¹ Laha vao marain'ny gn'andro voalohany herignandro, laha mbo maiky igny, la nagnegny amin'ny fasana Maria Magdalenina ka nahita lay vato fa nikisaky lavity lay fasana ie. ² Nohon'io la nilay ie ka namonjy gnan'i Simona Petera voho lay mpianatsy zay tian'i Jesosy, ka hoy ie tamin-drozy hoe:" nalan-drozy tao amin'ny fasana gny tompo, ka tsy hainay zay nmetrahan-drozy Gnazy." ³ Bakeo nandeha niboaky Petera voho lay mpianatsy hafa , ka nagnagny amin'ny fasana rozy. ⁴ Samby nilay rozy, ka nosonganan'ilay mpianatsa hafa malaky Petera ka la ie ro avy voalohany tegny min'ny fasana. ⁵ Bakeo nniondriky ie, say nahajilo lay sikim-paty nipetraky teo, fa mbo tsy nitsofoky agnatiny ie. ⁶ Avy tafarany bakeo Simona Petera ka nilitsy tao am-pasana . Jilony nipetraky teo lay sikim-paty ⁷ voho ay siky natao tegny amin'ny lohany. Tsy niara-nipetraky tamin'ilay sikim-paty anefa lay ie fa nivalona ho gnazy teo amin'ny toerany. ⁸ Bakeo lay mpianatsy raiky hafa, lay avy voalohany teo amin'ny fasana , nilitsy tao agnatiny koa, ka nahita voho nin ie. ⁹ Fa hatramin'io fotoa io rozy la mbo tsy nahay gny Soratsy Masina avao fa Ie la tsy maintsy hitsanga amin'ny maty. ¹⁰ Ka la nimpoly tagny an-tragno ndraiky reo mpianatsy. ¹¹ Fa Maria la nijoro nitagny teo ivelan'ny fasana. Laha ie nitagny igny, la niondriky tao amin'ilay fasana . ¹² Nahita anjely roe misiky akanjo foty nipetraky ie, gny raiky tandohany teo, voho gny raiky ta-dombony teo amin'ilay toera nametraha gny vatan'i Jesosy. ¹³ Hoy rozy taminy hoe:' Ravehivavy, nagnino iha ro tomagny?" Hoy ie tamin-drozy hoe:" Fotony nandesin-drozy gny Tompoko, voho tsy haiko zay nametrahan-drozy Gnazy." ¹⁴ Lafa baka niresaky gnan'io ie , la nitoliky ka nahita gnan'i Jesosy nijoro teo, fa tsy hainy anefa hoe Jesosy io. ¹⁵ Hoy Jesosy taminy hoe:' Ravehivavy, Nagnino iha ro mitagny? Fa ia ro jerenao?" Niheveriny fa lay mpiamby anefa Ie, Ka hoy ie taminy hoe:" Tompoko, laha Iha ro nangalaky Gnazy, la lazao amiko gny nametrahanao Gnazy, fa halako agny Ie." ¹⁶ Hoy Jesosy taminy hoe:" Maria." Nitoliky ie, ka niresaky taminy tamin'ny safa Hebreo hoe:" Raby o." ( zay midika hoe:" Mpampianatsy.") ¹⁷ Hoy Jesosy taminy hoe:" Ka mikasiky Ahy, fa mbo tsy niakatsy agny amin'ny Ray Aho, fa mandehana agny amin'ireo rahalahiko ka resafo amin-drozy fa hiakatsy agny amin'ny Raiko voho Rainareo Aho, voho gny Ndranagnahary voho Ndranagnaharinareo." ¹⁸ Nandeha Maria Magdalenina ka niresaky reo mpianatsy hoe:' Nahita gny Tompo aho," voho reo raha reo ro niresafiny taminy. ¹⁹ Sady hariva tamin'izay, tamin'io andro io, andro voalohan'ny herignandro, ka reo varavagna zay nisy reo mpianatsy, la nihily nohon'ny fatahora reo Jiosy, namonjy Jesosy ka nijoro teo agnivon-drozy voho niresaky gnan-drozy hoe:' Fiadagna ho gnanareo." ²⁰ Lafa baka niresaky gnan'io Ie, la nasehony gnan-drozy gny tagnany voho gny lanivoany. Mazoto reo mpianatsy lafa nahita gny Tompo. ²¹ Bakeo Jesosy niresaky gnan-drozy hoe:" Fiadagna ho gnanareo. Manahaky gny nagnirahan'ny Ray Gnahy, ro hagnirahako gnanareo koa." ²² Lafa baka niresaky gnan'io Jesosy , la nitsoky gny fofon'ainy voho niresaky gnan-drozy hoe:" Raiso gny Fagnahy Masina. ²³ Na helok'ia na helok'ia avelanareo, la ho voavela rozy; voho na ia ia tsy avelanareo, la tsy voavela rozy." ²⁴ Tomasy, raiky tamin'ireo folo roamby , natao hoe Didymo, la tsy niaraky tamin-drozy lafa avy Jesosy . ²⁵ Reo Mpianatsy hafa bakeo niresaky taminy hoe:" Hitanay gny Tompo." Hoy ie tamin-drozy :" Laha tsy hitako egny amin'ny vatany gny loakin'ireo fantsiky , voho mametraky gny ratsan-tagnako ao agnatin'ilay loakin'ireo fantsiky aho, voho mametraky gny tagnako eo amin'ny lanivoany, la tsy hino aho." ²⁶ Valo andro tafara tatoy la tao ndraiky reo mpianany, voho niaraky tamin-drozy Tomasy. Namonjy Jesosy laha nihily gny varavagna , voho nijoro niaraky teo amin'ireo, ka niresaky hoe:" Fiadagna ho gnanareo." ²⁷ Bakeo niresaky gnan'i Tomasy ie hoe:' Mamonjea eto miaraky amin'ny tagnanao ka apetraho eto amin'ny lanivoako io. Ka kely finoa , fa minoa." ²⁸ Tomasy namaly ka niresaky Gnazy :" Tompoko voho Ndranagnahariko." ²⁹ Hoy Jesosy taminy hoe:" Fotony nahita Gnahy iha, la nino. Sambatsy reo zay tsy nahita , nefa mino." ³⁰ Amizao Jesosy la nanao famantara maro hafa teo agnatrehan'ireo mpianany, famantara zay tsy voasoratsy tao agnatin'ny toy baky toy, ³¹ fa reo la voasoratsy mba hahafahanareo mino fa Jesosy ro Kristy, lay Anakin-Dranagnahary, ka lafa mino Gnazy nareo, la hahazo gny fiaigna amin'ny agnarany.