¹ Sady gny tany raiky manontolo la nampiasa fivolagna raiky voho vola itambara. ² Laha mandeha nagnatignana rozy, la nahampalotsy lohasaha teo amin-gny tanin'i Sinara ka nagnory tragno teo. ³ Nifampivola rozy hoe: " Andao, hanao boriky tsika ka hagnoro gnazy soa". Boriky ro nanagna drozy fa tsy vato sady molanga ho fotaky. ⁴ Hoy rozy hoe: " Andeha tsika hagnanga tana voho tilikambo zay hanakatsy gny lagnitsy gny lengolengony, sady ao hanorognantsika agnara ho gnantsika zay. Laha tsy manao gnanizay tsika, la miely manerana gnan'izao tontolo zao". ⁵ Lafa zay la ninjotso Yaveh mba hanenty lay tana voho lay tilikambo ze natsangan-dreo avorohotan'i Adama. ⁶ Hoy Yaveh hoe: " Ingo, vahoaky raiky mitovy fivolagna avao reo, sady manomboky manao gnanizay rozy! Eo ho eo noho tsy hisy raha zay kasay hatao rozy ka tsy vita drozy. ⁷ Koa, andeha tsika hinjotso ka hampiaro gny fivolagna drozy egny,mba tsy hifamkahay rozy." ⁸ Ka naelin'i Yaveh avy teo hanera gny velaran-tany iaby rozy sady naegny drozy gny fagnamboara gny tana. ⁹ Lafa bakeo, la natao hoe Babela gny agnarany zay, fotony teo ro mampitraofin'i Yaveh gny fivolagnan-gny tany raiky manontolo sady avy teo ro nampielezan'i Yaveh gnandrozy tany ivelany manerana gny velaran-tany iaby. ¹⁰ Reto gny avarohotan'i Sema. Zato tao i Sema, sady roa tao tafarany safo-drano la niteraky gnan'i Arpaksada Ie. ¹¹ Mbo velo dimanjato tao Ie lafa avy baban'i Arpaksada ie,niteraky anaky lahy voho anaky ampela hafa koa ie. ¹² Lafa feno dimy amby telopolo tao i Arpakasada, la niteraky gnan'i Sela. ¹³ Niay 403 tao i Arpaksada tafarany gny niterahany gnan'i Sela. Niteraky anaky lahy voho anakampela hafa koa ie. ¹⁴ Lafa niay telopolo tao i Sela, la niteraky gnan'i Hebera. ¹⁵ Mbo niay 403 tao Sela tafarany gny niterahany gnan'i Hebera niteraky anaky lahy voho anakampela koa ie. ¹⁶ Lafa niay efatsy amby telopolo tao i Hebera, la niteraky gnan'i Pelega. ¹⁷ Mbo niay 430 tao i Hebera tafarany gny niterahany gnan'i Pelega. Niteraky anaky lahy voho anakampela hafa koa ie. V 18 Lafa niay telopolo tao i Pelega, la niteraky gnan'i Reho. ¹⁹ Mbo niay 209 tao i Pelega tafarany gny niterahany gnan'i Reho. Niteraky anaky lahy voho anakampela hafa koa ie. ²⁰ Lafa niay ro amby telopolo tao i Reho ,la niteraky gnan'i Seroga. ²¹ Mbo niay 207 tao i Reho tafarany gny niterahany gnan'i Seroga. Niteraky anaky lahy voho anakampela hafa koa ie. ²² Lafa niay telopolo tao i Seroga, la niteraky gnan'i Nahora. ²³ Mbo niay roanjato tao i Seroga tafarany niterahany gnan'i Nahora. Niteraky anaky lahy voh anakampela hafa koa ie. ²⁴ Lafa niay sivy amby roapolo tao i Nahora, la niteraky gnan'i Tera. ²⁵ Mbo niay 119 tao i Nahora tafarany gny niterahany gnan'i Tera. Niteraky anaky lahy voho anakampela hafa koa ie. ²⁶ Lafa niay fitopolo tao i Tera ,la niteraky gnan'i Abrama, Nahora voho Harana ²⁷ Sady reto avarohotan'i Tera. Niteraky gnan'i Abrama, Nahora sady i Harana i Tera, sady Harana niteraky gnan'i Lota. ²⁸ Harana la maty tao amin-gny tany niterahany raha mbo velo i Tera, tao Ora tao Kaldeana. ²⁹ Nanambaly i Abrama voho Nahora. Saray ro agnarany gny valin'i Abrama, sady gny agnaran-gny valin'i Nahora la i Milka, anaky valin'i Harana, zay baban'i Milka voho Iska. ³⁰ Sady Saray la kanda; tsy nana anaky ie. ³¹ Nandesin'i Tera i Abrama anaky lahin'i Harana anany, voho Saray vinantony ampela, valin'i Abrama anaky lahiny, sady niaraky niala tao Ora tao Kaldeana rozy reo, mba ho agny amin-gny tany kanana. Fa nagnagny Harana rozy sady nijano tao. ³² Niay 205 tao i Tera sady avy eo la maty teo Harana.