¹ La Dina, gnanak'ampelan'i Lea tamin'i Jakoba, nandeha mba hihao amignanak'ampelan'ny faritry. ² Sekema gnanaky lahiny Hamora Hivita, mpanjakalahin'ny gny tany igny, nahajery gnazy la nangalaky an-kozatry gnazy, vo nisery gnazy la niaraky niroro tagnaminy. ³ Nahasinto gnazy vatany Dina, gnanak'ampelan'i Jakoba igny. Tia gnanak'ampelany ie la nirehaky tam-pitiava tagnaminy. ⁴ Nirehaky tami-Hamora bakany Sikema, hoe he: " Alao mba ho valiko ampeleo." ⁵ La Jakoba nahaja fa nandoto gnan'i Dina gnanak'ampelany igny ie. Tam-baibo agny nisondry tami-biby fihariny gnanaky lahiny reo, bakeo amizay la nitanjaky gny fanginany zisiky hiavian-drozy Jakoba. ⁶ Nagnamin'i Jakoba agny mba hisafa agnaminy Hamora baban'i Sekema. ⁷ Avy bakam-baibo agny gnanaky lahiny Jakoba reo lafa nahaja gn'olona. Nalahelo vatany johary reo. Nasiaky mare rozy gnantony nandatsa baraka gnan'Israely ie tami-fanaovany an-kazatry gnanak'Ampelan'i Jakoba, fa Karazan-draha zay la tsy tokony natao. ⁸ Nisafa tamin-drozy Manora, hoe he: " Sekema gnanaky lahiko la tia gnanak'ampelanao. Ka la ameo ho valiny lahy ie. ⁹ Manambalia aminay, omeo gnanay gnanak'ampelanao, vo alao ho gnanareo gnanak'ampelanay. ¹⁰ Hiara-hipetraky aminay nareo; vo gny tany hivoha ho gnanareo mba hifitaky vo hanova varotry, la ho lasa fanagna. ¹¹ Hoy Sekema tami-babany vo rahalahiny reo hoe: " La hahita sitraky agnilanareo eo zaho, ka ndra ino ino safagninareo gnahy la homeko. ¹² Angataho agnamiko ndra sarotry aza gny lanjany gny valy voho gny fagnomeza araky ze sitraky nareo; la hameko anareo ndra ino ino safagninareo agnamiko, fa omeo ho valiko ampelegny. ¹³ Namaly am-pitaky gnan'i Sekema vo Hamora babany gnanaky lahiny Jakoba reo, gnantony nandoto an'i Dina anabavin-drazy i Sekema. ¹⁴ Hoy reo tamin-drozy hoe he: ' Tsy afaky manao an'i raha zay rahay, hanolotry gnanabavinay ho gnan'ny gnolo tsy vita Savatsy; fa la ho fahalatram-baraka ho gnanay zay. ¹⁵ Amizao lalagnazao avao ro hagnenkenay gnanareo: laha misavatry manahaky gnanay iha, vo laha misavatsy iaby gny johary iaby aminareo eo. ¹⁶ La homeanay gnanareo gnank'ampelanay reo, vo halanay hognanay gnank'ampelanareo reo, la hiaraky hifitaky tsika, ka la ho lasa lo raiky. ¹⁷ Fa laha tsy mijanjy gnanay nareo, ka tsy misavatsy, la hongahinay gnanabavinay la handeha rahay." ¹⁸ Nampazoto gnan'i Hamora vo Sakema gnanany gny safan-drozy. ¹⁹ Fa johary igny tsy nilegnalegna nanao ze nosafagnin-drozy, gnanntony finaritry tami-gnanak'ampelan'i Jakoba ie, la gnantony i ro olo hamea voninahitry mare ami-gn'ankohonany gny babany iaby. ²⁰ Nagnagny ami-vavahadin'ny tanan-drozy Hamora vo Sekema la nisafa tami-gnolo an-tana, nisafa hoe: " Nilango amin-tsika olo reo, ka engao rozy hipetraky ami-gny tany vo hamarotry amizay eo, gnantony vatany, tena mivelatry ampy ho gnan-drozy gny tany. Hangalaky gnanak'ampelan-drozy ho valy tsika, la hagnome gnan-drozy gnanantsika ampela. ²² Ami-tsy lalagna raiky avao ro hagnekeny gnolo reo hiaraky hifitaky amintsika vo ho avy vahoaky raiky: laha misavatry iaby johary iaby amintsika, ro, manahaky gny maha-vita savatry an-drozy. ²³ Tsy azontsika iaby va gny biby fihary vo gny fanagnan-drozy__ vo gny biby iaby? ka aleo hagnenky an-drozy tsika, la hipetraky amintsika eo rozy." ²⁴ Nijanjy an'i Hamora vo Sekema, gnanaky lahiny igny iaby gnolo tan-tana ao. Sinavatsy iaby gny johary iaby. ²⁵ Tamign'andro fahatelo, laha mbo tagnatin'ny fangirifiria rozy, gny roa tami-gnanaky lahiny Jakoba ( Simeona voho Levy, anadahin'i Dina), la samby nandramby gny beny la nanafiky gny tana ze azo antoky gny fiarova-gnazy, rozy, ka la namono gny johary iaby. ²⁶ Vinonon-drozy tami-lela-meson-drozy Hamora vo Sekema gnanany Nalan-drozy tan-tragnonao i Sekema voho Dina la roso rozy. ²⁷ Namonjy tami-faty reo teo gn'anaky lahy gnan'i Jakoba vo nandrava gny tana, gnantony fa nandoto gnanabavin-drozy gnolo. ²⁸ Nalan-drozy gn'aondry vo aosin-drozy, gn'aombin-drozy, gny borikin-drozy, vo gny raha iaby tan-tana ao vo ze nagnodidy gny baibo. ²⁹ Niaraky tami-hanagnan-drozy iaby. Gnanaky vo gny valin-drozy iaby, la sinambon-drozy. Nalan-drozy hatrami-gny raha iaby tan-tana ao. ³⁰ Hoy Jakoba tami-Simeona vo Levy hoe he: " Nanday olo ho gnahy nareo, nahamantsy gnahy tamireo gnolon'ny gny tany, Kananita reo vo Perizita reo. Kely agn'isa zaho. Niaraky nidiniky hanohitry gnahy rozy vo hagnisy rozy, la ho resy zaho, zaho vo ho gn'ankohonako. ³¹ Fa Simeona vo Levy nisafa hoe he: " Tokony handay gn'anakinay manahaky gn'ampela makorely va Sekema?"