¹ Ry Galatiana Adala!Ia ro nagnosavy gnanareo?Tamasonareo teo vatany ro nanehoa gnan'i Jesosy Kristy voahombo. ² Zao avao ro raha teako hagnanara gnanareo: Nandramby gny Fanahy tamin'ny asan'ny lalagna sa tamin'ny finoa ze jajinareo va nareo? ³ Adala vatany va nareo?Namototsy tamin'ny Fanahy nareo,la hodomo amin'ny gny nofotsy va henanizao? ⁴ Nao,niaritsy raha maro tamin'ny tsy misy fotony va nareo,fa laha vatany tsy misy dikany tikoa moa zay? ⁵ Nao tse, i ze nagnome gny Fanahy gnanareo voho manao asa mahatseriky agnaminareo va la manao gnanizay amin'ny asan'ny lalagna,sa amin'ny finjajigna amin'ny finoa? ⁶ Manahaky gnan'i Abrahama "nino gnan-dRanagnahary ka la nisahy ho hatony zay," ⁷ la manahaky gnanizay,haizo,fa reo ze amin'ny finoa la anakin'i Abrahama. ⁸ Gny Soratsy Masy,nahajery taloha fa Ndranagnahary hagnamary gny Jentilisa amin'ny gny finoa,la nitory gny hafatsy soa taloha tamin'i Abrahana,nisafa hoee:"Bakaminao ro hitahia gny tana iaby." ⁹ Ka,reo ze bakamin'ny finoa la voatahy misondry amin'i Abrahama,azy olon'ny finoa iny. ¹⁰ Reo ze mianky amin'ny asan'ny lalagna la eo ambanin'ny hakeo;fa voasoratsy hoee:"Voahozo ze tsy maneky iaby gny raha voasoratsy iaby agnatin'ny bokin'ny lalagna,voho manao gnan'izay." ¹¹ Henanizao la mazava fa tsy misy olo ze hamariny agnatrehan-dRanagnahary amin'ny alan'ny lalagna,fotony gny marina la ho velo amin'ny finoa. ¹² Fa gny lalagna la tsy magnaraky gny finoa,fa koa, "gnolo ze manao gnasan'ny lalana la tsy maintsy velo agnamin'ireo." ¹³ Kritsy nagnavotsy gnantsika tamin'ny hakeony gny lalagna tamin'ny niaviany ho ozo ho gnantsika,fa voasoratsy hoee:"Voaozo ze mihanto amin'ny hazo", ¹⁴ mba ho avy amin'ny Jentilisa gny fitahian'i Abrahama ao amin'i Kristy Jesosy,mba ho amin'ny finoa ro hahazoantsika gny fampagnatena gny Fanahy. ¹⁵ Ry rahalahy,engao zaho hivola manahaky gny fataon'olo.Agnamin'ny fifagnaraha ataon'olo,tsy misy afaky mangalaky na manampy ze agnatiny ao,lafa tafapetraky gny lalagna zay. ¹⁶ Ka reo fampagnatena reo la nivolagny tamin'i Abrahama voho tamin'ny havorohotany.Tsy midika zay hoe:"ho gnan'ny hasaveregna manondro olo lako,fa koa olo raiky avao,hop gnan'ny hasaveregnanao", la i Kristy. ¹⁷ Sady zao ro teako ho safagny:"Gny lalagna,ze niavy efa-jato amby telo-polo tao tafara tato,la tsy hahafaky gny fagnekea ze fa napetrakin-dRanagnahary taloha. ¹⁸ Fa laha bakamin'ny lalagna gny lova,la tsy avy bakamin'ny fampagnatena sasy zay.Fa Ndranagnahary nagnome gnan'izay gnan'i Abrahama tamin'ny alalan'ny fampagnatena. ¹⁹ Ino moa gny tanjon'ny lalagna?Nasia zay nohon'ny gny fandikan-dalagna,la traky hiavian'ny havorohotan'i Abrahama amin'ny ze nagnanova gny fampagnatena.Gny lalagna la nataon'ny mpagnelagnela raiky ho manan-kery tamin'ny alalan'ny anjely. ²⁰ Fa gny mpagnelegnela la midika ho olo mandilatsy gny raiky,fe Ndragnahary la raiky avao. ²¹ Moa va gny lalagna mandietsy gny fampagnatena n-dRanagnahary?Sagnatria zay! Fa laha nisy lalagna namea ze afaky magnome fiaigna,la bakani'ny lalagna tokoa gny fahamarina. ²² Fa gny Soratsy Masy nagnanadra gny raha iaby ambanin'ny gny fahota.Nanao gnan'izay Ndranagnahary mba hagnomeza gnan'ireo mino gny fampagnantena gny hagnavota gnantsika amin'ny alalan'ny finoa gnan'i Jesosy Kristy. ²³ Sady talohan'ny niavian'ny gny finoa,tsika la nitajahy ho babo tambanin'ny lalagna,nigadra la traky hisehoan'ny finoa. ²⁴ Ka bakamin'ny lalagna la manjary mpiamby gnantsika la traky hiavian'i Kristy,ho voamarina amin'ny finoa tsika. ²⁵ Fa zao la avy zay finoa zay,ka tsy ambanin'ny mpiamby sasy tsika. ²⁶ Fa nareo iaby la anakin-dranagnahary amin'ny finoa gnan'i Kristy Jesosy. ²⁷ Fa maro aminareo ze natao batisa tao amin'i Kristy,ro nandramby gnan'i Kristy. ²⁸ Ka tsy misy sasy ndra Jiosy ndra grika ndra andevo ndra tsy andevo,ndra johary ndra sevaky,fa raiky avao nareo ao amin'i Kristy. ²⁹ Ka laha gnan'i Kristy nareo,la havorohotan'i Abrahama,voho mpandova magnaraky gny fampagnantena nareo.