¹ Tafaran'ny niresahan'i Jesosy reo safa reo, la niboaky niaraky tamin'ireo mpianany Ie ho egny ampita egny amin'ny lohasahan-driaky gnan'i Kidrona, zay nisy saha nilirany voho reo mpianany. ² Voho Jodasy , zay hamadiky gnan'i Jesosy , nahay gny toera koa, fotony nandeha matetiky tegny Jesosy voho reo mpianany. ³ Bakeo Jodasy , nitariky reo vondro miaramila voho reo mpiandry raharaha sasany bakamin'ireo lohan'ny mpisoro voho Fariseo , nandeha tagny niaraky tamin'ny fanilo , fanala voho fitaovam-pialia. ⁴ Bakeo Jesosy, zay fa nahay gny raha iaby hitranga Aminy, nandroso taloha teo voho nagnontany gnan-drozy hoe:' Ia ro ilanaonareo?" ⁵ Namaly Gnazy rozy hoe:" Jesosy bakagny Nazareta ." Ka hoy Jesosy tamin-drozy hoe:" Zaho ro Ie." Jodasy , zay namadiky Gnazy , la nitsanga niaraky tamin'ireo miaramila avao koa. ⁶ Ka lafa niresaky tamin-drozy Ie hoe:" Zaho ro Ie," la nihemotsy rozy ka lavo tamin'ny tany. ⁷ Bakeo ndraiky la nagnontany gnan-drozy Ie hoe:" Ia ro ilanareo?" Niresaky ndraiky rozy hoe:" Jesosy bakagny Nazareta." ⁸ Jesosy namaly hoe:" Niresaky gnanareo Aho fa Zaho ro Ie. Nohon'io laha mila Gnahy nareo, la engao reto handeha." ⁹ Io la mba hahatanteraky gny safa niresahainy hoe:" Aminireo zay nameanao Gnahy , tsy nasiako trobo ndra raiky aza," ¹⁰ Bakeo Simona Petera, zay nana sabatsy , namoaky gnan'io ka namely lay mpanompon'ny mpisorom-be ka nahatapaky gny sofiny ankavana. Vaho malko ro agnaran'ilay mpanompo. ¹¹ Hoy Jesosy tamin'i Petera hoe:" Ampolio ao amin'ny tragnony gny sabatsao. tsy tokony hino gny kapoaky zay namean'ny Ray Gnahy va Aho?" ¹² Nohon'io reo vondro miaramila voho gny kapiteny, voho reo mpiandry raharahan'ireo Jiosy, la nanambotsy gnan'i Jesosy ka namehy Gnazy. ¹³ Nandesin-drozy tagny amin'i Anasy Ie aloha, fotony ie la rafozan-dahin'i Kaiafa, zay mpisorom-be tamin'io tao io. ¹⁴ Voho Kaiafa la lay nagnome hevitsy reo Jiosy fa soa tokoa laha misy olo raiky maty ho gnan'ny vahoaky. ¹⁵ nagnaraky gnan'i Jesosy Simona Petera voho nanao manahaky gnan'io avao koa gny mpianatsy raiky hafa. Sady hain'ilay mpisorom-be io mpianatsy io, ka nilitsy niaraky tamin'i Jesosy tao amin'ny kianjan'ny mpisorom-be ie; ¹⁶ fa Petera la nijoro tao ivelan'ny vavahady . Nohon'io lay mpianatsy hafa, zay hainy gny mpisorom-be , la niboaky ka niresaky tamin'ilay mpanompo vavy zay mpiamby gny vavahady sady nanday gnan'i Petera hilitsy. ¹⁷ Bakeo lay mpanompo vavy, mpiamby gny vavahady, niresaky tamin'i Petera hoe:" Iha koa tsy raiky amin'ny mpianats'io johary io?" Hoy ie:" tsy ie aho." ¹⁸ Sady nijoro teo reo mpanompo voho reo mpiandry raharaha, ka nandrehitsy afon'arina rozy, fotony , nanintsy gny andro; ka nagnafana gny vatan-drozy . Petera koa niaraky tamin-drozy ,nijoro teo ka nagnafana gny vatany. ¹⁹ Nagnontany gnan'i Jesosy momba reo mpianany voho gny fampianarany gny mpisorom-be . ²⁰ Jesosy namaly gnazy hoe:" Niresaky ampahibemaso tamin'izao tontolo zao Aho. Nampianatsy mandrakariva tao amin'ny Synagoga voho tao amin'ny tempoly Aho zay nifampiataonan'ny takona. ²¹ Nagnino iha ro nagnontany Gnahy? Agnontanio gnan'ireo zay nahare Gnahy momba zay niresahako. Jereo , reo olo reo la mahay zay niresahiko." ²² Lafa baka niresaky gnan'io Jesosy , la nisy raiky tamin'ireo mpiandry raharaha nijoro teo namelaky ta-hamango gnan'i Jesosy ka niresaky hoe:" Io va ro fomba hamalia gny mpisorom-be?" ²³ Jesosy namaly gnazy hoe:" Laha niresaky raha diso Aho, mijoroa vcavolombelo amin'io laha diso io, fa laha marina, nagnino iha no mamango Gnahy?" ²⁴ Bakeo Anasy nandefa Gnazy mifehy nagfnagny amin'i Kaiafa lay mpisorom-be. ²⁵ Sady nitsanga Petera ka nagnafana gny vatany. Bakeo hoy reo olo taminy hoe:" Iha koa va tsy raiky amin'ireo mpianany?" Nanda gna'io ie ka niresaky hoe:" Tsy ie aho." ²⁶ Raiky tamin'ireo mpanompon'ny mpisorom-be , zay longon'ilay johary zay nitampahin'i Petera gny sofiny, niresaky hoe:" Tsy hitako niaraky taminy tao amin'ny saha va iha?" ²⁷ Bakeo Petera nanda ndraiky , voho avy hatragny la nagneno gny akoho. ²⁸ Bakeo nandesin-drozy bakao amin'i Kaiafa ho agny agnaty rova Jesosy. Mbo maray be gny andro tamin'io, sady rozy la tsy nilitsy tao agnaty rova mba tsy ho voaloto fa hihina gny paska. ²⁹ Ka niboaky teo amin-drozy Pilato ka niresaky hoe:" Ino gny fiampanga andesinareo manohitsy toy johary toy?" ³⁰ Namaly rozy ka nanao taminy hoe:" Laha tsy mpanao raty io Johary io, la tsy ho natolotsy gnanao." ³¹ Nohon'io Pilato niresaky tamin-drozy hoe:" Andesonareo Ie, ka tsarao araky gny lalagnanareo." Hoy reo Jiosy taminy hoe:' Tsy ara-dalagna ho gnanay gny manolotsy olo ho maty." ³² Niresaky gnan'io rozy mba hahatanteraky gny safani Jesosy zay niresahiny mba hivolagna hoe karaza fahafatesa manahaky gny ino ro hahafatesany. ³³ Bakeo nilitsy tao agnaty rova ndraiky Pilato ka nikaiky gnan'i Jesosy ka niresaky taminy hoe:" Iha va ro mpanjakan'ny Jiosy?" ³⁴ Jesosy namaly hor :" Magnontany bakamin'ny vatanao va iha, sa nisy hafa niresaky gnanao momba Gnahy?" ³⁵ Pilato namaly hoe:" Tsy Jiosy aho, sa tsy io?" Gny vahoaky voho reo lohan'ny mpisoro ro nanolotsy gnanao tamiko. Ino ro nataonao?" ³⁶ Jesosy namaly hoe:' Gny fanjakako la tsy eto amin'izao tontolo zao . Fa laha mba ao agnatin'izao tontolo gny fanjakako, la hialy reo mpanompoko mba tsy hanolora Gnahy amin'ireo Jiosy. Fa amizao gny fanjakako la tsy avy etoy. ³⁷ Bakeo Pilato niresaky taminy hoe:" Mpanjaka ary va Iha?" Jesosy namaly :" Voalazanao fa mpanjaak Aho. Fa ho amin'io tanjona io ro nahaterahako , ka ho amin'io antony io ro niaviako eto amin'izao tontolo zao, mba hijoroako vavolombelo amin'ny fahamarigna. Reo iaby zay gnan'ny fahamarigna la mijanjy gny feoko." ³⁸ Pilato niresaky taminy hoe:" Ino ro atao hoe marina?' Lafa baka niresaky gnan'io ie , la niboaky ndraiky ka niresaky tamin'ireo Jiosy hoe:" Tsy mahita heloky amy toy johary toy aho. ³⁹ Fa nareo mana fomba zay hagnafahako olo raiky ho aminareo amin'ny Paska. Nohon'io tianareo va gny hagnafahako aminareo gny mpanajakan'ny Jiosy?" ⁴⁰ Bakeo nikoraky mare ndraiky rozy ka nanao hoe:" Tsy io johary io, fa Barabasy." ka Barabasy la mpangalatsy.