¹ Fa Jakoba nahanja gny safan'ny gnanakilahin'i Labana, ka nanao hoe:"nalan'i jakoba iaby ze raha gnan'ny babantsika,la bakaminy hanagnan'ny babantsika ro nahazoany gny hanagnany iaby." ² Jerin'i Jakoba tamy gnendrikiny tarehin'i Labana tegny.Jeriny fa la niaova gny fihetsiky tagnaminy. ³ Bakeo i Yaveh nisafa tamin'i Jakoba hoe:"Mimpolia agny ami-gny tanin'ny razanao reo voho longonao reo,fa hitahy gnanao zaho. ⁴ Fa Jakoba nagniraky voho nikaiky gnan'i Rahely voho Lea ho am-baibo agny ami-gny aondry voho gnaosiny. ⁵ La nisafa tamin-drozy hoe:"Hitako niova gny fihetsiky babanao tagnamiko,kanefa niaraky tagnamiko Ndranagnaharin'ny gny babako. ⁶ Hainao fa tami-gny heriko iabiaby ro nanompoako gnan'i babanao. ⁷ Fa namitaky gnahy babanao voho nagnova gny karamako gnimpolo,kanefa,tsy nengan-Ndranagnahary hahamparatsy gnahy ie. ⁸ Laha nisafa i hoe he:"Biby sanda iaby reo la ho karamanao,la niteraky maramara gn'aondry ami-gny gnaosy iaby.Laha nisafa i hoe:"Gny sadika iaby ro ho karamanao,"la niteraky sadika iaby gn'aondry amign'aosy iaby. ⁹ Tamy fomba zay ro nangalan-Ndranagnahary gny harin'ny babanao voho nagnomezany gnazy ho gnahy. ¹⁰ La tami-gn'andro fahataira ka la iharoa,la hitako tagnaty nofy aosy lahiny reo niharo ami-gn'aondry ami-gn'aosy reo.Aosy lahiny reo la sadika,mara,voho sada. ¹¹ Gn'anjelin-Dragnahary nisafa tagnamiko tagnaty nofy hoe hoe:"Jakoba".La hoy gnatako hoe:"Intoy zaho." ¹² Hoy i hoe"Atongilagno gny masonao voho henteo aosy lahiny iaby reo ,la miharo ami-gn'aondry voho gnaosy,sadika,voho mara la sada reo,fotony hitako gny raha iaby ataon'i Labana agnamiko. ¹³ Zaho ro Ndragnaharin'i Betela,ze nagnosoranao tsanam-bato,voho nagnanovanao voady tagnamiko.Amizao mitsangana ka la miala ami-tany toy,la mimpolia ami-gny tany niterahanao agny." ¹⁴ Namaly gnazy Rahely voho Lea ka la nanao agnaminy hoe:"Mbo misy anjara voho lova ho gnanay va ao ami-tragnon'ny babanay? ¹⁵ tsy tsy nataony manahky gny fandroaha vahiny va rahay?Fa naviliny rahay, la koa sinimbasimbany tanteraky gny dralanay ie. ¹⁶ Fa gny hanagna iaby ze nalan-Ndragnahary tamy babanay amizao,la gnanay voho gnanakay.Ka amizao,ndra ino sy ino nosafagnin-Ndragnahary tagnaminao,la anovo zay. ¹⁷ Bakeo la nitsanga Jakoba,la nametraky gnanakilahiny voho gny valiny tagnabon'ny ampondra. ¹⁸ Nongahiny iaby gny hariny iabiaby,niaraky tami-kanagnany reo iaby,agnatin'iazy gny biby hareny ze niazony tagny Padana-arama.Bakeo,la niongaky handeha amin'i Ysaka babany agny ami-tany kanana ie. ¹⁹ Laha mbo nandeha hagnety gn'aondriny Labana,la nangalarin'i Rahely gnaolin'ny babany. ²⁰ Jakoba koa la namitaky gnan'i Labana Syriana,tami-gny tsy fisafagnany gnazy fa handeha ie. ²¹ Ka la nialy niaraky tamy ze nanagnany ie,la niampita malaky gny vavarano,voho nandeha tagny amy dongo-bato agny Gileada. ²² Tamign'andro faha telo la nisafagny tami-Labana fa nilay Jakoba ²³ Noho zay la nalany longony reo,la nagnaraky gnazy tagnatin'ny fito andro an-dala.Tratriny tamin'ny tana Gileada teo ie. ²⁴ Fa Ndranagnahry niavy tamy Labana azy Syriana iny tami-gny nofy lafa tami-gny haly,la nisafa tagnaminy hoe:"La hehy tsy hanao safa soa ndra raty gna'i Jakoba iha." ²⁵ Tratrin'i Labana Jakoba.Sady Jakoba nagnory tragno lainy tamy tagny abo teo.La nagnory lay tami-gny tany abon'i Gileada avao koa Labana nisondry tami-gny longony reo. ²⁶ Hoy Labana tamin'i Jakoba hoe:"Ino gny raha nataonao,ka la namitaky gnahy iha,la nanday gnanak'ampelako roe reo manahaky gny resy agn'aly? ²⁷ Nagnino iha ro nilay agnotaky voho namitaky gnahy fa tsy nisafa tagnamiko?Afaky nandefa gnanao tamy fankalaza voho hira zaho,nisondry amign'aponga tapaky voho lokanga. ²⁸ Tsy nanganao hanao veloma zafiko reo voho gnanak'ampelako reo zaho.La hasagnagna raha nasanao toy. ²⁹ Manan-kery hamparatsy gnanareo zaho,kanefaNdranagnaharin'i babanao fa nisafa tagnamiko tamy nankaly hoe:"La hehy tsy hasianao safa Jakoba ndra soa ndra raty. ³⁰ Henanizao lasa iha safemany gny himpoly an-tragnon'ny babanao agny.Kanefa nagnino ro nangalarinao ndragnahariko reo?" ³¹ Namaly Jakoba ka la nisafa tamin'i Labana hoe:"Gnatony natahotry zaho voho nieritreritsy fa halanao agnamiko ami-kozatsy gnanak'ampelanao reo zay ro nahavy gnahy hilay angnotaky io. ³² Ndra ia ndra ia nangalatry ndragnaharinao la ho maty ie.Agnatrehany gny longontsika reo la haizo ze raha iaby agnamiko atoy,ka laha gnanareo la alao zay."Gnantony tsy hain'i Jakoba fa Rahely ro nangalatry gnazy. ³³ Fa Labana nandeha nagnagny ami-gny lain'i Jakoba,tagny amy lain'i Lea,voho tagny amy lain'i mpanompo ampela roe,kanefa tsy nahajery an-drozy ie.Niboaky tamy lain'i Lea tao ie voho nilitsy tamy lain'ny Rahely. ³⁴ Fa nalan'i Rahely aoly reo la nataony tagnaty laselin'ny ampondra tao,ka la nifitaky tagnabon'izay ie.Nila magnodidy gny lay Labana kanefa tsy nahajery reo. ³⁵ Hoy Rahely tamy babany hoe:"ka meloky,tompoko,fa tsy afaky nitsanga agnilanao eo zaho,gnatony avy fotoa zaho."Ka nila ie fa tsy nahita gnaoliny. ³⁶ Nasiaky Jakoba la nifamaly tamin'i Labana.Hoy gnataony tagnaminy hoe:"Ino ro fandikan-dily nasako?Ino ro fahotako,ro nagnejiky gnahy tami-fo mafana iha? ³⁷ Fa sinavanao iaby gny hanagnanako iaby.La ino tamy iaby reo ro raha soa gnan'ny gny hasaverenagnao jerinao ao ?Ajanogno agnilany longontsika reo eto zay,mba hahafahan-drozy mitsara amintsika roe tonta eo. ³⁸ Fa niaraky tagnaminao avao zaho tagnatin'ny roapolo tao.Aondry vavinao voho gnaosy vavinao reo mbo tsy namototsy,sady mbo tsy raha nihina gn'aondry lahy bakamin'ny aondrilahinao zaho. ³⁹ Tsy nandesiko tagnaminao eo ze voatorotoron'ny gny biby .Kanefa,zaho ro nitratra gny fahatroboan'izay.Ataonao mandoa gny biby trobo iaby avao zaho,na gny nangalary midy na gny nangalary hariva. ⁴⁰ Tagny zaho;gny midy la nagnisy gnahy gny hafana,gny haliky la nagnisy gnahy gn'andro la mba tsy niroro. ⁴¹ Nifitaky tan-tragnonao zaho tagnatin'ny roapolo tao zay.Hiasa ho gnanao tagnatin'ny folo efats-amby tao zaho mba hahazoako gnanak'ampelanao roe vavy voho enin-tao ho gnan'ny aosinao voho gnaosinao reo.Sinolonao im-polo gny karamako. ⁴² Laha tsy nisondry tagnamiko Ndranagnaharin'ny babako,Ndragnaharin'i Abrahama,hatahoran'Isaka,la ho nalefanao nandehatagnam-polo vatany zaho.Jerin-Ndragnahary gny fahoriako voho gny fiasako mare,kala nisafa mare gnanao Ie tamin'ankaly. ⁴³ Namaly Labana le nisafa tami-Jakoba hoe:"Ampela reo la anak'ampelako,zafiko gny zafiny,sady aondriko voho aosiko reo aondry voho aosy reo.Ze jerinao iaby la gnahy iaby.Henanizao ka ino gny raha afaky ataoko ho gnan'ny anak'ampelako reo,na ho gnan'ny zafiko reo? ⁴⁴ Henahizao,ndao tsika hafagnaraha;la zaho voho iha,la aoky zay ho vavolombelo agnamiko voho agnaminao". ⁴⁵ Noho zay la nangalaky vato Jakoba voho nananga an'izay ho tsangam-bato. ⁴⁶ La hoy Jakoba tamy longony hoe:"Mamoria vato."Ka la nangalaky vato rozy voho nanao antontany.Bakeo rozy nihina tamy an-tontam-bato teo rozy. ⁴⁷ Kinaikiny Labana hoe Jegara-Sahadota zay,fa Jakoba nikaiky an'izay hoe Galeda. ⁴⁸ Hoy gntaony Labana hoe:"Toy antontam-bato toy ro vavolombelo amintsika androany."Nohon'izay gnagnarany la hatao hoe Galeda. ⁴⁹ Kaihy avao koa hoe Mizpa zay,gnantony la hoy gnataony Labana:"Yaveh la hitahy gnahy voho iha,laha tsy mifanhita tsika. ⁵⁰ Laha ampijalinao gnanak'ampelako reo,voho manambaly hafa ankoatriny gnanak'ampelako reo iha,ndra tsy misy olo hafa aza gnamintsika eto,la eo Ndragnahary ro ho vavolombelo agnamiko voho agnaminao." ⁵¹ La hoy gnataon'i Labana hoe:"Henteo antontam-bato toy,voho henteo tsangam-bato toy,naoriko angelagnelantsika eto. ⁵² Vavolombelo atontam-bato,mba tsy handilarako tokom-bato tsy mangaminao agny,voho tsy handilarako tokom-bato voho tsangam-bato toy magnamiko atoy,hanao raty. ⁵³ Ndragnaharin'i Abrahama,voho Ndragnaharin'i Nahora,la Ndragnaharin'ny baban-drozy la hitsara gnantsika."Nititiky tami-gny tohatr'i Isaka babany Jakoba. ⁵⁴ Nagnome soro tam-bohitry egny Jakoba voho nikaiky longony reo mba hihina.Nihina rozy la nijano tami-bohitry egny haliky raiky. ⁵⁵ Voho vaky gnandro la nifoha Labana,nagnaraky zafiny reo voho gnanak'ampelany reo la nitsipirano an-drozy.Bakeo la niongaky teo la nimpoly nangan-tragnony agny Labana.