¹ Mangalajy valy hafa Abrahama; Ketora gnagnarany. ² Niteraky gnan'i Zarmana, Joksana, Midiana, ³ Jisbaka, voho Soaha ie. Joksana niteraky gnan'i Sheba voho Dedana. Reo taranak'i Dedana la olo Asorima, olo Letosima, voho Leomima. ⁴ Elaha ro anakilahin'i Midiana, Efera, Hanoka, Abida, voho Eldaha. Reo iaby reo ro taranak'i Ketora. ⁵ Namean'i Abrahama an'Isaka zay nanagnany iaby. ⁶ Fa fahaky gny fahavelony, la nagnomea fagnomeza an'ireo anaky gny vaditsindranolahiny ka nandefa gnazy reo tagny amin-gny gny tany antignana lavitsy an'Isaka anany. ⁷ Gnandro niaignan'i Abrahama la175 tao. ⁸ Niala ay Abrahama ka maty tsatsy antitsy, johary zokiolo voky andro, ka la navory ho agny amin'ireo olony ie. ⁹ Isaka voho Ismaela, anany lahy, ro nandevy gnazy tao amin-gny gny lava-baton'i Makpela, tao amin-gny baibon'i Efrona anak'i Zohara Hetita, zay eo agnilan-gny Marme. ¹⁰ Vinilin'i Abrahama tamin'ireo anakilahin'i Heta zay baibo zay. Nalevy tagny nisondry tagnamin'i Saraha valiny i Abrahama. ¹¹ Tafaran-gny nahafaty gnan'i Abrahama, la nitahy gnan'i Isaka anakilahiny Ndranagnahary, ka nagnorin-tana narikitsy gnan'i Bera-lahai-roy. ¹² Sady reto gny taranak'i Isamoela, anak'i Abrahama, zay naterak'i Agara Egyptiana, mpanompon'i Saraha, tamin'i Abrahama. ¹³ Reto gnagnaran-gny anak'Ismaela, araky gny filaharany gny fahanterany: Nabaiota__zay talagnolon' Ismaela, Kedara, Adbela. ¹⁴ Mibsama, Masma, Doma, Masa, ¹⁵ Hadada, Tema, Jetora, Nalisy voho Kedma. ¹⁶ Reo iaby gnanakilahin'i Ismaela, ka reo gnagnaran-drozy, araky gny tanany, voho gny toby misy an-drozy; mpanjaka lahy foloroamby araky gny fokon-drozy. ¹⁷ 137 tao gnandro niaignan'i Ismaela, niala ay ie ka maty, ka navory ho agny amin'ireo olony ie. ¹⁸ Nipetraky tagny Havila ka hatragny Sova rozy, zay narikitsy an'i Egypta, gny raiky zaynagnagny Asyria. Niay tamin-gny fifagnaboka rozy reo. ¹⁹ Reto iaby gny raha nahakasiky an'i Isaka, anakilahin'i Abrahama: Nanjary baban'Isaka i Abrahama. ²⁰ Efapolo tao Isaka ao nangalaky valy an'i Rebeka ie, zay anakampelan'i Betoela zay Syrian'i Padan-Arama, zay anabavin'i Bababa syriana. ²¹ Nivavaky tamin'i Yaveh ho an'i valiny i Isaka fotony tsy niteraky ie, ka namaly gny vavaky nataony Yaveh, ka niamintroky i Rebeka. ²² Nialy reo aja tantrony ao, ka mivola ie hoe: " Nagnino zao ro miseho amiko? Koa nandeha nanontany an'i Yaveh momba zany ie. ²³ Nivola taminy Yaveh hoe: " Firenena roe gnantrokao ao, ka vahoaky roe ro sarahy bakagnatinao ao. Gny vahoaky raiky la henjahenja vatany noho gny hafa, ka gny zokiny la hanompo gny zainy". ²⁴ Lafa avy gny fotoa hahaterahany, la ingo, misy kamba roe tantrony ao. ²⁵ Naboaky gny aja voalohany la mena tanteraky manahaky gny siky voloe. Esao ro nikehandrozy gnazy. ²⁶ Tafaran'izay, la niboaky gny rahalahiny.. Nitanjaky gny lelatombokin'i Esao gny tagnany, Jakoba ro nikeha gnazy. Enipolo tao Isaka vao niteraky gnazy reo gny valiny. ²⁷ Nitombo aja reo, ka nanjary mpihaza mahay Esao, johary tambanivohitsy; Kanefa Jakoba la johary tsy be rehaky, zay nandany gny fotoany tao an-day. ²⁸ Ka la Esao ro tean'i Isaka fotony nihinana reo bitsy zay voahazany ie, ka i Jakoba koa ro tean'i Rebeka. ²⁹ Ka niketsiky hany i Jakoba. La niavy tambaibo agny Esao, ka nalemin-gny mosary ie. ³⁰ Hoy Esao tamin'i Jakoba hoe: " Engao zaho hihina amin'itoy hany toy. Misoloho lahy, la valaky loatsy zaho!" Zay gnantony nanaova gnagnarany hoe Edoma. ³¹ Nivola i Jakoba hoe: Avilio amiko aloha gny fizokianao." ³² Ka hoy Esao hoe: " Enteo fa ho maty zaho. Ino gny soa azoko bakamin-gny fizokia?" ³³ Ka nivola Jakoba hoe: " Mifagnenkena amiko aloha", Ka mifagnenty taminy i Esao ka tamin'izay la namarotsy gny fizokiany tamin'i Jakoba ie. ³⁴ Namean'i Jakoba mofo voho hany vita amin-gny voagnemba i Esao. Nihina voho nino ie, ka bakeo la nitsanga ka nandeha. Tamin'izay fomba zay ro nanaovan'i Esao tsinotsino gny fizokiany.