¹ Zaho , Paoly , miangavy gnanareo gny vatako , amin'ny fanetren-tena voho hamoram-pagnahin'i Kristy. Malemy fagnahy aho lafa eo amin'ny fagnatrhanareo , nefa sahy gny aminareo aho lafa tsy eo. ² Mangataky aminareo aho, lafa miaraky aminareo aho, tsy mila sahy amin'ny fahatokisan-tena. Nefa aho mieretseretsy fa mila sahy manohitsy gnan'ireo zay mihevitsy fa tsika la miay araky gny nofo. ³ fa ndra io aza la mandeha araky gny nofo rahay, tsy mialy araky gny nofo. ⁴ Fa gny fialia zay ialianao la tsy ara-nofo . Nohon'io , mana hery bakagny an-danitsy reo mba hamoteha gny fagnahy raty. Fa tsy manday na ino ino gny hevi-pitain-drozy. ⁵ Ho simbantsika avao koa reo raha abo zay mananga fanohera gny fahalala gnan-Dranagnahary. Fa mihevitsy gny hambabo gny kiraikraiky amin'ny fankatoava gnan'i Kristy tsika. ⁶ Sady miomana amin'ny famaiza gny fihetsika tsy fankatoava iaby tsika, vantany vao tanteraky gny fankatoavanareo. ⁷ Jereo mazava zay eo agnatrehanareo . Fa ndra ia ia ro resy lahatsy fa ie ro Kristy, ao hampahatiaro gny vatany ie fa ie tokoa la Kristy, la manahaky gnan'io koa tsika. ⁸ Eka fa ndra la mirehareha kely aza aho mikasikin'ny fahefantsika, zay namean'ny Tompo gnantsika mba hananga ka tsy hanimba gnanareo , tsy ho megnatsy aho. ⁹ Tsy tiako zany gny hampihorohoro gnanareo amin'ny alalan'ny taratasiko. ¹⁰ Fa gny olo sasany niresaky hoe:" matotsy voho mahery gny taratasiny, nefa malemy ara-bata ie. tsy mendriky hojanjigny gny safany." ¹¹ Ao gny manahaky gnan'iregny hahay fa reo safa ao amin'ny taratisinay tamin'ny fotoa tsy nahateo gnanay la maneho gny asa tokony hataonay lafa avy agny rahay . ¹² Tsy mandeha lavitsy rahay na mampitaha gny vatanay amin'ireo zay midoka-tena . Fa laha mandrefy gny vatany amin'ny hafa rozy ka mapitaha gny vatany amin'ny hafa, la tsy ho malina. ¹³ Tsika, ndra io aza , tsy hirehareha mandilatsy gny tokony ho ie. Fa koa ataonay avao io zay misy fetrany araky gny nanendrean-Dranagnahary gnanay, fetra zay mahakasiky gnanareo. ¹⁴ Fa tsy mitandrina gny vatanay lafa avy tegny aminareo. Rahay ro avy voalohany hatragny aminareo niaraky tamin'ny filazantsaran'i Kristy ¹⁵ tsy nirehareha mandilatsy gny fetsa tsika gny momban'ny asan'ny sasany. Nefa koa, antenainay fa hitombo gny finoanareo amin'ny asa bevata miamby gny kirakiraiky, sady samby amin'ny fetrany iaby. ¹⁶ Fa zao ro antenainay , mba ahafahanay mitory gny filazantsara ndra la agny amin'ny toera lavitsy gnanareo aza. Tsy hirehareha mikasikin'ny asa fa vita tagny amin'ny faritsy hafa tsika. ¹⁷ " Nefa ao gny raiky zay mirehareha, hirehareha ao amin'ny Tompo." ¹⁸ Fa tsy gny raiky zay nanolotsy gny vatany ro ankatoavy. Nefa koa, ao gny raiky zay natolory gny Tompo.