¹ Bakeo la nandesini Pilato Jesosy ka nivangoany. ² Nandrandrana satroky fatiky reo miaramila . Napetran-drozy teo amin'ny lohan'i Jesosy io ka nampisiky akanjo volomparasy Gnazy. ³ Namonjy Gnazy rozy ka niresaky hoe:' Arahaba , ry mpanjakan'ny Jiosy!" sady namango Gnazy rozy. ⁴ Bakeo niboaky ndraiky Pilato ka niresaky tamin-drozy hoe:" Ingo, andesiko aminareo eto ivelany Ie mba hahaizanareo fa tsy mahita heloky Aminy aho." ⁵ Ka niboaky Jesosy , nanao lay fehiloha fatiky voho lay siky volomparasy. Hoy Pilato tamin-drozy hoe:" Ino, toy lay johary !" ⁶ Lafa hitan'ny lohan'ny mpisoro voho manamboninahitsy Jesosy, la nikoraky mareo roy ka niresaky hoe:" Homboy ie, homboy ie!" La hoy Pilato tamin-drozy hoe:" Alaonareo Ie ka homboy, fa zaho fa tsy mahita heloky Aminy." ⁷ Namaly gnazy reo Jiosy hoe:" Mana lalagna tsika, ka araky gny lalagna la tokony ho maty Ie fotony mitognon-tena ho Anakin-dranagnahary." ⁸ Lafa ren'i Pilato io fagnambara io, la nihanatahotsy tokoa ie, ⁹ ka nilitsy tao amin'ny lapam-panjaka ndraiky ie ka niresaky tamin'i Jesosy hoe:' bakaia gny fiavianao?" Kanefa tsy nagnome valin-teny gnazy Jesosy. ¹⁰ Bakeo Pilato niresaky taminy hoe:" Tsy mana ambara amiko va iha? Tsy hainao va fa mana fahefa hagnafaky Gnanao aho, voho fahefa hagnombo Gnanao?" ¹¹ Namaly gnzy Jesosy hoe:' Tsy manana fahefa Amiko iha laha tsy namea gnanao baka agnabo agny io. Nohon'io, ie zay nanolotsy Gnahy taminao la mana helky bevata tokoa.' ¹² Tamin'io valin-teny io, la niezaky gny hagnafaky Gnazy Pilato , fa nikoraky mare reo Jiosy , nanao hoe:" Laha afahanao io johsry io, la tsy naman'i Kaisara iaha. Zay iaby manao gny vatany ho mpanjaka la manohitdy gnan'i Kaisara." ¹³ Lafa ren'i Pilato reo safa reo, la nandesiny niboaky Jesosy ka napetrany teo amin'ny Seza fitsara zay atao hoe " Lampivato", fa amin'ny safa Hebreo hoe " Gabata." ¹⁴ Sady avy gny andro fagnomana gny Paska, teo amin'ny ora faha eny teo. Hoy Pilato tamin'ireo Jiosy hoe:" Ingo, toy gny mpanjakanareo!" ¹⁵ Nikoraky mare rozy hoe:" Engao Ie; homboy Ie!" Hoy Pilato tamin-drozy hoe:" Tokony hagnombo gny mpanjakanareo va aho?" Namaly reo lohan'ny mpisoro :" Tsy mana mpanjaka ankoats'i Kaisara rahay." ¹⁶ Bakeo la natolots'i Pilato gnan-drozy ho homboa Jesosy. ¹⁷ Bakeo nalan-drozy Jesosy , ka nandeha niboaky ie, nilanja gny hazofijalia , ho agny amin'ilay toera atao hoe " toeran'ny Karandoha," zay amin'ny Hebreo hoe:' Golgota." ¹⁸ Nombohan'ireo tagny Jesosy , ka nisy johary gny ilany, fa Jesosy tagnivony. ¹⁹ nanoratsy famantara avao koa Pilato ka napetraky gnan'io teo amin'ny hazofijalia. Zao ro voasoratsy teo:" JESOSY BAKAGNY NAZARETA, ILAY MPANJAKAN'NY JIOSY. ²⁰ Maro tamin'ireo Jiosy ro namaky gnan'io famantara io fotony tsy lavitsy gny tana ro misy gny toera nanomboa gnan'i Jesosy, Lay famantara la nisoraty tamin'ny Hebreo, Latina, voho Grika. ²¹ Bakeo hoy reo lohan'ny mpisosron'ny Jiosy tamin'i Pilato hoe:" Ka soraty hoe:" Lay mpanjakan'i Jiosy, fa aleo hoe:" Toy raiky la niresaky hoe:" Zaho ro mpanjakan'ny Jiosy." ²² Fa namaly Pilato hoe:' Zay voasoratsy la voasoratsy." ²³ Lafa nombohan'ireo miaramila Jesosy, la nalan-drozy gny sikiny, ka nizaran-drozy efatsy, la samy mana raiky iaby reo; voho lay akanjo avao koa. Sady tsy vitsa lay akanjo, fa tenona raiky avao. ²⁴ Bakeo nifampiresaky rozy hoe:" Aleo tsy tataintsika toy, fa koa andeha hiloka ahita zay mahazo gnazy." Nitranga io mba hahatanteraky gny Soratsa Masina zay magnambara hoe:" Nifampizaran-drozy gny sikiko ka nilokany gny fisikinako." Io ro nataon'ireo miaramila. ²⁵ Sady nijoro teo agnilan'ny hazofijalian'i Jesosy gny reniny, gny rahavavin-dreniny, Maria valin'i Klopa, voho Maria Magdalena. ²⁶ Lafa nahita gny reniny voho reo mpianany zay tiany nijoro teo agnilany teo Jesosy, la niresaky tamin'ny reniny Ie hoe:' Ravehivavy, ingo, gny anaky lahinao!" ²⁷ Bakeo hoy Ie tamin'ny mpianatsy hoe:" Ingo, gny reninanao!" Ka tamin'io ora io la nalan'ny mpianatsa ho agny aminy ie. ²⁸ Tafaran'io, lafa nahay fa vita gny raha iaby ka mba ho tanteraky gny Soratsa Masina,la hoy Jesosy hoe:' Mangetaheta Aho." ²⁹ Sady nisy tavoara feno divay marikivy niperaky teo amin'io toera io, ka nasian-drozy divay marikivy gny sipaonjy ka nitohizany tamin'ny hysopa ka napetrany tamin'ny vavany. ³⁰ Lafa nino lay vinaigra Jesosy, la hoy Gnataony hoe:" Fa vita." nahondriny gny lohany voho niala gny fagnahiny. ³¹ Fotony andron'ny fihomana tamin'io , ka mba tsy hijanona eo amin'ny hazofijalia mandritsy gny Sabata ( Fotony gny Sabata la andro manan-danja manoka) reo vata-mangatsiaka , la nangataky tamin'i Pilato reo Jiosy bakeo gny mba hanapaha gny tombon-drozy voho hangala gnan-drozy. ³² Bakeo namonjy reo miaramila ka nanapaky gny tombok'ilay voahombo voho lay johary faharoe zay voahombo niaraky tamin'i Jesosy. ³³ Lafa namonjy gnan'i Jesosy rozy, la nahita fa maty Ie, ka tsy tampahin-drozy gny tombony. ³⁴ Kanefa , nisy miaramila raiky nanindro gny lanivoany tamin'ny lefo, ka avy hatragny la nisy ra voho rano niararaky. ³⁵ Lay raiky zay nahita la nijoro vavolombelo, fa marina gny fagnambarany. Hainy fa marina zay niresahany mba hinoanareo avao koa. ³⁶ Fa reo raha reo ro nitranga mba hahatanteraky gny Soratsa Masina hoe:" Tsy hisy ho tapaky ndra la raiky amin'ny taolany aza." ³⁷ Sady mbo, misy Soratsa Masina hafa milaza hoe:' Rozy la hijery Gnazy zay nilefognin-drozy." ³⁸ Tafaran'ireo raha reo, Josefa bakao Arimatia, hatramin'ny naha-pianats'i Jesosy gnazy( fa tao amin'ny mangingina nohon'ny fatahora reo Jiosy), nagnontay gnan'i Pilato laha afaky mangalaky gny vatan'i Jesosy ie. namean'i Pilato alala ie, Ka avy Josefa nangalaky gny vatany. ³⁹ Avy tagny avao koa Nikodemosy , ie zay avy voalohany hijery gnan'i Jesosy gny halin'igny. Ka nanday menaky magnitsy voho vahona ie, teo amin'ny zato litatsy teo gny fatsany. ⁴⁰ Ka nirambesin-drozy gny vatan'i Jesosy voho namogno gnan'io tamin'ny lambam-paty voho raha magnitsy , araky gny fomba fandevegna Jiosy. ⁴¹ Voho teo amin'ny toera nagnomboa Gnazy la nisy saha; ka teo amin'ilay saha nisy fasana vaovao zay mbo tsy nandevegna olo. ⁴² Fotony andron'ny fiomana n'ireo Jiosy tamin'io ary satria mariniky ghny fasana , la nalevin-drozy tao Jesosy.