¹ Tamin'ny fahafito tao nanjakan'i Jeho, ro nanomboky gny fanjakan'i Joasy; nanjaka nandritsa gny efapolo tao tao Jerosalema ie. Zibia ro agnaran-dreniny, bakagny Beri-sheba. ² Nanao zay marina teo amason'i Yaveh i joasy tamin'ny fotoa iaby, fotoa nampianatsy gnazy i Joiada mpisoro. Kanefa reo toera abo tsy nirava. ³ Mba nanao soro voho nagnoro ditin-kazo magnitsy teo amin'ireo toera abo avao gny fokonolo. ⁴ Hoy Joasy tamin'ireo mpisoro hoe:" Gny drala iaby zay nandesy ho fagnatitsy masy tao an-tragnon'i Yaveh, la gny drala zay notombanan'ny olo kirakiraiky__ka gny drala navory tamin'ny fanisam-fokonolo io, na gny drala azo tamin'ny voady manoka, na gny drala nandesin'ny olo tamin'ny fandrisihan'i Yaveh tao am-pon-drozy mba hagnome__ ⁵ la tokony ro raisin'ireo mpisoro gny drala bakamin'ny raiky amin'ireo hanagnan-drozy sady hagnamboara zay fahavoaza hita tao an-tempoly." ⁶ Fa tamin'ny roapolo teloamby tao nanjakan'i Joasy Mpanjaka, la tsy nagnamboatsy na ino ino tao an-tempoly reo mpisoro. ⁷ sady nikaiky gnan'i Joiada mpisoro voho reo mpisoro hafa i Joasy mpanjaka; hoy ie tamin-drozy hoe:" Nagnino nareo ro tsy nagnamboatsy na ino ino tao an-tempoly? Amizao ka mangalaky drala amin'ny mpandoa hetra sasy, fa raiso zay fa voavory mba hagnamboara gny tempoly sady omeo gnan'ireo ze afaky manao gny fagnamboara io." ⁸ Nohon'io la nanaiky tsy hitaky drala amin'ny fokonolo voho tsy hagnamboatsy gny tempoly sasy reo mpisoro. ⁹ Fa koa , nanglaky vata raiky Joiada mpisoro, nandoaky gny sarony, sady nametraky gnan'io teo agnilan'ny alitara, teo ankavana filira ao amin'ny tragnon'i Yaveh. Reo mpisoro ze nandigny gny filira ao an-tempoly la nametraky gny drala iaby ze nendesy ho ao an-tragnon'i Yaveh tao amin'io. ¹⁰ Isaky gny hitan-drozy reo fa be drala tao agnatin'ilay vata, la avy gny mpanora-dalan'ny mpanjaka voho gny mpisoronabe sady nametraky gny drala tao agnaty kitapo sady masy io bakeo,gny drala hita tao an-tempolin'i Yaveh. ¹¹ Natolon-drozy teo an-tagnan'ireo johary zay nikarakara gny tempolin'iYaveh gny drala zay voalaza. Namean-drozy gna'ireo mpandrafitsy voho reo mpagnamboatsy zay niasa tao an-tempolin'i yaveh io, ¹² sady ho gnan'ireo mpanao tragno voho reo mpikapoky vato, mba hivilia hazo voho vato voakapa mba hagnamboara gny tempolin'i yaveh, voho ho gnan'ny raha iaby ila ho vily hagnamboara gnan'io. ¹³ Fa gny drala nandesy tao an-tragnon'i Yaveh la tsy nagnomeza hiviliana finga volafoty, meso, koveta, trompetra, na fanaky volafoty na volamena ho gnan'io. ¹⁴ Namean-drozy gnan'ireo ze nanao gny asa fagnamboara lay tragnon'i Yaveh io drala io. ¹⁵ Fagnampin'io, tsy nangataky gny drala namea hanaova fagnamboara mba ho isan'ireo johary ze nandramby gnan'io rozy sady nagnome gnan'io ho gnan'ireo mpiasa, fotony marina reo johary reo. ¹⁶ Fa gny drala ho gnan'ny fagnatitsy nohon'ny heloky voho gny fagnatitsy noho gny ota la tsy nandesy tao an-tempolin'i Yaveh, mfotony gnan'ireo mpisoro io. ¹⁷ Sady nanafiky voho nialy tamin'i Gata Hazaela mpanjakan'i Syria, sady nahazo gnan'io. Bakeo la nitoliky hanafiky gnan'i Jerosalema Hazaela. ¹⁸ Nalan'i Joasy mpanjakan'i Joda gny raha iaby zay natokan'i Josafata voho Jehorama sady ahazia reo razambeny, reo mpanjakan'i Joda, voho reo volamena hita tao amin'ny efitsy fitehiriza tao an-tragnon'i yaveh voho gny mpanjaka sady nandefa reo tany amin'i Hazaela mpanjakan'i Syria. La lasa niala tao Jerosalema Hazaela. ¹⁹ Laha gny amin'ireo raharaha hafa mahakasiky gnan'i Joasy, zay iaby nataony, moa tsy fa voasoratsy ao amin'ny bokin'i Joda va io? ²⁰ Nitsanga reo mpanompony sady niara-nanao tetiky; notafihan-drozy tagny Beti-milo Joasy, agny amin'ny lala mizotso magnagny Sila. ²¹ Nampisikin'i Jozakara anaky lahin'i Simata, voho Jozabada anaky lahin'i Somera, mpanompony ie, ka maty. nalevin-drozy niaraky tamin'ireo razambeny tao amin'ny tanan'i davida Joasy, sady Amazia , anany lahy ro lasa mpanjaka teo amin'ny toerany.