¹ Sady tamin-gny andron'i Amrafela, mpanjakan'i Sinara, voho Arioka, mpanjakan'i Elasara, voho Kedorlaomera mpanjakan'i Elama, voho Tidala mpanjakan'i Goima, ² la nanao aly rozy reo hagnohera gnan'i Bera, mpanjakan'i Sodoma voho Birsa, mpanjakan'i Gomora voho Sinaba mpanjakan'i Adma, voho Semebera, mpanjakan'i Zaboima, sady gny mpanjakan'i Bela (nikehy hoe: Zoara). ³ Reto mpanjaka limy farany la nifampitao nisondry tao andohasahan'i Sidima ( nikehy koa hoe: ranomasin-tsira). ⁴ Roa ambin'ny folo tao ro nanompoan-drozy gnan'i Kedorlaomera, nefa tamin-gny tao fahatelo ambin'ny folo la nialia drozy. ⁵ Sady tamin-gny tao fahefatsy ambin'ny folo, la avy i Kedorlamera voho reo mpanjaka nisondry tagnaminy sady nanafiky gnan'i Refaita tao Astarta-kamaima, Zozima tagny Hama, Emima tao Save-kiritaima, ⁶ Sady gny tao an-tendrombohitr'i Seira, la traky agny Elparana, zay agnilan-gny tany efitra. ⁷ Bakeo la nimpoly rozy sady niavy tagny Ena-misapata(kaihy hoe :Kadesy),voho nandresy reo firenan'ny Amalekita, voho reo Amorita zay nifitaky tagny Hazazon-tamara avao koa. ⁸ Bakeo gny mpanjakan'i Sodoma,gny mpanjakan'i Gomora, mpanjakan'i Adma, mpanjakan'i Zeboima voho gny mpanjakan'i Bela (kaihy hoe:Zoara) la niboaky sady nioama ⁹ ho ami-gny aly hanohera reo Kedorlaomera,mpanjakan'i Elama,Tidala,mpanjakan'i Goima,Amrafela, mpanjakan'i Sinara, Arioka,mpanjakan'i Elasara; mpanjaka efatry nanohitsy reo dimy. ¹⁰ Sady gny lohasahan'i Sidina la atriky lavaky misy soli-tany, voho lafa nandositsy gny mpanjakan'i sodoma voho gny mpanjakan'i Gomora, la nilatsaky tao rozy. Ka reo ze sisa la nandositsy tagny amy reo tendrombohitsy. ¹¹ Ka nalan'ny gny rafy reo hanagnan'i Sodoma voho Gomora iaby voho tahiry iaby, ka la lasa nandeha tami-gny lalany rozy . ¹² Ka lafa nandeha rozy, la nandesiny koa i Lota, anaky gny rahalahin'i abrahama,zay nifitaky tao Sodoma, voho gny fanagnanany iaby. ¹³ Gny raiky zay afaky nandositsy la niavy ka nivola tamin'i Abrama ilay Hebreo. Ie la nifitaky tao amin'ny hazo terebintan'i Marme,Amorita,zay rahalihin'i Eskola voho Anera;rozy iaby reo zay mpisondry amin'i Abrama. ¹⁴ Ka lafa njan'i Abrama fa voasambotsy reo rafy gny longony, la nitarihiny reo johariny 318 voaanatsy zay teraky tao an-tragnony,ka nagnaraky an-drozy la traky Dana ¹⁵ Nizarany gny haly reo johariny nanohitsy an-drozy ka nanafiky an-drozy,sady nagnenjiky an-drozy latraky Hoba, zay a gny avarats'i Damaskosy. ¹⁶ Bakeo la nampoliny reo hanagna iaby,voho nampimpoly an'i Lota longony noho reo raha soany koa,mbamin'ireo sevaky voho gny vahoaky nafa. ¹⁷ Sady lafa nimpoly baka nandresy gnan'i Kedorlaomera voho reo mpanjaka nisondry tagnaminy i Abrama, la nimboaky mba hifanonjiky agnaminy tao an-dohasaha. Save lay mpanjakan'i Sodoma (nikehy koa hoe: lohasahan-gny mpanjaka) ¹⁸ Nanday mofo voho divay i Melkizedeka, mpanjakan'i Salema. Mpisoron-Dranagnahary avo mare ie. ¹⁹ Nitso-drano gnazy ie manao hoe: " Ho tahy Ndranagnahary Abo mare, mpahary gny lagnitsy voho gny tany anie Abrama. ²⁰ Isaora anie Ndranagnahary Agnabo mare, zay nagnome reo rafinao teo an-tagnanao." Bakeo la namean'i Abrama gnazy gny ampahafolony gny raha iaby. ²¹ Hoy gny mpanjakan'i Sodoma tagnamin'i Abrama hoe: " Ameo gnahy gny olo, sady andeso ho gnanao reo fanagna." ²² Hoy Abrama tagnaminy mpanjakan'i Sodoma hoe: " Zaho la fa nananga gny tagnako agnamin'i Yaveh, Lay Ndranagnahary Abo mare, zay nanao gny lagnitsy voho gny tany, ²³ fa tsy handramby singa taly, fehin-kapa raiky, raha hafa ze gnanao zaho, mba tsy hahafahanao mivola hoe: " Zaho ro nampagnarivo gnan'i Abrama' ²⁴ Tsy angalaky na ino na ino afa-tsy ze fa nihanin-dreo pamaraky voho gny anjaran-dreo lehilahy ze nisondry tagnamiko zaho. Ao rambesin'i Anera voho Eskola sady Mamre gny anjaran-drozy