¹ la niakatsy bakagny amy tagny Egypta i Abrama sady nandeha tao Negeva, ie, gny valiny,voho ze fanagnany iaby. Nisondry tagnamin-drozy koa i Lota. ² Sady Abrama la vatany nana-kanana biby volafoty noho volamena. ³ Nanohy gny liany avy ao Negeva ho agny Betela ie, hagnagny amin-gny toera ze nisy gny lainy taloha, agnelagnelan'i Betela voho Ay. ⁴ Nandeha tagny agnamin-gny toera ze nisy gny alitara ze naoriny teo aloha ie. Teo ro nikaihany gny agnaran'i Yaveh. ⁵ Sady Lota, zay nandeha nisondry tagnamin'i Abrama, la nana aondry voho aosy ,aomby, sady lay avao koa. ⁶ Tsy nahazaka gny hisondrean-drozy mipetraky gny tany, fotony maro mare reo fanagnany, n oho zany la tsy afaky niaro petraky rozy. ⁷ Sady koa nisy fifagnaraha teo amin-dreo mpiarak'andro'i Abrama voho reo mpiarak'ondrin'i Lota. Nipetraky tao amin'ilay tany reo Kananita voho Perizita tagnamin-gny zany fotoa zany. ⁸ Ka hoy Abrama tagnamin'i Lota hoe: " Ao tsy hisy tsy fifagnaraha agnamiko voho eo agnaminao, sady eo amin-dreo mpiarak'ondrinao voho mpiarak'ondriko; sady mpilongo rahateo tsika. ⁹ Tsy eo alohanao va gny tany raiky iaby? Nandehana tsy am-pisalasala sady misaraha agnamiko. Laha mandeha ankavia iha, la mandeha ankavana zaho. Na laha mandeha ankavana iha, la mandeha ankavia aho". ¹⁰ La nanenty nagnodidy i Lota, sady nahampalotsy fa gny lemak'i Jordana iaby la voatondraky soa na gnaia na gnaia tamin-gny lalana magnagny Zoara, manahaky gny sahan'i Yaveh, manahaky gny tamin'i Egypta. Zay la talohan-gny nandravan'i Yaveh gnan'i Sodoma voho Gomora. ¹¹ Noho izay Lota la nifily gny lemak'i Jordana iaby ho gnazy sady nandeha nagnatignana, ka saraky rozy mpilongo. ¹² Nipetraky tagny amin-gny tany Kanana i Abrama, sady Lota nipetraky teo amin-dreo tanan-gny lemaky. Nagnory gny lainy ho lavitsy magnariny gnan'i Sodoma ie. ¹³ Sady reo olon'i Sodoma la tena mpanota raty fagnahy magnohitsy gnan'i Yaveh. ¹⁴ Nivola tagnamin'i Abrama i Yaveh tafarany nialan'i LOta teo agnaminy hoe: " Nanentia avy eo amin-gny toera ze nitsanganao magnavaratsy, magnatimo, magnatignana, sady magnandrefa. ¹⁵ Reo tany iaby ze jerinao, la homeako gnanao voho reo avorohotanao tsy misy farany. ¹⁶ Hataoko maro manahaky gny vovoky gny tany reo avorohotanao, ka amin'izay laha misy lehilahy raiky afaky magnisaky gny vovoky gny tany, la afaky isay koa reo avorohotanao. ¹⁷ Miitsangana, sady mandeha mamakivaky gny halavany voho gny habeny gny tany, fa homeako gnanao zay". ¹⁸ La nagnoro gny lainy Abrama, sady nandeha ka nipetraky teo agnilany hazo terebintan'i Mamre, zay agny Hebrona, sady nagnamboatsy alitara ho gnan'i Yaveh tagny.