¹ Sady Ndranagnahary nahatiaro gnan'i Noa ,reo bibidia iaby ,sady gny biby fihany iaby ze niaraky taminy tao agnatin'ilay sambo-fiara ,Nampitsioky tsioky erany gny tany Ndranagnahary ,ka la nanomboky nihena gny rano . ² nakatoky gny loharano laliky voho gny varavagnakeliny gny lagnitsy ,sady nijano gny ranon'ora. ³ Nihena tsikelikely gny ranony gny safo-drano ,sady lafa afaky dimampolo amy zato andro la nihena gny rano. ⁴ La nianto teo amy gny tendrombohitr'i Aratata gny sambo-fiara taminy gny vola faha-fito. ⁵ Nihena avao gny rano hatramy gny vola faha-fito .tamy gny andro voalohan'ny vola ,la niseho gny tompony gny tendrombohitsy. ⁶ Sady lafa afaky efapolo andro la nivohan'i Noa gny varavagnakelin'ny sambo-fiara zay namboariny . ⁷ Sady nandefa goaky raiky tagny amonto ie,sady nimpolipoly nitily mandram-pahamaiky gny tany. ⁸ Sady nandefa voromailala ie hanenty laha fa ritsy gny rano tambony gny tany , ⁹ fa tsy nahita fipetraha nametrahany gny tombony lay voromailala ka nimpoly tagny aminy tao agnatin'ilay sambo fiara fotony mbo nandrakotsy gny tany manontolo gny rano .Sady nampiboaky gny tagnany ie,ka nandramby lay voromailala sady nampilitry gnazy tao agnaty sambo-fiara nisondry taminy . ¹⁰ Sady mbo nandigny fahafito ndraiky ie ka nandefa lay voromailala bakao agnaty sambo-fiara . ¹¹ Nimpoly taminy teo lay voromailala lafa hariva .Ingo! nisy ravin'oliva maintso vo nala teo ambavan'ilay voromailala .Ka la hain'ireo fa nihena gny rano tambony gny tany . ¹² Mbo nandigny fahafito ie ka namoaky lay voromailala ndraiky .Tsy nimpoly tagnaminy teo sady lay vomailala . ¹³ Tamy gny faha raiky amby enimpolo tao ,tamy gny vola voalohany ,tamy gny andro voalohan'ny vola ,ro ritsy gny rano teo amboniny gny tany.Nalan'i Noa gny tafon'ilay sambo-fiara,nagnety tagny amonto ,sady nahita fa ,ingo ,maiky gny tany . ¹⁴ Sady tamy gny faha roampolo fitoamby andro ,tamy gny vola faha roe ,la maiky gny tany . ¹⁵ Hoy Ndranagnahary tamin'i Noa hoe: ¹⁶ "Miboaha ao agnaty sambo-fiara, iha, gny valinao reo, anakao lahy, sady reo vinantonao vavy miaraky aminao. ¹⁷ Andeso miboaky miaraky aminao reo raha managnay ze miaraky aminao zay bakany gny nofo iaby- la reo voro, reo biby, sady reo raha mikasiky iaby amy gny tany- mba hihamaro ho raha managnay manera gny tany reo, Miteraha maro sady mihamaroa." ¹⁸ La niboaky Noa voho gny valy amy gnanany, mbamin'ny vinantovaviny nisondry agnaminy. ¹⁹ Gny raha managnay iaby, gny raha mikasiky iaby, mbamin'izay iaby mihetsiketsiky eto amboniny gny tany, isan-karazany, la nanagnenga gny sambo-fiara. ²⁰ Namboatsy alitara ho gnan'i Iaveh i Noa. Nangalaky sasany tamin'ireo biby malio voho malio ie, sady nanolotsy fagnatitsy noroa teo amy gny alitara. ²¹ Sady ren'i Iaveh gny hagnitsy ankisitrahana ka nisafa tao am-pony hoe:" Tsy hagnozo gny tany voho gny olmbelo sasy Aho, ndra la raty hatramy gny fahazazany aza gny fisaignany gny fony gn'olo. Sady tsy handringa gny raha managnay sasa Aho. ²² Laha mbo maharitsy koa gny tany, la tsy hisy fijanogna gny taom-pamafaza voho gny taom-pijinja, gny nintsy voho gny hafana, ngy faosa voho gny litsaky, sady gny andro voho gny haly."