¹ Sady hain'i Jakoba fa maro gny vary tagny Egypta. Nisafa tamin-drozy anakilahiny ie hoe: " Nagnino ro mifanenty nareo? ² Ka hoy ie hoe: " Ingo, jako fa misy vary gnagny Egypta. Dagny, mijotsoa magnagny, voho mikaloa hany ho gnantsika, mba tsy ho maty tsika fa ho velo. ³ Ingo, la nijotro nagnagny Egypta gny rahalahin'i Josefa folo, mba hikalo vary agny. ⁴ Fe Benjamina, rahalahin'i Josefa; tsy nengan'i Jakoba nisondry taminy gny rahalahiny, fotony, matahotsy ie tsy noho hisy loza hahazo gnazy. ⁵ Ingo la niavy tagny vatany gn'anakilahiny gny Israely niaraky tamin'olo ze niavy, fa nanjeky mare gny mosary tagny amy tany Kanana. Josefa ro mpandily tamin'io tany io. ⁶ Ie raiky avao ro namarotsy gny vokatry tamin-drozy tompon-tany. Niavy gny rahalahin'i Josefa, voho nagnondriky gny vatany tamy tany magnatrik'azy eo. ⁷ Nihitan'i Josefa gny rahalahiny hainy rozy, fe la nagnova gny vatany tamin-drozy ie, voho nanao safa henja tamin-drozy. Hoy ie tamin-drozy hoe: " Baka aia nareo?" Lahoy rozy hoe: " Baka an-kavana agny, mba hikalo hany". ⁸ La nihain'i Josefa gny rahalahiny, fe tsy nahay gnazy. ⁹ La nitraron'i Josefa gny nofy niazony momba gnan-drozy; ka hoy ie tamin-drozy: " Nareo koahy mpitsikilo! Avy nareo hanenty faritsy ze mbo malalaky aminy atoy". ¹⁰ Hoy rozy taminy hoe: " Aha, ragnandria. Avy mba hikalo hany gny mpanomponao. ¹¹ Anaky gny johary raiky avao rahay iaby reto. Johary mahity rahay. Tsy mpitsikilo gny mpanomponao." ¹² Hoy ie tamin-drozy hoe: " Aha, avy hanenty ze faritsy mbo malalaky eto amy gny tany nareo". ¹³ Hoy rozy hoe: " Foloroamby mirahalahy rahay mpanomponao, anaky gny lehilahy raiky agny amy tany Kanana. Ingo henanizao, gny zainay farany amin-dranay agny, voho gny raiky rahalahinay fa nimaty." ¹⁴ Hoy Josefa tamin-drozy reo hoe: " Zao gny nisafagniko taminareo; nareo mpitsikilo. ¹⁵ Henanizao gny hahaiza gnanareo. Laha mbo velo koa Farao, la tsy henga eto nareo, laha tsy avy eto gny zainareo lehilahy farany. ¹⁶ Iraho gny raiky aminareo, laha tsy avy eto gny zainareo lehilahy farany. Voho nareo hijano an-gadra ao, mba hagnamarigna gny safanareo, laha to ka misy fahamarigna gn'aminareo ao". ¹⁷ La natao an-gadra ao rozy iaby tagnatiny telo andro. ¹⁸ Gny andro fahatelo la hoy Josefa tamin-drozy hoe: " Zao gn'atao fa la ho velo nareo, fa zaho matahotsy gnan- Dranaganahary. ¹⁹ Laha to ka olo mahity nareo, la ao gny raiky amy gny rahalahinareo, hijano an-gadra ao; fa ndagny nareo mandena, ka magnandesa vary ho aminy gny mosary amy gny tragnonareo. ²⁰ Andesonareo amiko atoy zay lehilahy farany aminareo hagnamarigna gny safanareo voho gny tsy hahafaty gnanreo." Sady nataon-drozy izay. ²¹ La nisafa rozy hoe: " La to fa diso vatany tsika, fotony, gny rahalahintsika nihitantsika gny fijalim-pagnahiny, laha nangataky tamintsika ie, fe la tsy nijanjy gnazy tsika. zay ro nahavy zao fijalea zao tamin-tsika." ²² Hoy Robena namaly an-drozy: " Tsy fa nisafa tagnaminareo va zaho hoe: ' Aza manota amin'ilay zazalahy,' nefa tsy jinanjinareo aho? Ingo, taky amintsika zao gny liony." ²³ Tsy haindrozy fa hain'i Josefa gny fivolagnandrozy , fotony, nisy mpamaliky rehaky tagnivon-drozy teo. ²⁴ Nenga gnan-drozy ie, voho nitagny. Nimpoly tamin-drozy teo ndraiky ie voho nisafa tamin-drozy. Nalany bakamin-drozy eo Simeona voho, narohiny an-katrehan-drozy teo. ²⁵ Bakeo, nandily gny mpanompony Josefa; mba hagnatsiky vary gny kitapony gny rahalahiny, ndraiky hampimpoly gny dralany gny lehilahy kirakiraiky iaby, tao an-trakiny, voho hagnome an-drozy vatia amy gny lia. Natao ho an-drozy zay. ²⁶ Finenony gny mpirahalahy vary gny boriky voho niala bakagny rozy. ²⁷ Lafa nanokatsy gny sakiny gny raiky tamin-drozy, ka nagnaha gn'entany, tamy gny tany nandreany; ka la nahita gny dralany ie. Ingo, tam-bavany gny sakiny gny drala. ²⁸ Ka hoy ie taminy gny rahalahiny hoe: " Nampoly lehereo gny dralako. Henteo, fa agnaty sakiko ao". Tamizay, la vatany navaka rozy ka la nifampitoliky voho nangitikitiky; ka la nanao an'izao: " Ino mare lahy raha nataon- Dranagnahary tamintsika toy?" ²⁹ Roso rozy nagnamin'i Jakoba tagny, gny ran-drozy tagny amy tany Kanana voho namolily gnazy raha iaby nahazo gnan-drozy. Hoy rozy hoe: ³⁰ Gny lihy tompon-tany, nanao safa henja taminay voho nanao anay hoe mpitsikilo, tamin'io tany io tao rahay. ³¹ Nisafa rahay taminy hoe: ' Rahay olo mahity. noho tsy mpitsikilo zao. ³² Foloroamby mirahalahy rahay, anaky gny ranay. Fa nimaty gny raiky, sady gny zainay farany la misondry amin-gny babanay agny amin-gny tany Kanana henanizao ³³ Lay johary tompony gny tany nisafa taminy hoe: ' Zao gny ahaizako fa hoe olo mahity nareo. Ajano agnamiko eto gny raiky amy gny rahalahinareo, ndagny, magnandesa vary ho aminy gny mosary agny an-tragnonareo, noho roso amy gny lalanareo. ³⁴ Andesonareo agnamiko atoy gny zay johary farany aminareo. Amizay ro hahaizako, fa nareo tsy mpitsikilo, fa johary mahity. Ka la habototso ho gnanareo gny rahalahinareo, voho hivily amy gny tany toy eto nareo."' ³⁵ Lafa nalan-drozy gn'enta tan-tsakin-drozy tao, la ingo, gny volafoty mifogno amy gn'entany gny lehe kiraikiraiky iaby. Laha nahita gnan'igny, volafoty mifogno igny, rozy noho gny ran-drozy, la navaka voho nangitikitiky. ³⁶ Ka la hoy Jakoba baban-drozy tamin-drozy hoe: " Fa nalanareo tamiko gn'anako. Josefa fa nimaty, Simeona agny, bakeo mbo handesinareo lavitsy koa Benjamina. La manohitsy gnahy iaby raha iaby zao. ³⁷ Nisafa tamin-drozy Robena, nivola hoe: " Azonao atao gny mamono gnan'ireo anako roe lahy reo, laha to ka tsy andesiko mimpoly aminao eto Benjamina. Engao hianky amiko ie, noho zaho ndraiky handay gnazy aminao eto. ³⁸ Hoy Jakoba hoe: " Tsy handeha hisondry aminareo zao anako johary io. Fa nimaty gny rahalahiny, ka la ie raiky avao ro tavela. Laha misy loza avy mahazo gnazy an-dala ombanareo agny, nareo ro handay faty ho gnahy.