¹ Yesu oko donyo di ebeo Jeriko. ² Oudo, bin icuo moro kame nyinge Sakayo. Kame obedo ngadwong me jo rar esolo, do di bobo etie dano obaro. ³ En bin eparo itek pi neno Yesu, likame bin eko twero neno pi ekodet me jo oudo dwong, pien en ebedo dano acecek. ⁴ En bin eko ringo anyim, di eko ito iwi yat cukamoro pi neno Yesu, pien Yesu oudo tie beo iyongayo nono. ⁵ Kaka me Yesu otuno kanono, en eko neno malo di eko nene di eko waco ne be, "Sakayo wok piny awakawaka, pien tin ango apore bedo iodi. ⁶ Cucuto nono en bin eko wok piny di eko gamo Yesu kede kilel. ⁷ Kakame jo oneno kede, gin dedede kiko ngunguro di i waco be, "en etie ot bedo welo me dano anga dubo. ⁸ Sakayo diko cungo malo di eko waco ne Rwot be, "Neni, Rwot adul me jamini na abino mino jo can, kede kame bin agamo jamini ka ngatamoro kede pido me angalo, abino dwoko ne tien ongwon." ⁹ Do Yesu diko waco ne be, "i ceng me tin alako obino iodi, bala kame ida i bedo wot Aburaam. ¹⁰ Piento wot a dano obino mono kede lako jo orwenyo." ¹¹ Kakame gin iwinyo kede gini, en eko medo waco ne gi agole, pien oudo en bin iyapi kede Yerusalem, pien gin bin oudo iparo be ajakanut ka Rubanga poore neno susunyo. ¹² Pimano en eko waco negi be, "dano moro kame oworo bin oyai di eko ot i lobo abor pi gamo ajakanut di eko dwogo. ¹³ En bin eko lwongo jo tic mege tomon, en bin eko popoko negi silingi tutumia tomon eko waco negi be, "tiunu kede gi tuno ango dwogo." ¹⁴ Do jo me piny mere oudo dage,gin iko cwano kop ingei en yai di i waco be, "wan likame obino yei ne icuo no pugo wa. " ¹⁵ Ikare kame en edwogo kede di etieko gamo ajakanut, en bin eko lwongo jo tic mege bute kame en bino emio Sente, pien oudo emito ngeno ameda kame ngat acel acel otimo beo i cato wil. ¹⁶ "Dano me agege, oko bino diko waco ne be, "Rwot sente ni otimo ameda me siringi tutumia tomon" ¹⁷ "Do en eko waco ne be, 'itimo iber in ngatic aber. Pien in ibedo dano kame genere igi atididi, ibino bedo kede akarinikin ikom bomban tomon." ¹⁸ "Do dano me are oko bino, do waco ne be, "Rwot sente ni otimo ameda me tutumia kany." ¹⁹ "en eko yamo ne iye epone acel nono, ida ibino bede kede akarinikin ikom bomban kany." ²⁰ Dano ace diko bino, di waco be, "Rwot, sente ni ige kame abedo gwoko itek, di aboo gi kede itambala, ²¹ Ango abedo kede lworo ikomi, pien in ibedo dano a nwang. In ikwanyo ika likame iketo iye, do ikao gi kalikame in en icuo." ²² "Do ngadwong mere diko waco ne be, "kop kame wok idogi en kame abino ngolo ni iye kop, in ngatic karac in bin ingeo be ango abedo dano a nwang, akwanyo ika likame aketo iye, doko akao gi kalikame a cuo. ²³ Pinyo omio likame itero sente na daro sente, me wek tetekeny kame ango adwogo audo sente na kede ameda moro iye?" ²⁴ En eko waco ne jo kame tie cungo be, "gamunu sente go i bute, di iko wunu mino but dano kame tie kede silingi tutumia tomon." ²⁵ "Di gin kiko waco ne be "Rwot, en atie kede silingi tutumia tomon." ²⁶ "Pien awaco ne wu be, but dano kame tie kede obino mede, do but dano kame li kede, akadi moro atididi kame etie kede obino tenge ibute. ²⁷ Do jo kwor nango go, kalikame yei be ango apugi kel wunu gi kan, inek wunu gi inyima." ²⁹ Do kakame enoko kede Betepage kede Betani, imoru kame olwongo be Olibeti, en kede Josiao mege are, ³⁰ Di en eko waco negi be, "o tuno icalo kame tie inyimu ca, kakame ibinunu donyo kede ibinunu udo atin me asigira ame otweo, kame pwodi likame dano moro awanano. Gonyenu di iko wunu kele kan. ³¹ Do kame, dano moro openyo wu be pinyo omio igonyenu? wun ibinunu dwoko ne be, 'Piento Rwot mite." ³² Kakame jo kame en ecwao otuno kede gin kiko udo bala kame en ewaco negi. ³³ Kakame gin itie gonyo kede asigira, do wegi diko penyo gi be, "pinyo omio ogonye nu?" ³⁴ gin diko dwoko be, "Rwot tie mite." 35 Do gin kiko kele but Yesu, di gin kiko peto iguen gi ingei asigira, dido gin kiko keto Yesu iye. ³⁶ Do kakame en etie kede, di jo oko peto iguen gi i yoo. ³⁷ Do kakame en enoko kede aserengete me moru me Olibeti, ekodet dedede me Josiao diko geno ilel di iko pako Rubanga kede dwan a malo pi tice me twer kame gin i neno, ³⁸ Di gin kiwaco be, "tie kede winyo abaka kame bino inying Rwot! mulem bed malo kede deyo amalo twal!" ³⁹ Do mogo ikom iparisayon kame oudo tie idiere me ekodet diko waco ne Rwot be, "Apwoyo, geng Josiao ni go." ⁴⁰ Do en eko dwoko di ewaco negi be, "awaco ne wu, kame di jogi poore ling, cucuto ingaroi gi bino cako ilelem" ⁴¹ Do kakame en enoko kede bomba, en eko neno eko cako koko pire, ⁴² En eko waco be, "ka koto oudo ingeo, akadi i ceng ni, gikame romo kelo ne ni mulem! do nan okano gi i wangi. ⁴³ Pien ceng tie bino ikomi, kame jo kwor ni bino gero kede apama luki, di gin kiko bino goloro in ibad dedede. ⁴⁴ Di gin iko bino reti piny, kede idwe ni kame tie kedi. Dokon likame gin kibino weko engaro moro di odokere iwi ocelu pien likame ingeo esawa kame obino welao in kede." ⁴⁵ Di en eko ot i tempulo, di en eko cako riamo jo kame cato jame, kede jo kame wilo I tempulo, ⁴⁶ Di ewaco ne gi, "oda en ot me ilega, do un iloke nu edoko aboo me jo kuo." ⁴⁷ Do en eko bedo pwony bul ceng i tempulo. Di jo josaseredoti adongo kede jo pwony iswil, kede jo pug jo oko donyo mono epone me neke, ⁴⁸ Do likame gin kiko twero udo epone timo, pien jo dedede oudo ciko iit gi pi winye.