¹ Kale mwisanenge ONyamwanga, nkabana abaganzi; ² era mutaambuurenge omukwendya, era nk'okristo niyabenderye nywe, niiyewaayo okulwaiswe okubba ekisembo kya kawowo akakunya okusai era saddaka edi ONyamwanga. ³ Naye obweenzi n'obugwagwa bwoona n'okwegomba n'okubazibwaku tebibazibwangaku munywe, kubanga ebyo tebisanira abaikiiri. ⁴ Tewabangawo bya nsooni, nebwewakubaire ebinyimibwa ebya'busiru, kabe okugayala, ebitasana, naye wakiri wabengewo okwe'balyanga. ⁵ Kubanga ekyo'mukitegerera kyimwi nga ndowo mweenzi oba'omugwagwa, oba eyegomba niye oyo asinza ebifaanayi,aliina obusika omu'bukama bwa'Kuristo no'Nnyamwanga. ⁶ Omuntu yiina tababeyeganga ne bigambo ebitalimu, kubanga olwe'byo obusungu bwa'Nnyamwanga bwiza okubana abatawuura ⁷ Kale temutesanga kimwei nabo ; ⁸ Kubanga eirai mwaali mulikirya, naye ati muli esaana omukama waiswe, mutambulenge nka'baana baisana. ⁹ Kubanga ebaala byaisana birimubusai bwoona no bwiikiri na mananu. ¹⁰ Nga mukeberanga omukama waiswe kyakwendya niimwo kiiri. ¹¹ Temuukanyanga kimwei nabiikolwa ebiitabala abatali bya baikiiri naye wakiri mubiburengembe. ¹² Kubanga kya nsooni no kukibazaku ebyo byebakolre omukyama. ¹³ Naye ebigambo byonna, ni byabulirirwanga, eyisana ribibonesye, ¹⁴ Kubanga buli kibonesebwa ni ryo eyisana. Nikyo azwa abaza nti "Ayiimuka, we abbasirye, ozukiire omu baffu, O Kristo yakwakira" ¹⁵ Kale mubonenge ni mwatambulanga, tinka batalina amagi, naye nka abalina amagezi. ¹⁶ Nga mukweyiguranga eibanga, kubanga enaku zini zibi. ¹⁷ Kale temubanga nka basirusiru, naye mutegerenge Omukama weiswei kyayendya nimwo kiri. ¹⁸ Kale temutamiranga mwenge, kubanga omwo alimu okwedanda, naye mwiizurenge Omwoyo. ¹⁹ Nga mukubaziranga omuzaburi ne nyembo, nebisukire Omwoyo, nga mukwembanga, nga mukubiranga ennanga omumitima zanywe Omukama waiswei. ²⁰ Mwebalyenge ONyamwanga waiswei enaku zoona muyibara rya Mukama waiswei Yesu Kristo. ²¹ Muwulilienganenge olwa kutekamu Okristo ekitinisya. ²² Abakazi muwuliliyenga abasiza baanywe, nkebwemuwulilya Omukama waiswei. ²³ Olwakuba omusaiza niye mutwe gwa mukazi wamwe, era nka Okristo nali omutwe ogwa kanisa, omubiri gwamwe eranga niye mulokozi waayo. ²⁴ Naye nge kanisa bwewura Okristo, na bakazi botyo bawurenge abaiba baabwe mu buli kigambo. ²⁵ Abasaiza mwendyenge abakali baanywe, era nko Kristo niyenderye ekanisa, niyewaayo okulwayo. ²⁶ Alyoke ajeryenga male okugirongoosa no kujinaabya na mayizi omu kigambo. ²⁷ Alyoke ajeretere ye omukama wa kanisa eya kitinisya, ngandooku Nyamwanga kabe obweyizingi bwona, kabe kyona ekisani nkakini; naye ebe jeru eteliku bulema. ²⁸ Era nikibagwaniire mutyo abasaiza okwedyanga abakazi baabwe benyini nke mibiri zaabwe zenyini. ²⁹ Kubanga ndoowo muntu yaali akyawire mubiri gwamwe ye, naye agulisya, agujanjaba, era nko Kristo najanjaba ekanisa. ³⁰ Kulwakuba tuli bitundu bya mubiri gwaamwe. ³¹ "Omuntu nikyo yazwaanga naleka oyito bwaamwe, no nyina bwaamwe nibegeita no mukali waamwe, boboona babanga mubiri gumwe" ³² Ekyama kini kikulu,, naye nkubaza ku Kristo ni kanisa. ³³ Naye era nanywe buli musaiza ayendyenge omukali wamwe nkebweyeyendya, no mukali atekengemu oiba wamwe ekitinisya