¹ Amizao mikasiky reo fotoa voho reo vanim-potoa , ry rahalahy, tsy mila na ino ino voasoaratsy ho gnanareo nareo. ² fa nareo vatanareo mahay soa fa gny andron'ny Tompo la ho avy manahaky gny mpangalatsy amin'ny haly. ³ Lafa miresaky rozy, " Miadagna voho milamina," la fahapoteha tampoky ro ho avy amin-drozy. Hanahaky gny fahararian'ny ampela bevohoka lafa miteraky gnan'io. Tsy ho afa-mandositsy mihintsy rozy. ⁴ Fa nareo , ry rahalahy, la tsy ao agnatin'ny hahiky ka hahatratry gnanareo tampoky manahaky gny mpangalatsy gny andro. ⁵ fa nareo iaby la anaky gny mazava voho anaky gny andro. tsy anaky gny haly tsika na gny hahiky. ⁶ Nohon'io, ndeha tsika tsy hiroro manahaky gny fataon'ny ambiny. Fa koa, ao tsika hiamby voho hahonon-tena. ⁷ fa reo zay miroro la manao gnan'io amin'ny haly, sady reo zay mamo la manao gnan'io avao koa amin'y haly. ⁸ fa laha mbo gnan'ny andro tsika , la tsy maintsy mahonon-tena tsika sady misiky finoa voho hatea ho fiarovan-tratra, sady gny antoky gny famonjea amin'ny ho avy ho fiarovan-dohantsika. ⁹ Fa Ndranagnahary tsy nanendry gnantsika ho amin'ny fahatezera, fa hahazoa gny famonjea amin'ny alalan'i Jesosy Kristy Tompontsika. ¹⁰ Ie gny maty ho gnantsika , na mifoha tsika na miroro , la afaky miara-miay aminy. ¹¹ ka nohon'io mifampionona sady mifampahereza nareo , manahaky gny fa nataonareo. ¹² Mangataky aminareo rahay , ry rahalahy , mba hagnenkeanareo zay mikely aina aminareo voho manday gnanareo amin'ny Tompo sady zay magnanatsy gnareo. ¹³ mangataky gnanareo avao koa rahay mba hagnaja gnan-drozy am-pitiava noho gny asan-drozy. Mihavagna amin'ny vatanareo . ¹⁴ magnanatsy gnanareo rahay, ry rahalahy: mampitandrema gny fikorontagna, hampaherezo reo kivy , ampio reo malemy, mahareta amin'ny iaby. ¹⁵ Ingo tsy misy olo mamaly raty gny raty na amin'ia nia. Fa koa, mila zay soa ho gnan'ny kirakiraiky voho ho gnan'ny iaby. ¹⁶ Mifalia mandrakariva . ¹⁷ Ka mijano mivavaky . ¹⁸ Misaora amin'ny raha iaby . Fa io ro sitrapon-Dranagnahary ao amin'i Kristy Jesosy ho gnanareo. ¹⁹ Ka mamono gny fagnahy. ²⁰ Ka manao tsinontsino reo faminania. ²¹ Andramo gny raha iaby. Mifikira amin'izay soa. ²² Alao reo fisehoan'ny raty iaby. ²³ Ndranagnahary gny fiadagna anie hampamasina gnanao tanteraky. Ao gny fagnahinareo manontolo, gny ay, voho gny vata la hoterizy tsy hanan-tsiny ho amin'ny fiavian'i Jesosy Kristy Tompontsika. ²⁴ Mahatoky ie gny mikaiky gnanao , gny raiky zay hanao gnan'io avao koa. ²⁵ Ry rahalahy , mivavaha avao koa ho gnanay. ²⁶ Arahabao amin'ny fagnohara masina gny rahalahy iaby. ²⁷ mangataky aminareo amin'ny Tompo aho mba ho vaky amin'ny rahaly iaby toy taratasy toy. ²⁸ Ho aminareo anie gny fahasoavan'i Jesosy Kristy Tompontsika.