¹ . Kakame pesito otuno kede idul kame en epugo; icen me ceng adek en eko yai ikaesarea tuno Yerusalem. ² . Ikanono jo dongo me Isaseredotin karacel kede jodong me Iyudayan oko tatamo ne kop ikom Paulo, di kiko kwano cunye. ³ . Pi timo ne gi bero me wek ecwai en Yerusalem dodi oudo kitieko iikere dare iyongayo pi neke. ⁴ . Do pesito oko dwoko negi be, Paulo opore gwoko ikaesarea, doko eda etie mito oot kunono awakawaka. ⁵ . En eko waco be, “Pimano wek jo adongo wu upere kede kuno, di gin kiko pide ka tie gimoro arac bute. ⁶ . Icen me bedo kede gi pi ceng kalikame kalamo tomon en eko yai eoo kaeserea iceng kame Lubo en eko bedo ikom mere me ngolo kop, di eko ciko be kel Paulo. ⁷ . Kakame Paulo otieko tuno kede Iyudayan oko cungo oluke, di kiko cako kelo pido atot adongo dongo ikom Paulo kalikame twero nyuto ateni gi. ⁸ . Paulo oko pido kamanc “Ango likame aturo iswil me Iyudayan likame atimo raco moro itempulo amotoko ne Kaisari akadi acel. ⁹ . Do pesito piento mito yomo cuny Iyudayan, oko penyo Paulo be” in imito be teri ot pidi ikope nogi inyima I Yerusalem?” ¹⁰ . Do Paulo oko dwoko be, “Ango atie cungo inyim kom me ngolo kop ka Kaisari, kakame pore pida pida iye, doko da ango gira likame atimo ne Iyudayan gimoro arac bala kame ida ingeo kede kiber. ¹¹ . Pi mano ka me di ango abedo ngat arac di atimo gimoro arac kame mio kotwero neka, ango likame adagi to; do ka gikame kitie pida iye likame atimo udo likame tie ngatamoro kame tie ngatamoro kame me jala icing gi. Ango ajuro pido but Kaisari. ¹² . Kakame pesito otieko yamo kede kansulo mere eko dwoko ne Paulo be, “In ijura pido ni be ter but Kaisari ot but Kaisari” ¹³ . Kakame ceng mogo ongolo kede Abaka Aguripa kede Berenike oko bino Kaesarea pi moto Pesito. ¹⁴ . Kakame kitieko kede ceng atot kuno, Pesito oko tero kop kame kopido iye Paulo inyim Abaka di ewaco be, “Tie icuo kame pelik oweko iotkol. ¹⁵ . Ikare kame ango oudo atie kede Yerusalem. Jodongo me josaseredoti karacel kede jodongo me Iyudayan oko mina ngec di kikwao be ngol ne kop. ¹⁶ . Do ango ako dwoko negi be, likame obedo ekite me Joroma pi jalo dano to, di pwodi likame eriamakin kede jo kame tie pide wang iwang me wek eda eud kare me pido dwodwoko kope kame kopide iye. ¹⁷ . Pimano kakame gin kicokere kede kan, ango likame ako gal do orubmere ango ako bedo ikom na me ngolo kop. Di ako ciko be kel icuo nono. ¹⁸ . Kakame jo kame pide oyai kede malo gin likame kiko kelo pido moro arac ikame bala kete kame ango oudo aparo kede. ¹⁹ . Do oudo kitie kede peny mogo bute kame mako edini gi, kede Yesu kame bin oto kame Paulo moko be ekuo. ²⁰ . Bala kite kame ango ako buonokin iye kite me peny nogi, omio ango ako penye ka oudo emito ot Yerusalem wek ot pide ki kuno pi kope nogo. ²¹ . Do kakame Paulo okwao kede be ber gwoke iotkol di odaro kede kite kame ngapug adwong bino ngolo kede kop nono, ango dido ako ciko be ber gwoke tuno kede ka ango acwae but Kaisari. ²² . Aguripa oko waco ne Pesito be, “Ango kikoma amito winyo yamo me icuo noni” Pesito oko dwoko ne be “Ibino winyo yamo mere diki” ²³ . Iceng kame lubo Aguripa kede Berenike oko bino kede angosibib adwong, kiko donyo iot me winyo kop, di kiupere kede jo adongo me isirikalen karacel kede jo kame koworo ibomba. Pesito oko mino kokelo Paulo kanono. ²⁴ . Di eko waco be “Abaka Aguripa karacel kede jo dedede kame tie kede wa kan, inenunu icuo kame Iyudayan dedede obako dog gi buta pire Iyerusalem kede ikan da di kikok be kuo mere pore jiki. ²⁵ . Do kakame ango ako udo kede be likatie gimoro kame etimo arac kame romo mino koneke. Aso kite kame en kikome eko juro kede pido mere but ngapug omio ango ako cwane. ²⁶ . Do ango likame atie kede kop moro ibecokina ikom icuo noni, kame aromo wandiko ne ngapug na. Pi mano ango akele inyim wu, do singo twatwal inyimin Abaka Aguripa. Me tetekeny kame wan otieko pepenyo en, ango aromo udo kop moro kame make kame abino wandiko. ²⁷ . Pien kibuta eneno gi kame kony mere li pi cwano mabus inyim ngapug adwong abongo nyuto gi kame kopide iye.”