¹ Niseho tamin'i Abrahama teo agnilan'ny hazo terebintan'ny Marme I Yaveh,laha nifitaky teo an-tolangna-baravagnan'ny lay tamin'ny miranga andro ie. ² Nagnandrandra ie ka,ingo,nahita johary telo nintsanga nagnandrifi azy.Lafa hitany rozy,la nilay hagnenty an-drozy bakamin'ny lafonetin'ny lay ie nihohoky ambany tamin'ny gny tany ³ Hoy ie hoe: " Tompo, laha nahita sitraky teo imasonao zaho, la ka mandalo na magnenga toy mpanomponao. ⁴ Ao hisy rano kely ho andesy, sasao gny tombokareo, sady mijanogna eo ambany hazo. ⁵ Engao zaho handay hany kely, mba hahafanareo mamelombelo gnainao. Lafa afaky zay la afaky mandeha amin-gny lalanareo nareo, fotony avy teo amin-gny mpanomponareo nareo." Namaly rozy hoe: " Atavo manahaky gny nivolagninao." ⁶ Bakeo Abrahama nilitsy malaky tao an-day tao agnamin'i Saraha, sady nanao hoe: " Malaky, magnandesa koba soa intelony meza volavolao zay, sady atavo mofo." ⁷ La nilay tagny amin-gny mpiamby sondry Abrahama, sady nangalaky anak'aondry ze soa vata sady soa nagnomea ze nilany mpanompo, sady nikoropaky hikarakara gnanizay ie. ⁸ Nangalaky ambobo voho ronono ie, sady gny anak'i aondry ze fa voakarakara, sady nametraky gny hany teo agnilan-drozy, sady nitsanga teo agnilan-drozy teo ambanin-gny hazo ie laha minjabo rozy. ⁹ Nivola tamin-drozy ie hoe: " Aia i Saraha valinao?" Namaly ie hoe: 'Ao agnaty lay ao". ¹⁰ Hoy ie hoe: " Himpoly atoy agnaminao vatany zaho amin-gny lohatao, sady ingo, hanagn'anaky johary i Saraha valinao." Ninjajy teo antokonam-baravagnany lay ze tao afaran'i Saraha. ¹¹ Sady fa antitsy Abrahama, nandroso tao vatany, sady fa nihoatsy gny tao zay hahafahany ampela manday anaky i Saraha. ¹² La nihehy gny vatany saraha, nanao tamin-gny vatany hoe: " Lafa tsy misy ala gnahy sady gny tompoko la antitsy, hana zay fahafinareta zay va zaho henany zao?" ¹³ Yaveh nivola tagnamin'i Abrahama hoe: " Nagnino ro nihehy Saraha sady nivola hoe: " Hanagn'anaky vatany va zaho, na antitsy aza zaho?' ¹⁴ Moa misy raha sarotsy mare amign'i Yaveh va? Amin-gny fotoa voatendry, amin-gny lohatao, eretserety agny agnaminao zaho. Aminy zay fotoa zay amin-gny zao ho avy la anagn'anaky johary Saraha." ¹⁵ Sady manda gnan'izay Saraha sady nanao hoe: " Tsy nihehy zaho." Fotone navaka ie. Namaly Ie hoe: " Aha, nihehy vatany iha." ¹⁶ Sady nitsanga reo johary mba handeha sady nanenty tagny Sodoma. Nandeha nisondry tagnamin-drozy Abrahama mba hanenty gnan-drozy tegny amin-gny lalan-drozy. ¹⁷ Fa hoy Yaveh hoe: " Tokony hanjariko agnamin'i Abrahama va ze ho ataoko, ¹⁸ fotony Abrahama la ho lasa firenena bevata voho mahery, sady reo firenena iaby eto ambony gny tany la ho tahy avy agnaminy? ¹⁹ Fa nifily gnazy zaho mba hahafahany mampianatsy reo anany voho gny aseveregnany hagnaraky gnazy mba hitandrina gny lalagnan'i Yaveh, mba hanao gny to voho gny rariny, mba hahafahan'i Yaveh manday eo agnamin'i Abrahama ze nivolagniny tagnaminy." ²⁰ La nisafa Yaveh hoe: " Fotony bevata mare gny fitaraigna amign'i Sodoma voho Gomora, fotony maro mare gny fahota drozy. ²¹ La ninjotso agny zaho sady hanenty gny fitaraigna ze avy tagnamiko, ndra nanao izay vatany rozy. Laha tsy zay , la ho haiko." ²² Noho izay nihodiky avy teo reo johary, sady nandeha nagnagny Sodoma, fa Abrahama nijano nitsanga teo alohan'i Yaveh. ²³ Bakeo Abrahama nisiziky sady nivola hoe: " Hifaoky gny marina miaraky amin-gny raty fagnahy va iha?" ²⁴ Vasa misy marina dimampolo ao amin-gny tana. Handripaky gnan'izay va iha sady tsy handefetsy gny toera noho gny amin-gny marina dimampolo ze ao? ²⁵ Fotony agnaminao gny hanao misondry amin-gny raty fagnahy, mba hahafaha manday gny to manahaky gny raty fagnahy. Fotony agnaminao zany! Tsy hanao izay to va gny mpitsaran-gny tany iaby? ²⁶ Hoy Yaveh hoe: " Laha mahajery to dimapolo ao an-tana ao Sodoma Zaho, la hamindra fo gny toera iaby nohon-gny amin-drozy reo." ²⁷ Namaly Abrahama ka nanao hoe: " Ingo, nagnenky gny nivolagnako tagnaminy gny Tompo, na la vovoky voho lavenoky avao aza zaho! ²⁸ Magnino laha latsaky dimy gny dimampolo to? Handrava gny tana iaby nohon-gny dimy tsy ampy va Iha?" La hoy Ie hoe: " Tsy nandrava zany Zaho, laha mahajery dimy amby efapolo ao." ²⁹ La mbo nisafa tagnaminy ndraiky ie, ka nanao hoe: " Namaly Ie hoe: " Tsy efapolo hita ao?" Namaly Ie hoe: " Tsy hanao izay nohon-gny efapolo Zaho. ³⁰ Hoy Ie hoe: " Misoloho ka meloky, Tompo, mba hafahako misafa. Vasa telopolo ro ho hita ao." Namaly Ie hoe: " Tsy hanao izay Zaho, laha mahajery telopolo ao." ³¹ Hoy ie hoe: " Ingo, nagnenky hivola tamin-gny Tompoko Zaho! Vasa roapolo ro ho hita ao." Namaly Ie hoe: " Tsy handrava izay nohon-gny roapolo Zaho." ³² Hoy Ie hoe: " Misoloho ka meloky, Tompo, sady hisafa toy farany zaho. Vasa folo ro ho hita ao. La nivola Ie hoe: " Tsy handrava izay nohon-gny folo Zaho. ³³ Nandeha tamin-gny lalany Yaveh vantany vao avy nisafa tamin'i Abrahama, sady Abrahama nimpoly.