¹ Nikyo nazwiireku okubegayiira nje omusibe mu Mukama waisyei okutambulanga nka nikisaanire okwetebwa kwemwayeteibwe. ² No bukyureri bwoona nokugumikiirya, nga akuzibiirya mu kwendyangana. ³ Mukunyikiiranga okwewuuma obumwe na ba mwoyo nomukubweebwa ne mirembe. ⁴ Omubiri gumwei, no Mwoyo gumwei, era nka nimwayeteibwe omukusubiira okumwe okwa kweteebwa kwanywe. ⁵ ONyamwanga waisei omwei akwiikiriza kumwei nokubatizibwa kumwe. ⁶ Nnyamwanga omwe Oite wa boona, afuga byoona mu byoona, era ari mu byoona ⁷ Yeeni buli muntu omuiswei yawebweiwe ekigera kya kirabo omu Kristo bwekiri. ⁸ Nikyo yazwiireku okubaza nti "Niyamimire aigulu, nanyaga okunyaga, nawerya abantu ebirabo. ⁹ Naye ekyigaambo eekkyo nti, "Yanyagire", kyimanyisya kki? wazira okukoba nti yaniinukire omuunsonda za nssi. ¹⁰ Eyaniinukire niye oyo eya niinire aiguru omunoo okusiinga aiguru lyoona aizulye byoona. ¹¹ Era nooyo naawa abandi okuba abatume, abaandi banabii, abaandi okuba ababuliizi, nabandi okulisya, na bandi abegesya. ¹² Olwakubaza obwikiiri olwa kuwereeza nokwomboka omubiri gwa Kristo, ¹³ Okuyica isweena isweena bwetuliika okubumwei obwa kwiikiriza, nobwakutegeera Omwana wa Nnyamwanga, bwetulika okuba omuntu omukulu mukwiika ekigeera ekya bukulu obwakwiikirira. ¹⁴ Tulemenge okubba abana abato bato ngatukutagaratagara nga tukutwalisibwa buli mpungo owa kwegesya omububeyegi bwa bantu omu nkwe, olwakusengerya obubeyegi. ¹⁵ naye nitubaza amazima omukwendya kyandibaire kisai tulyoke tukule okwiika omukama waiswei omu byoona niiwwe mutwe Kristo. ¹⁶ Omo oyo omubiri gwoona nigugaitibwa okusai niguguma amwe buli nyingo nga ekuleeta buli byajo, nka okukola omu bipimo okwaabuli kitundu bwekiri omubiri gweyongere okukula olwa kweyomboka omu kukola. ¹⁷ Nikyo nzwa mbaza nti nintegeeza omukama waiswei, nywe mulemenge okutambula era nka Abamawanga nibatambula omubirowoozo byaabwe ebitalumu. ¹⁸ Ngabalina ekirikiirya mu magezi gaabwe, nga bakuboolebwa okuzwa omu bwoomi bwa Nyamwanga olwa butategeera obuli omubo. Obuletela okukanyara kwa mitima zaabwe. ¹⁹ Bafuuka bakakanyari, nibewaayo omu bwenzi, okukolanga ebya bugwagwa obundi no mukwegomba. ²⁰ Yenywe timwayegere mutyo Okristo; ²¹ Nsuubira nga mwamuwuliire, nimwegesebwa omuye nigo amananu nigali omu Yesu. ²² Mweyeku omuntu owairai asengerya embeera za bwoomi bwamwei obweirai, eyasinsikaire olwakwegomba okwa bubeyegi. ²³ Era muyiribwe buyanka omu mwoyo gwa birowoozo. ²⁴ Muzwaale omuntu omuyaka eyatondeibwe omukisani kya Nyamwanga no bwikiiri bwa mananu. ²⁵ Kale, mweyiyemu obubeyegu mubazenge amananu buli muntu no mwiira waamwe. Kubaanga tuli bitundu bya baira baiswei iswenkai na iswenkai. ²⁶ Mugongerenge naye mutasinsanga isana leke litagwa nga okyalina obusungu. ²⁷ Naye mutawanga sitaani ibanga. ²⁸ Eyaibanga alekerao okuyiba, naye akiri , afubeenge nga akola ebisai ne mikono zaabwe alyoke abe ne kyakumuwa akweetaga. ²⁹ Buli kigambo ekigumbi kireme kuzwa mu minwa zaiswe naye ekisai nikyabangawo olwa kwomboka omuntu bwakwendya, abakuura kibenge ekisa. ³⁰ Naye mutanakuwalyanga myoyo omwikiiri owa Nnyamwanga, olwebyo biyabatekeseryeku akamanyisyo okwiita olunaku olwa kununulibwa. ³¹ Okusala kwoona, no busungu, no bwandi, nokukayana, no okuzuma, bibazwengeku, hamwe ni mitima zoona. ³² Era mubenge no busai nywenkai na nywenkai abakwatibwa ekisa, nga musasirangananga, era nga ONyamwanga niyabasasire