¹ Sady farany, ry rahalahy, mampahery voho magnanatsy gnanareo rahay ao amin'ny Tompo Jesosy. Laha nahazo reo fampianara bakaminay mikasikin'ny fomba tsy maintsy handehananareo voho hamalifalianareo gnan-Dranagnahary, gny amin'io lala andehana io avao koa , la mba anaovanareo mandilatsy io. ² fa nareo la mahay reo fampianara zay nameanay gnanareo tamin'ny alalan'i Jesosy Tompo. ³ Fa zao ro sitrapon-Dranagnahary, la gny hagnamasina gnanareo ,mba hialanareo amin'ny fijangajanga , ⁴ zay ahaizan'ny kirakiraiky bakaminareo gny fomba ahazoa gny fanaky gny vatany ao amin'ny fahamasigna voho voninahitsy, ⁵ tsy amin'ny filan-draty ( manahaky reo jentilisa zay tsy mahay gnan-Dranagnahary). ⁶ Ao tsy hisy olo handika na hagnaratsy gny rahalahiny amin'io. Fa gny tompo ro mamaly amin'iregny raha iaby regny, manahaky gny nampiatandremanay mialoha voho nijoroanay vavolombelo taminareo. ⁷ Fa Ndranagnahary tsy niakiky gnay ho amin'ny fahalotoa , fa amin'ny fahamasigna. ⁸ Nohon'io , ie zay manda gnan'io la tsy manda olo, fa Ndranagnahary , zay nagnome gny fagnahiny Masy ho gnanareo. ⁹ Momban'ny fifankatiavan'ny mpiarahalahy , tsy mila olo hafa nareo hanoratsy ho gnanareo, fa nareo vatanareo la nampianarin-Dranagnahary mba hifankatia . ¹⁰ Ataonareo manahaky gnan'io, ho gnan'ireo rahalahy iaby zay eran'i Makedonia. Fa rahay la mananatsy gnanareo, ry rahalahy , mba hanao mihoatsy. ¹¹ Magnanatsy gnanareo avao koa rahay mba hagnandra hiay am-pilamina, hisaina gny raharahanareo manoka, sady hiasa amin'ny tagnanareo , araky gny nandidianay gnanareo, ¹² mba hanagnanareo fitondran-tena mendriky eo agnatrehan'ireo tsy mino voho hanan-draha mahory. ¹³ Fa tsy teanay tsy ho hainareo , ry rahalahy , gny mikasiky gnan'ireo zay nodimandry, mba tsy halavenovanareo manahaky reo ambiny zay tsy mana antoky gny amin'ny ho avy. ¹⁴ Fa laha mino tsika fa Jesosy la maty ka nitsanga ndraiky, la manahaky gnan'io koa ro hagnandesan-dranagnahary miaraky amin'i Jesosy reo zay fa nodimandry tao aminy. ¹⁵ fa zao ro lazainay aminareo tamin'ny safan'ny Tompo, fa tsika zay velo , zay tsy hialoha tokoa reo zay nodimandry. ¹⁶ Fa gny vatan'ny Tompo ro hizotso bakagny an-danitsy . Ho avy miaraky amin'ny feo avo Ie, miaraky amin'ny feon'ny Arkanjely, voho miaraky amin'ny tromperan-Dranagnahary, sady gny maty ao amin'i Kristy ro hitsanga voalohany. ¹⁷ bakeo tsika zay velo, zay sisa tavela , hiaraky hiakatsy amin-drozy egny amin'ny rahona ka hihaona amin'ny Tompo egny amin'ny habakabaky. amin'io la hiaraky amin'ny Tompo mandrakariva tsika. ¹⁸ Nohon'io , mifankahereza amin'ireo safa reo.