¹ Ao hataonao amigny siky folo vita amigny rongony fito maliniky no manga, volomparasy, no volon'aondry jaky miaraky aminy reo soratsy gny Kerobima gny tabernakely zay noho ho asany gny mpanao asa tagna tena mahay. ² Gny halavany gny siky kiraikiraiky noho tsy maintsy roa ambin'ny folo metatsy, gny habeny efatsy metatsy. Gny siky iaby noho tsy maintsy mitovy habe. ³ Tsy maintsy hatoky gny siky limy ,no gny siky limy hafa avao koa noho mainty hatohy. ⁴ Manova taly manga magnaraky gny sisiny ambony gny rambony gny siky natohy raiky iha manahaky an'izay koa, ro tsy maintsy agnavonao mitovy magnaraky gny sisiny ambony morony gny siky amigny vitra faharoe. ⁵ Ao hanao taly dimam-polo eo amigny siky voalohany iha, no manova taly dimapolo eo amigny moron-tsiky amigny tohiny faharoa. Atavo zay mba hifagnatriky reo taly. ⁶ Manova farango miaraky amin-dreo reo siky mba ho lasa raiky gny tabernakely. ⁷ Ao hanao siky volon'aosy ho lay magnodidy gny tabernakely iha.Manova raika ambin'ny folo agnaminy reo siky reo iha. ⁸ Gny halavany gny siky kiraikiraiky no tsy maintsy telopolo metatsy, no gny sakan'ny gny siky kiraikiraiky dia yst maintsy efatsy metatsy . Gny kiraikiraiky agnaminy reo siky raiko ambin'ny folo noho tsy maintsy mitovy habe. ⁹ Mampitrahofa siky eny hafa miaraky afehezonao gny siky eny manoloana gny lay. ¹⁰ Manova taly dimampolo eo amigny faran-tsiky amigny fehiny raiky, no taly dimampolo eo amigny sisiny faran-tsiky ze miaro amigny fehiny faharoe. ¹¹ Manova farango varahina dimampolo iha no apetrahonao agnatiny taly reo. Noho ampitraofa gny lay miaraky iha mba ho raiky avao koa. ¹² Gny ambiny vakimira tsiky izany hoe, gny ambin'ny ampahany mihoatsy amigny reo sikiny lay, noho tsy ampahany mihoatsy amigny reo sikiny lay, noho tsy maintsy ahanto ao an-dambosiny gny tabernakely . ¹³ Tsy maintsy misy raiky metatsy amigny siky eo amigny andininy, no ray metatsy amigny siky eo agnilany - zay amban'ny halavany gny lain-tsiky noho tsy maintsy ahanto amin-dreo lafiny tabernakely amigny andaniny no amigny ankilany, mba handrakotsy izay. Manova fandrakofa vita amigny holits'aondry lahy nolokoa mena ho gnany tabernakely, no fandrakofa raiky hafa vita amigny angozy soa mba ho eo agnambonin'izay. Manaova zana-kazo mahitsy amigny hazo akasia ho gnany tabernakely. ¹⁶ Gny halavany zana-kazo kiraikiraiky noho tsy maintsy folo metatsy, no gny sakany noho tsy maintsy folo metatsy, no gny sakany noho tsy maintsy ray metatsy ray metatsy no tapany. ¹⁷ Tsy maintsy misy fihatognan-kazo roe amigny zana-kazo kiraikiraiky hampitraofa reo zana-kazo. Hanao reo zana-kazon'ny tabernakely iaby toy zao iha. ¹⁸ Lafa manao reo zana-kazo ho gnany tabernakely iha , noho manova zana-kazo roapolo ho gnany lafiny Antimo. ¹⁹ Manova lela tombony volofotsy efapolo ao ambaniny reo zana-kazo roapolo iha . Tsy maintsy misy lela tombony roa ambaniny zana-kazo voalohany mba ho lela tomboky roe zay , no lela tombony roe avao koa ambaniny reo zana-kazo hafa kiraikiraiky iaby ho lela tomboky roe reo . ²⁰ Ho gnany lafiny faharoeny tabernakely , ao amigny lafiny avaratsy , manova zana-kazo roapolo . ²¹ ro gny lela tombony volofoty reo efapolo iha . Tsy maintsy misy lela tombony roe ambaniny zana-kazo magnaraky , no manahaky gnany zay hatrany . ²² Ho gnan'ny lafiny ambaliky gny taberinakely ao ami-gny lafiny andrefa,nagnanova zana-kazo eny iha. ²³ Magnanova zana-kazo roe ho gnan'ny zoro an-dabosin'ny taberinakely. ²⁴ Reo zana-kazo reo la tsy maintsy sarahy agny ambany,ka atraoky agny amy tedrony eo ami-gny mason-drojo raiky avao.Tsy maintsy manahaky zay ho gnan'ireo zoro roe an-dambosiny ao. ²⁵ Tsy maintsy misy zana-kazo valo,misondry amy reo lelatombony volafotsy.Tsy maintsy misy fototry folo enignamby gny fitraohany,lelatombony folo roe amby zana-kazo volohany,lelatombony roe ambani-gny zana-kazo magnaraky,ka la manahaky zay zisiky farany. ²⁶ Manova bara hazo Akasia iha - limy ho gnany reo zana-kazo amigny andaniny tabernakely , ²⁷ bara limy ho gnany reo zanakazo amigny antsisiny tabernakely , no bara limy ho gnany reo zana-kazo amigny lafiny an-dambosiny tabernakely eo andrefa . ²⁸ Gny bara eo agnivony reo zana-kazo , ze , antegnategnany agnombo, noho tsy maintsy mahatratsy gny farany avy . ²⁹ Rakofo amigny volamena reo zana-kazo . Ataonao ho volamena gny mason-drozo reo , mba hampisay ho fihatogna gny bara reo , no rakofo amigny volamena reo bara . Mananga tabernakely amigny fagnaraha gny drafitsy naseho gnanao tegny an-tendrombohitra. ³¹ Manova siky manga , volomparasy , no volon'Aondry zoky , no rongony foty maliniky miaraky amigny soratsy kerobima , asan'ny mpiasa tena mahay . ³² Ahantogno eo amin-dreo hery kazo akasia efatra voarakotsy volamena zay . Reo fiankigna reo noho tsy maintsy manana fihantogna volamena voapetaky eo amin'ireo lela tombony volafotsy efatsy . ³³ Ahantogno ambanin'ny farango gny siky , no ampilironao ao gny fiaran'ny vavolombelo . Gny siky noho natao hagnasaraky gny toera masy amigny toera masy mare. ³⁴ Apetrahonao eo amigny fiaran'ny vavolombelo gny sarom-pagnavota , ze ao amigny toera masy mare . ³⁵ Apetrahonao ambohony gny siky gny l;atabo . Apetrahonao tandrify gny latabo eo amigny lafiny antimo gny tabernakely gny fanaovanjiro . Gny latabo noho tsy maintsy ao amigny lafiny avaratsy . ³⁶ Manova fefy siky ho filira amigny lay iha . Ataonao amigny manga , volomparasy , no mena no rongony foty maliniky voatrebiky izany , zay asan'ny mpanao peta-kofehy . ³⁷ Ho gnany fefy siky , manova fiankigna akasia limy no mandrakofa reo amigny volamena . Gny farangon'ireo no tsy maitsy volamena , mampitranaha lela tomboky varahina limy ho gnany reo iha .