¹ Tafaran'ireo raha reo , la lasa niampita gny ranomasin'i Galilia Jesosy, atao hoe koa ranomasin'i Tiberiasy. ² Nisy vahoaky maro nagnaraky Gnazy fotony jerin-drozy gny famantara zay nataony tamin'ireo narary. ³ Niakatsy an-tendrombohitsy Jesosy ka nipetraky tegny niaraky tamin'ireo mpianany Ie. ⁴ ( Sady gny Paska , zay andro firavoravoan'ny Jiosy, la fa mariniky.) ⁵ Lafa niandra Jesosy ka nahajery vahoaky lako namonjy Gnazy, la hoy Ie tamin'i Filipo hoe:" Aia ro hiviliantsika mofo mba hihinanandrozy?" ⁶ ( Fa Jesosy niresaky gnan'io mba hitsapa gnan'i Filipo, fa fa hainy zae hataony.) ⁷ Ka Filipo namaly Gnazy hoe:" Ndra la mofo roanjato dinaria aza tsy ho ampy ho gnan'ny kirakiraiky ndra la kelikely aza." ⁸ Raiky tamin'ireo mpianatsy , Andrea , rahalahin'i Simona Petera, niresaky tagnamin'i Jesosy hoe:' ⁹ Misy johary raiky eto mana mofo limy voho hazandrano roe, fa reo moa ino magnatriky olo lako reto?" ¹⁰ Ka Jesosy nirehaky hoe:' Apetraho olo reo" ( Sady feno akata tamin 'io toera.) Ka la nipetraky gn'olo, tamin'io dimy arivo teo gny isany. ¹¹ Bakeo Jesosy nangalaky mofo teo ka lafa baka nisaotsa , la nizara gnan'io tamin'ireo zay nipetraky teo. Manahaky gnan'io avao koa ro nataony tamy gny fia , maro araky zay nilan-drozy. ¹² Lafa vintsy gn'olo, la hoy Ie tamin'ireo mpianany hoe:' Avorio reo sombintsombiny tavela, mba tsy hisy ho trobo." ¹³ Ka la navorin-drozy ka nahafeno sobiky folo roamby gny sombintsombiny mofo limy sisa tavelan'ireo nihina. ¹⁴ Bakeo, lafa nahajery gnan'io famantara nataony io gn'olo, la hoy rozy hoe:" Toy tokoa gny mpaminany zay avy eto amin'izao tontolo zao." ¹⁵ Lafa jerin'i Jesosy fa ho avy rozy hangalaky Gnazy voho hanandratsy Gnazy an-keriny ho mpanjaka, la nimpoly tegny an-tendrombohitsy raiky ndraiky Jesosy. ¹⁶ Lafa ariva gn'andro , la niala tegny amin'ny ranomasina reo mpianany. ¹⁷ Nandeha tao agnatiny sambokely rozy, ka niampita gny ranomasina ho agny Kapernaomy. Fa mahiky tamin'izay, sady Jesosy mbo tsy avy tagnamin-drozy teo . ¹⁸ Nisy tsioky nitsioky mare, sady niha-nahery gny ranomasina. ¹⁹ Lafa nivoy teo amin'ny roapolo limy amby na telo stadio teo rozy, la nahajery gnan'i Jesosy nandeha tamin'ny ranomasina sady nagnariniky gny sambokely, ka la natahotsy rozy. ²⁰ Fa hoy Ie tagnamin-drozy hoe:' Zaho avao toy! Ka matahotsy." ²¹ Bakeo la vonona gny handramby Gnazy tao amin'ny sambokely rozy, voho eo ho eo la avy tegny amin'ny toera handehanan-drozy gny sambokely. ²² Gny hamaray , jerin'ireo vahoaky zay nitsanga tegny ampitan'ny ranomasia fa tsy nisy sambokely hafa teo afa-tsy lay raiky avao, sady Jesosy tsy nilitsy tao niaraky tamin'ireo mpianany fa nandeha raiky reo mpianany. ²³ Kanefa, nisy sambokely maromaro bakagny Tiberiasy teo agnilan'ny gny toera zay nihinanan-drozy gny mofo lafa baka nisaotsy gny Tompo. ²⁴ Lafa jerin'ny vahoaky fa tsy teo na Jesosy na reo mpianany,la nilitsy tao agnatiny sambokely rozy ka nandeha tegny Kapernaomy hila gnan'i Jesosy. ²⁵ Lafa jerin-drozy tegny ampitan'ny renirano Ie, la hoy rozy taminy hoe:" Raby, mbia Iha ro avy teto?" ²⁶ Jesosy namaly gnan-drozy , nanao hoe:' Resahako aminareo marina, la marina tokoa, fa mila Ahy nareo, tsy nohon'ny nahitanareo famantara, fa nohon'ny nihinananareo gny mofo ka vintsy. ²⁷ Ka miasa ho gnan'ny hany mety rava, fa miasa ho gnan'ny zay maharitsy ho gnan'ny fiaigna mandrakizay zay amean'ny Anak'olo gnanareo, fotony Ndranagnahary Baba ro nagnisy tombo-kase taminy." ²⁸ Bakeo la hoy rozy taminy hoe:" Ino ro tsy maintsy hataonay, mba hanaovanay reo asan-Dranagnahary?" ²⁹ Jesosy namaly ka nanao tamin-drozy hoe;" Zao ro asan-Dranagnahary:La gny hinoanareo lay raiky zay nirahiny." ³⁰ Ka hoy rozy taminy hoe:" Ino sady ro famantara hataonao , mba hahitanay voho hinoanay gnanao? Ino ro hataonao? ³¹ Gny raibenay nihina gny mana tagny agn'efitsy, araky gny voasoratsy hoe:' nameany mofo bakagny an-dagnitsy rozy ho hany." ³² Bakeo Jesosy namaly gnan-drozy hoe:" Resahako aminareo marina, la marina tokoa, fa tsy Mosesy ro nagnome gnanareo gny mofo bakagny an-dagnitsy , fa gny Babako ro nagnome gnanareo gny tena mofo bakagny an-dagnitsy. ³³ Fotony gny mofon-Ndranagnahary la gny mizotso ho gnan'izao tontolo zao." ³⁴ Ka hoy rozy taminy hoe:" Tompoko, omeo gnanay mandrakariva io mofo io." ³⁵ La hoy Jesosy tamin-drozy hoe:' zaho ro mofon'ny fiaigna; zay mamonjy Gnahy tsy mba ho masare sasy, sady zay mino Gnahy tsy hangetaheta sasy. ³⁶ Kanefa fa niresahako taminareo fa nahajery Gnahy avao nareo, nefa tsy mino. ³⁷ Gny iaby zay amean'ny Babako Gnahy la hamonjy Gnahy, voho zay mamonjy Gnahy la tsy hariako. ³⁸ Fa nizotso bakagny an-dagnitsy Aho, tsy mba hanao gny sitrapoko manoka , fa gny sitrapon'Ie zay nagniraky Gnahy. ³⁹ Sady zao ro sitrapon'Ie zay nagniraky Gnahy, la gny tsy hagnariako zay iaby nameany Gnahy, fa hananga gnan-drozy amin'ny andro farany. ⁴⁰ Fotony zao ro sitrapon'ny Babako, , la gny mba hahazoan'ny iaby zay mahita gny Anaky voho mino Gnazy gny fiaigna mandrakizay sady hantsangako amin'ny andro farany ie. ⁴¹ Bakeo nimonomono momba Gnazy reo Jiosy fotony Ie nilaza hoe:" Zaho ro mofo nizotso bakagny an-dagnitsy." ⁴² Sady hoy rozy hoe:" Tsy gny Jesosy anak'i Josefa va io, zay haintsika gny baba aman-dreniny? Manao akory ro iresahany hoe" Nizotso bakagny an-dagnitsy Aho?" ⁴³ Jesosy namaly ka nanao tamin-drozy hoe:" Ajanono gny fimonomono eo agnivonareo. ⁴⁴ Tsy misy olo afaky mamonjy Gnahy laha tsy gny Baba zay nagniraky Gnahy ro mitao gnazy, sady hatsangako ie amin'ny andro farany. ⁴⁵ Io la voasoratsy ao amin'ny bokin'ny mpaminany hoe:" Hampianarin-Dranagnahary rozy iaby. Zay iaby nahajanjy voho nianatsy tamin'ny Baba ro mamonjy Gnahy. ⁴⁶ Tsy nisy nahajery gny Baba , afa-tsy zay bakamin-Dranagnahary, ie ro nahajery gny Baba. ⁴⁷ Resahako aminareo marina, la to tokoa , fa zay mino ro mana fiaigna mandrakizay . ⁴⁸ Zaho ro mofon'ny fiaigna. ⁴⁹ Gny Raibenareo nihina gny mana tagny agn'efitsy , sady maty rozy. ⁵⁰ Toy ro mofo nizotso bakagny an-dagnitsy, mba tsy ho maty zay mihina amin'izay. ⁵¹ Zaho ro mofo velo nizotso bakagny an-dagnitsy . laha misy olo mihina amy toy mofo toy, la ho velo mandrakizay ie. Gny mofo zay hameako ro nofoko ho gnan'ny fiaignan'izao tontolo zao." ⁵² Niha-nasiaky reo Jiosy ka nanomboky nialy hevitsy, nanao hoe:" manao akory ro ahafahan'io johary io magnome gnantsika gny nofony hoany?" Sady hoy Jesosy tamin-drozy hoe:" ⁵³ Resahako aminareo marina, la to tokoa , fa laha tsy mihina gny nofon'ny Anak'olo nareo voho mino gny liony, la tsy hana fiaigna ao aminareo. ⁵⁴ Ndra ia ia mihina gny nofoko voho mino gny rako la mana fiaigna mandrikay , sady hatsangako ie amin'ny andro farany. ⁵⁵ fa gny nofo ro tena fihina, voho gny lioko ro tena finomy. ⁵⁶ Zay mihina gny nofoko voho mino gny lioko ro mipetraky Amiko ao, voho Zaho aminy ao. ⁵⁷ Manahaky gny nagnirahan'ny Baba velo Gnahy, voho manahaky gny hivelomako noho gny Baba, zay mihina Gnahy, la ho velo avao koa noho gny Amiko. ⁵⁸ Toy gny mofo nizotso bakagny an-dagnitsy, tsy manahaky gny Raibe nihina ka maty. Zay mihina toy mofo toy la velo mandrakizay." ⁵⁹ Fa jesosy nilaza reo raha reo tao amin'ny synagoga lafa nampianatsy tao Kapernaomy Ie. ⁶⁰ Sady maro tamin'ireo mpianany zay nahare gnan'io ro nilaza hoe:" Fampianara sarotsy io; ia ro afaky hagnenky gnan'io?" ⁶¹ Jesosy , noho Ie nahay tao aminy fa nimonomono tamin'io reo mpianany, niresaky gnan-drozy hoe:" Matafitohy gnanareo va io? ⁶² Ka nagnino laha tokony hahajery gny Anak'olo miakatsy agny amin'ny nipetrahany taloha nareo? ⁶³ Gny fagnahy ro magnome fiaigna; gny nofo tsy ahazoa na ino ino . Reo teny zay niresahako taminareo la fagnahy , sady fiaigna reo. ⁶⁴ Mbo misy sasany aminareo tsy mino." Fa Jesosy fa nahay hatraminny voalohany zay tsy hino voho zay hamadiky Gnazy. ⁶⁵ Hoy Ie hoe:" Nohon'io ro niresahako taminareo fa tsy misy olo afaky mamonjy Gnahy laha tsy namean'ny Baba Gnazy io." ⁶⁶ Nohon'io , maro tamin'ireo mpianany ro lasa sady tsy niara-dia taminy sasy . ⁶⁷ La hoy Jesosy tamin'ireo folo roamby lahy hoe:" tsy te andeha koa va nareo sa tsia?" ⁶⁸ Sady Simona Petera namaly Gnazy hoe:" Tompo, ho agny amin'ia moa rahay? Iha ro mana gny safan'ny fiaigna mandrakizay, ⁶⁹ sady nino rahay ka mamonjy mba hahay fa Iha ro gny Masin-Dranagnahary." ⁷⁰ Hoy Jesosy tamin-drozy hoe:" tsy Zaho va ro nifily gnanareo, folo roamby , sady gny raiky aminareo la devoly?" ⁷¹ Sady Jodasy anak'i Simona Iskariota ro resahany, fotony ie, gny raiky amin-drozy folo roamby, zay hamadiky gnan'i Jesosy.