¹ Sady Saray, valin'i Abrama, la tsy mba niteraky zaza ho gnazy, nefa nana mpanompo ampela raiky ie, zay Egyptiana, kehy hoe Hagara. ² Koa hoy Saray tagnamin'i Abrama hoe: " Ingo, tsy nagnenga gnahy hana gnanaky Yaveh. Mandehana mandry miaraky amin-gny mpanompo ampelako. Zay vasa ro mety hahazoako anaky avy agnaminy." Nijanjy gny feon'i Saray i Abrama. ³ Folo tao tafarany gny niaignan'i Abrama tao an-tany Kanana ro nagnomezan'i Saray, valin'i Abrama gnan'i Hagara mpanompo ampela Egyptiana, ho valin-gny valiny. ⁴ Koa nitambatsy tagnamin'i Hagara ie, sady nibevoka. Lafa jeriny fa bevoka ie, la nentiny gny tompo ampelany tamin-gny fandratia. ⁵ Sady hoy Saray tagnamin'i Abrama hoe: " Noho gny agnaminao avao zao raty miambongo agnamiko zao. Nameako ho eo an-tratranao gny mpanompoko ampela, sady lafa jeriny fa gny bevoka ie, la ratiny teo imasony zaho. Ao Yaveh ro hitsara gnahy voho iha." ⁶ Fa hoy Abrama tagnamin'i Saray hoe: " Ingo, eo amin-gny fahefanao gny mpanompo ampelanao, ataovo agnaminy ze eretsreretinao ho mety mare." Koa la nanao fitondra mafy tagnaminy i Saray, ka nilay gnazy. ⁷ Nahajery gnazy teo agnilany lohasaha raiky tagny an-tany maiky gny anjelin'i Yaveh, lay loharano tegny an-dala magnagny Sora. ⁸ Hoy ie hoe: " Hagara, mpanompon'i Saray, baka ia iha ro hagnaia?" Sady hoy ie hoe: " Nilay gnan'i Saray tompoko ampela zaho." ⁹ Gny anjelin'i Yaveh nivola tagnaminy hoe: " Mimpolia agny agnamin-gny tompo sevakao, sady mihareta amin-gny fahefany." ¹⁰ Sady hoy lay anjelin'i Yaveh tagnaminy hoe: " Hagnamaro isaky gny avorohotanao Zaho, ka tsy ho vatsy isay rozy". ¹¹ Hoy koa gny anjelin'i Yaveh tagnaminy hoe: " Ingo, bevohoka iha, sady hiteraky aja johary, sady gny agnarany ndraiky hataonao hoe Isamoela, fotony nahanja gny finjalianao Yaveh. ¹² Ho borikidian-gny olo ie. Handrafy gny olo ie, sady gny olo iaby hirafy agnaminy, sady hipetraky lavitsy gny rahalahiny iaby ie. ¹³ Sady nameany gnan'i Yaveh zay nisafa tagnaminy zao agnara zao: " Iha ro Ndranagnahary zay mijery gnahy", fa hoy ie hoe: " Mbo mampalotsy avao va zaho, na la tafarany nahajere gnahy aza? ¹⁴ Noho zay nimkehy hoe Bera-lahai-roy gny fantsaka; ingo, eo ampagnevoany Kadesa voho Bereda zay. ¹⁵ Niteraky gny anaky lahin'i Abrama i Hagara, ro namean'i Abrama agnara hoe Isamoela gny anany, zay naterak'i Hagara. ¹⁶ Eny gnamby valopolo tao i Abrama tamin-gny niterahan'i Hagara gnan'i Isamoela ho anany.