¹ Olwa nsonga eni, njje OPawulo, omubbwe wa Yesu Kristo okulwanywe Abanamawanga. ² Nkusubiranga mwawulire obuwanika obwa kisa kya Nyamwanga kinaweweibwe okulwanywe. ³ Nengeri ekyama ekyo gyekyantegezeibwemu omukusweekurwa nkaninawandikire eirai omubigambo ebidyooli. ⁴ Nimwasoma bini mumanya okutegeera kwange okwa kyama kya Kristo. ⁵ Ekyo ekitagezeibwe abana ba bantu, omumirembe egya eirai nga nanti kiswekuriirwe obutumwa bwaamwe abeyikiiri na banabbi ba mwoyo. ⁶ Eni nigyo ngeri Abanamawanga gyibabeiremu abasikira amwei, era abamubiri ogumwe, era abaikiriziganyanga amwe omubyasubiziibwe omu Kristo Yesu olwa njiri. ⁷ Olwa njiri eni nafuulibwe omuwereza wagyo, nka ekirabo ekya kisa kya Nyamwanga nikiri kinawebweibwe nkokukola kwa maani gaamwe nikuli. ⁸ Ningye omuto akusinga abato abamubayikiiri boona, nabweweibwe ekisa kini, okubuuliranga Abamawanga obugaigai obwa Kristo obutaswaganikika. ⁹ Nokumulekeranga boona babone enteekateeka ya kyama neri, ekyakurekeibwe okuzwa eirai neirai omu Nnyamwanga ewangaire byoona. ¹⁰ Ati nga okwakaara omukanisa, ONyamwanga akwendya ayakaare omumagezi gaamwe againgi edi abamasaza nababuyinza omubifo ebya muyiguru. ¹¹ Ekyo yakitegekeirei okuzwa eirai nairai nakiyikiriirya omu Kristo Yesu Omukama waiswei. ¹² Omuye nimo twiiya amaani no bugumu, okumusemberya olwa kumwiikiriza. ¹³ Nikyonzwa nsaaba muleme kwiirira olwa bibarazi byanga okulwanywe. Ebyo nibyo kitinisa kyanywe. ¹⁴ Nikyonzwa nfukamira oito wange, ¹⁵ buli kika kya muyigulu nekya kunsi nikyo kiya eibara ryamu. ¹⁶ Abawe nywe nka obugaiga bwa kitinisya kyamwe nikiri. Okunywezebwa okwa maani mu mwoyo gwaamwe omu muntu wa munda. ¹⁷ Okristo ayikaarenge omumitima zaanywe olwa kuyikiriza mubenge ne mizzi, munywezebwenge omukwendya. ¹⁸ Mulyooke muweebwenge amaani, okukwaatanga na magezi amwei na abayikiiri boona obugazi nobulayi, no bugulumivu nokwaaba ensi ni kuuli. ¹⁹ nokutegeera okwendya kwa Kristo okusinga okutegeerwa. Mulyooke mujuure kaakimwei, nokwiira kwona okwa NNyamwanga. ²⁰ Ale oyo ayinza okukola omuno kakyimwe okusinga na byetusaba oba byetukulowooza, nka amaani agakola omuyiswei nke bwegali. ²¹ Awebwenge ekitinisya omu kanisa no Mukristo Yesu okwica emirembe ne mirembe egitawaawo. Amina