¹ Intoy ro mandrakitry gny taranak'i Adama.Tamign' andro namorognan-dRagnahary gny olombelo, la nataony mitovy aminy rozy. ² Johary voho ampela ro nahariany an-drozy. Nitson-drano an-drozy Ie sady nikaiky azy hoe olombelo fa voaforo rozy. ³ Lafa niay 130 tao i Adama, la lasa baban'aja raiky, mifanahaky amin'gny tarehiny avao, ka natao hoe Seta gny agnarany. ⁴ Tafara niterahan'i Adama an'i Seta, la niay nandritra gny valonjato tao ie.Lasa baba'aja johary voho aja ampela maro ie. ⁵ Niay 930 tao i Adama, sady maty tafaran'io. ⁶ Lafa niay 105 tao i Seta, la niteraky gnan' i Enosy. ⁷ Tafaran'ny niterahan'i Enosy, la niay 807 tao ie sady niteraky anaky johary voho anak'ampela lako. ⁸ Niay 912 tao i Seta sady maty tafaran'io . ⁹ Lafa niay sivam-polo tao Enosy, la niteraky gnan'i Kenana. ¹⁰ Tafaran'ny niterahany gnan'i Kenana, la niay 815 tao i Enosy.Niteraky anaky johary voho anak'ampela lako ie. ¹¹ Niay 915 tao i Enosy, sady maty tafaran'io. ¹² Lafa niay fito-polo tao i Kenana, la niteraky gnan'i Mahalalila. ¹³ Tafaran'ny niterahany gnan'i Mahalalila,la niay 840 tao i Kenana. Niteraky anaky jojary voho anak' ampela lako ie. ¹⁴ Niay 910 tao i Kenana, sady maty tafaran'io. ¹⁵ Lafa niay enim-polo limby amby tao i Mahalalila,la niteraky gnan'i Jareda. ¹⁶ Tafaran'ny niterahany gnan'i Jareda, la niay 830 tao ie. Niteraky anaky johary voho anak'ampela lako ie. ¹⁷ Niay 895 tao i Mahalalila, sady maty tafaran'izay. ¹⁸ Lafa niay 162 tao i Jareda,la niteraky gnan'i Enoka. ¹⁹ Tafaran'ny niterahany gnan'i Enoka,la niay valonjato tao ie.Niteraky anaky johary voho anak'ampela lako ie. ²⁰ Niay 962 tao i Jareda, sady maty tafaran'io. ²¹ Lafa niay enim-polo limy amby tao i Enoka, la niteraky gnan'i Metosela. ²² Nandeha tamim-pagnaraha nDranagnahary nandritra gny telonjanto tao i Enoka tafaran'ny niterahany gnan'i Metosela. Niteraka anaky johary voho anak'ampela lako ie. ²³ Niay 365 tao i Enoka. ²⁴ Nandeha tamim-pagnaraha nDranagnahary i Enoka, sady lasa ie, fotony nalan-dDagnahary. ²⁵ Lafa niay 187 tao i Metosela, la niteraky gnan'i Lameka. ²⁶ Tafaran'ny niterahany gnan'i Lameka, la niay 782 tao i Metosela. Niteraky anaky lahy voho anaky ampela lako ie. ²⁷ Niay 969 tao i Metosela. Sady maty ie tafaran'io. ²⁸ Lafa niay 182 tao i Lameka, la niteraky anaky lahy raiky. ²⁹ Nikahiny hoe Noe gny agnarany. sady nambarany hoe:" Intoy ro hagnome fahatampera ho antsika amy gny asantsika voho amy gny asa mare amboarintsika, zay tsy maintsy hataontsika amy gny tany zay nozognin'i Iaveh." ³⁰ Niay 595 tao i lameka tafaran'ny gny niterahany gnan'i Noa. ³¹ Niay 777 tao i Lameka. Tafaran'izay la maty ie. ³² Lafa niay dimanjato tao i Noa, la niteraky gnan'i Sema, Hama voho Jafeta .