1
. Ikare kame Erode kobedo ngapug owinyo kede rwonge ikom Yesu.
2
. Di en eko waco ne jo tic mege be man en Yokana nga ibatis en koyaruno kikom jo koto en omio tice adongo dongo tie nyutere kibute.
3
. Pien Erode bin oudo omio omako Yokana di oko tweno iot kol pi kop ka Erodia dako omimere Pilipo.
4
. Pien Yokana bin oudo owaco ne be iswil likame yei ne in bedo kede dano nono.
5
. Bed bala en oudo emito neke do oudo etie iworo ekodet pien gin bin kitere bala enabi.
6
. Do kakame ceng me yutuno ceng me nywalo erode otuno kede nyar kakerodia di ko miel inyim gi di eko yomo cuny Erode.
7
. Omio en eko timo cikere kede kwong pi mine gimoro kenekene kame en ebino penyo.
8
. Do oudo toto mere otieko cike be mia wi Yokana nga ibatis isinia.
9
. Di gin oko cobo cuny abaka do pi cobo kwong kede iworo jo kame bin tie bedo kede cam omio en eko ciko pi mine.
10
. Di en eko cwano di oko ngolo wi Yokana iot kol.
11
. Di oko kelo wi Yokana isinia di oko mino nyako noni di eko kelo ne toto mere.
12
. Josiao mege di kobino kwanyo kome tero ot yiko di kiko ot waco ne Yesu.
13
. Kakame Yesu owinyo kede kop nono di en eko kede ot itela kakame jo owinyo kede kop momo gin kiko lube kede tengi oko me bomba.
14
. Di Yesu oko ot anyim eko neno ekodet adwong di en eko nyiko but gi kede kisa di eko cango jo tuo gi.
15
. Di otieno otuno josiao mege di ko bino bute di kiko waco ne be kan obedo itela doko esawa da okato sarakino ekodet me jo tenge kiot icalere ki wil cam gi kikomgi.
16
. Do Yesu di kowaco negi be liame gin kipore ot miunu gi gime acama.
17
. Di gin kiko waco ne be wan otie kede mugan kany kede aporogon are kan.
18
. Di en eko waco be kelunu gi bute kan.
19
. Di en eko ciko ekodet me jo pi bedo piny ilum di en eko kwanyo mugati kany kede aporogon are, di eko neno malo eko mino winyo di eko tuturo gi di eko mino mugati but josiao mege di do josiao oko mino ekodet me jo.
20
. Di gin dedede kiko camo di kiko yeng di kiko ooko ingidingidin kodong pong ibukito tomon kiwie are.
21
. Jo ocamo dedede oudo romo jo tutumia kany di liame omaro mon kede idwe.
22
. Cucuto nono Yesu di ko mino josiao mege donyo iyee di gin kiko telo nen yongayo me ot loka tetuca en oudo edong cen pi peruno jo.
23
. Kakame en etieko peruno kede ekodet me jo di en eko ot iwi moru pi ilega di otieno otuno en oudo etie kuno kene.
24
. Do esawa nono yee oudo tie do idier nam di etie pumo ebuka me yamo pi yamo oudo tie buko kitek.
25
. Kakame piny otuno kede obai Yesu di ko bino but gi di eoto iwi nam.
26
. Kakame josiao onene kede di etie ot iwi nam iworo di ko mako gi kiko waco be man obedo tipo di gin kiko donyo koko pi iworo.
27
. Do cucuto nono Yesu di ko waco negi be bedunu kede yom cuny ango inono ni kur ibedunu kede iworo.
28
. Di Petero oko dwoko ne be Rwot kame di in wekada abin buti iwi pi.
29
. Di Yesu oko waco ne be bia do kakame Petero owok kede iyee di en eko cako ot iwi pi me ot but Yesu.
30
. Do kakame eneno kede yamo di tie buko iworo di ko make eko cako iwiny di eko cako koko di ewaco be Rwot laka.
31
. Cucuto Yesu diko rieno bade diko make di kowaco ne be okwe un jokame yei unonok, pinyo omio itie kede abuikin.
32
. Kakame gin kidonyo kede iyee yamo oko kwei.
33
. Di jo oudo tie iyee oko wok di kiko wore di ki waco be me ateteni in en wot ka Rubanga.
34
. Di gin kitieko ngolo nam kiko tuno ilobo me Genesaret.
35
. Kakame jo me lobo ongeo kede Yesu gin kiko sarakino kop but pinye koluko gi dedede di oko kelo ne jo tuo.
36
. Di gin kiko kwane be koto en eyei ne gin mulo lak egwe mere pien jo atot ame omulo egwe mere gin dedede kicango