoe:" Hila Gnahy nareo fa tsy hahajery Gnahy; zay handehanako , tsy ho azonareo handehana?" ³⁷ Ary tamigny farany ,andro bevata amigny fahazotoa ,la nitsanga jesosy voho nivola mare hoe; ''laha misy mangetaheta ,engao ie hamonjy ahy noho hino. ³⁸ Zay mino Gnahy ,araky gny voalazan'ny Soratsy Masy, la hikoria bakao an-kibony gny onin'ny rano velo." ³⁹ Fa zao ro ambarany momban'ny Fagnahy , reo zay nino Gnazy ro handramby ; gny Fagnahy la mbo tsy namea fotony mbo tsy nahazo vononahitsy Jesosy. ⁴⁰ Gny sasany tamin'ireo vahoaky, lafa nahare reo safa reo, la niresaky hoe:" Toy tokoa gny mpaminany." ⁴¹ Reo hafa niresaky hoe:" Toy gny Kristy." Fa gny sasany niresaky hoe:' Fa nga Kristy bakagny Galilia? ⁴² tsy voalazan'ny Soratsy masy va fa Kristy la ho avy amin'ny avorohotan'i Davida sady bao Betlehema, gny tana zay nisy gnan'i Davida?" ⁴³ Ka nisy fizara teo amin'ny vahoaky noho Ie. ⁴⁴ Gny sasany tamin-drozy ta-hanambotsy Gnazy , fa tsy nisy naninji-taminy. ⁴⁵ Bakeo reo mpiandry raharaha nimpoly tagny amin'ireo lohan'ny mpisoro voho reo Fariseo, zay nilaza tamin-drozy hoe:' Nagnino nareo ro tsy nanday Gnazy?" ⁴⁶ Namaly reo mpiandry raharaha hoe:" Mbo tsy nisy resaky manahaky gnan'io mihintsy." ⁴⁷ Nohon'io Fariseo namaly gnan-drozy hoe:" Voafitaky avao koa va nareo? ⁴⁸ Moa nisy tamin'ireo mpanapaky mba nino Gnazy, na tamin'ireo Fariseo? ⁴⁹ Fa reo vahoaky la tsy mahay gny lalagna, voaozo reo." ⁵⁰ Nikodemosy ( raiky amin'ireo Fariseo , zay avy mialoha teo aminy) niresaky hoe: ⁵¹ Moa va gny lalagnantsika mitsara olo mialohan'ny haharezantsika gnazy ka hahaizantsika zay nataony?" ⁵² Namaly rozy ka niresaky taminy hoe:" bakagny Galilia koa vasa iha? Mikaroha ka henteo fa tsy misy mpaminany bakagny Galilia." ⁵³ ( Fanamariha: Gny dikan-teny taloha soa mareo la tsy ahita gny Jaona 7: 53-8:11) [bakeo gny kirakiraiky nagnan-tragnony iaby.