¹ Tamin'ny andron'i Joiakima , la nanafiky gnan'i Joda Nebokadnezara mpanjakan'i Babylona; lasa mpanompony nandritsa gny telo tao i Joiakima. Sady niodiky nikomy nanohitsy gnan'i Nebokadnezara Joiakima. ² Nandefa reo tafiky Kaldeana, Syria Moabita sady Amonita hanohitsy gnan'i Joiakima Yaveh; nalefany hanohitsy gnan'i Joda mba handrava io rozy. Mifagnaraky amin'ny tenin'i Yaveh, zay nolazainy tamin'ny alalan'ireo mpaminany mpanompony io. ³ Azo antoky fa tamin'ny vavan'i Yaveh ro nahatonga gnan'io tamin'i Joda, mba hanala gnazy tsy ho eo amasony nohon'ny fahotan'i Manase, la zay iaby nataony, ⁴ sady nohon'ny ra tsy manan-tsiny zay nalatsany avao koa, fotony nofenoany tamin'ny ra tsy manan-tsiny Jerosalema. Tsy nivonona gny hamela gnan'io i Yaveh. ⁵ Laha gny amin'ireo raharaha hafa iaby mahakasiky gnan'i Joiama, voho zay nataony iaby, moa tsy tsy fa voasoratsy ao amin'ny bokin'ny tantaran'ireo mpanjakan'i Joda va io? ⁶ Nimaty niaraky tamin'ireo razambeny Joiakima, sady Joiakina anany lahy ro lasa mpanjaka nandimby gnazy. ⁷ Tsy nanafiky tagny ivelan'ny taniny sasy gny mpanjakan'i Egypta, fotony gny mpanjakan'i Babylona la fa nandresy gny tany iaby zay teo ambany fifehezan'ny mpanjakan'i Egypta,hatramin'ny lohasahan-driakan'i Egypta ka hatramin'ny renirano Eofrata. ⁸ Folo valoamby tao Joikina ro nanomboky nanjaka; nanjaka telo vola tagny Jerosalema ie. Gny agnaran'ny reniny la iNehosta; anaky ampelan'i Eltana bakagny Jerosalema. ⁹ Nanao zay raty teo amason'i Yaveh ie; nanao zay iaby nataon'ny rainy ie. ¹⁰ Tamin'io fotoa io gny tafik'i Nebokadnezara mpanjakan'i Babylona la nanafiky gnan'i Jerosalema ka nanao fahirano gny tana. ¹¹ Avy teo an-tana Nebokadnezara mpanjakan'i Babylona laha mbo nanao fahirano io gny miaramilany, ¹² sady Joiakina mpanjakan'i Joda nagnagny amin'ny mpanjakan'i babylona, ie gny reniny, reo mpanompony, reo andriany, voho reo manampahefany. Nanambotsy gnazy gny mpanjakan'i babylona tamin'ny tao fahavalo nanjakany. ¹³ nalan'i Nebokadnezara bakao iaby reo raha sarobidy iaby tao an-tragnon'i Yaveh, voho reo tao an-dapan'ny mpanjaka. Notapatapahany gny raha volamena iaby zay nataon'i Solomona mpanjakan'Israely tao amin'ny tempolin'i Yaveh araky zay nolazain'i Yaveh fa hitranga. ¹⁴ Nataony sesitany Jerosalema manontolo, gny mpitariky iaby, voho reo johary mpialy iaby, babo raiky haky, voho reo mpanao tao-raha, sady reo mpanefy iaby. Tsy nisy nengany hijano afa-tsy reo olo mahantra indrindra teo amin'ny tany. ¹⁵ Nalan'i Nebokadnezara ho sesitany tao Babylona Joiakina, mbamin'ny renin'ny mpanjaka, reo valiny, reo manam-pahefany, sady reo lehiben'ireo johary teo amin'ny tan. nalany ho sesitany bakagny Jerosalema nagnagny babylona rozy. ¹⁶ Reo johary mpialy iaby , miisa fito arivo, mpanao asa tagna voho mpanefy vy ray aly , rozy iaby la natao ho amin'ny aly iaby__gny mpanjakan'i Babylona nanday reo johary iaby reo ho sesitany ho agny Babylona. ¹⁷ nataon'ny mpanjakan'i Babylona ho mpanjaka handimby gnazy Matania, rahalain-drain'i Joikina, sady novany ho Zedekia gny agnarany. ¹⁸ Roapolo raikamby tao Zedekia ro nanomboky nanjaka; nanjaka nandritsa gny folo raikamby tao tagny Jerosalema ie. Hamotala ro agnaran'ny reniny; anaky ampelan'i Jeremia bakagny Libna. ¹⁹ Nanao zay raty teo amason'i Yaveh ie; nataony zay iaby nataon'i Joiakima. ²⁰ Tamin'ny fahatezeran'i Yaveh, ro nisehoan'ireo tranga iaby reo tagny Jerosalema voho Joda, mandra-pandroahany gnan-drozy tsy ho eo amin'ny fagnatrehany. Sady la nagniry gny nanohitsy gny mpanjakan'i Babylona Zedekia.