1
. Dido jo iwadik kedeiparisayon kame bin wok iyerusalem oko bino but Yesu di ki waco be;
2
. Pinyo komio jo siao nin turo itok me jodongo? pien gin likame kilwoko cing gi kame kicamo mugati.
3
. En eko dwoko di ewaco negi be; Pinyo bo komio uda ituru nu iswil ka Rubanga pi kop me itok wu?
4
. Pien Rubanga ocikakino di ewaco be; Wor papani kede totoni, dokon ngat kame lamo papa mere ara bo toto mere; pore neke.
5
. Do wun ikounu waco be; ngat kame yamo ne papa mere arabo toto mere be; Ameda kame koto yin iwudo kibuta, tie irabu ka Rubanga.
6
. Dido liame en eko nyuto wor but papa mere ara bo toto mere. En epone nono kame wun imiunu kede iswil ka Rubanga teko mere odoko li pi wun lubo itokwu.
7
. Wun jo isidik, isaya bin omurao iber ikomu di ewaco be;
8
. Jogi noka ngo kede dog gi, Dokon ki wora kede del dog gi bor keda.
9
. Dokon wor gi buto, tie me nono Abunge megi kame gin kipwonyu obedo iswiliaka ka jo.
10
. Kakame en eko iwongo kede ekodet bute, eko waco negi be, "winyunu di ikounu niang!"
11
. Likame gikame donyo idog dano karuno munao en, do gikame wok kii dog dano en kame karuno munao dano
12
. Josigo mege diko bino, di kiko waco ne be, Benyo, ingeo be iparisayon cuny gi oguikin, icen ngei gin Winyo kope gi?
13
. Do en eko dwooko di ewaco be, gi apita moro ni dedede kame papa na me imalo liko opito, oyaro puttere tenge.
14
. Wekunu gi kibedi, gin ki bedo jo tel kame wang gi otoo, dokon da, kame emuduk otelo emuduk, gin duc ki yaro poto ibur.
15
. Petero oko dwoko di waco ne be; tatamo ne wan agole noni.
16
. Di Yesu waco be, uda dokon pwodi itieunu abongo niangi?
17
. Liame iniangunu be gi kame donyo i dog dano beo ko kato ii ye, di oko teere icoloni?
18
. Do jamno kame wok beo ki dog dano becakino wokun kii cunye, en kame munao dano.
19
. Pien ki i cuny dano par kareco wokuni ye, nek, adote, isapan, kuuo, mino mujura me abe, ayet;
20
. Magonogi en ojame kame munao dano; do cam kede cing alikame ko iwoko liame munao dano.
21
. Dido Yesu oko yai kikano, di eko oot i piny me Taya kede Sidon.
22
. Ikanono, dako me Kano oko wok i piny acel nono, di oko koko bute di ewaco be, "bed kede kisa ikoma okwe Rwot, yin wot ka Daudi, nyara ngo jwogi tie tisilaro itek twatwal!"
23
. Do en likame eko dwoko ne kop moro, dido josiao megge eko bino di ko kwame di ki yamo ne be cwae tenge, pien etie koko di elubo wa.
24
. Do en eko dwoko di ewaco be, ango likame ko cwa karamoro, do kwanyo but oromini ko rwenyo me ot me Isirael,
25
. Dido dako noni oko bino diko woore di yamo ne be, Rwot konya.
26
. Do en eko gamo doge di ewaco ne be, Liame etie gi ko opoore me kwanyo cam me iduwe dioko uco ne igwogin.
27
. Dako noni di ko waco be, ki i atene, Rwot, akadi igwogin da, gida kicamo ngide kame popoto ki wi emesa me nga dwong gi.
28
. Dido Yesu oko gamo dog dako ni di ewaco ne be; Okwe dakoni yei ni dwong twatwal, wek do etimere bala kame yin imito kede. Dido nyare oko dooko ber i esawa nono.
29
. Yesu dido ko yai ikuno, dido eko bino ka ki yapi kede dog nam me Galilaya; di eko yito malo iwi moru, eko bedo piny kunono.
30
. Ekodet me jo dido oko bino bute, li ki tie kede ingwalaca, imuduka, jo ko ngunngunun, idingoi kede jo ace kame tot twatwal, di oko keto gi itien Yesu, di en eko cango gi.
31
. Itek twatwal di ekodet oko uro, kakame ki neno kede jo aleb gi oto di yamo, jo ko ngun ngunun di lot, ingwalasa di ooto, kede imuduka di neeno, gin kiko miino Rubanga me Isirael deyo.
32
. Yesu dido oko lwongo josiao megge nute di eko waco be; Ango atie kede kisa ikom ekodet, pien gin ki meede bedo keda pi cenge adek di likame ki camo gimoro, doko da ada lika karuno twaaro gi di ki tie kanyo kec, me wek kur ki oti ipoti iyonyayo.
33
. Josiao meege di oko waco ne be; Tuai en kame wan opoore udo ki ye can atot kame otwero pito kede ekodet kinangara kaman?
34
. Di Yesu oko waco ne gi be; itieunu kede ibunu me mugati adi? di gi kiko dwoko ne be; kany kaare, kede dek nam mogo anonok.
35
. En dido eko cikakino jo pi bedo piny iwi lobo.
36
. En dido eko kwaanyu mugati kany kaare, kede dek nam, eko miino pwoc, eko tuturo gi, di eko miino gi but josiao meege, dido josiao oko gabo gi but ekodet.
37
. Di gin dedede kiko camo, di kiko yeng; dido kiko cooko ngide me cam kame odong, di oko pongo ibukito kany ka are,
38
. Aso jo kame ocamo cenge no oudo tie cuo tutumia ongwon, di likame ko maro mon kede idue.
39
. En eko do twaaro ekodet, dido eko yito i yee, eko ngolo loka Magdala.