¹ . Aguripa oko waco ne Paulo be koyei ni yamo piri keni. Di Paulo diko neno cinge diko dwoko kop en ikome. ² . Abaka Aguripa ango atamo be cinga bed yem pien ayaro dwodwoko kop, ikoma tin inyinu ikom gi dedede kame Iyudayan opida iye. ³ . twatwal mere ango angeo be in itie kede ngec amalo kede ikom itok dedede kede peny ame mako Iyudayan. Pi mano ango akai pi winya kede anapakin. ⁴ . Ekite me kuo na geno di ango eponga ame oudo iya agege ateker na kame bedo Yerusalem kede Iyudayan dedede ngeo. ⁵ . Gin kingea cako iya gege kame kiromo tuco be iye dini wan ango abedo ngaparisayo. ⁶ . Do nan ango atie cungo di ongolo na kop pi genme akere kame, Rubanga ociko but jo akwari wa. ⁷ . Pi cikere nono atekerin wa tomon kiwieare kame tie cane tic ne Rubanga iwor kede iceng pi gen kame tie bino pi gen noni ibaka Aguripa, en komio Iyudayan tie pida. ⁸ . PInyo komo un itienu kede par be Rubanga yaruno jo ko too. ⁹ . Ateteni ango ikoma oudo aparo timo Jamini atot kame nego nying Yesu me nasaret. ¹⁰ . Jamni gi ango da atimo Iyerusalem, di audo tuero, kubut Jasarodotin Adongo, di Amako jo koyei di aketo lot kol kame ko neko gi ango da di ako yamo ikom gi. ¹¹ . Idi atidilo gi nakanaka buli kacokeren gi di adio tetek pi bedo kede acae ikom yei gi di abedo ger kitek ikom gi. Abedo tidilo gi paka tuno ibomban me tenge. ¹² . Pi kop noni en omio ango di ako gamo akarinikin kede tuero kibut jo dongo m e Josasorodotin me ot damasiko. ¹³ . Okwee abaka idieri ceng iyangayo di ango ako neno Asara kame wok kimalo di erieny kalamo Asara me iceng, di eko luka diere kede jo kame bin aoto kede gi. ¹⁴ . Do ikanono wan di oko popoto piny di ako winyo dwan kame yamo keda di eyamo keda ileb me Iburanian, Saulo Saulo pinyo komio itie tidilo ango? atek ne in pi gweno engaro. ¹⁵ . Di ango ako waco be, in en ngai Rwot? Di en ako walo na be ango en Yesu ame in itie tidilo. ¹⁶ . Do yai malo di iko cungo kede tieni pien ango anyutere buti pi tien kop ni, pi mini doko ngatic kede Mujara ikom Jamini ame in itieko neno kede kame abino nyoto ni, ¹⁷ . Pi laki kibut jo ni kede kibut jo kalime ngeo Rubanga kede kibut kame abino cwani but gi. ¹⁸ . Pi yabo wangi, kede loko gi kicolo kede dwogo ilero kede ituero ka sitani dwogo but Rubanga. Me tetekeny kiud Isasir ikom dub wek kisikao idiere me jo ko lanyere pi yei ango. ¹⁹ . Pi momo okwee abaka Aguripa ango lika bin ako pien kede yabere oyai kimalo. ²⁰ . do eko geno, nyute me agege but jo me damasiko, kede Iyerusalem, kede adulion dedede kame lie Iyudayan, kede but jo kalikame ngeo Rubanga, tetekeny kiswilaro di kiko lokere but Rubanga, diki ko timo tice ariamo kede iswilar. ²¹ . Pi tien kop ni en komio Iyudayan diko maka itempulo diki ko tere pi mito naka. ²² . Pi mano kame ako udo kede kony ibut Rubanga di ako mede tino ceng me tin pi mino ijura but jo atino kede but jo Adongo. di likame awaco ne gi kop moro ace apat kede kame inabin kede Musa bin waco be oyaro bino. ²³ . Do Kirisito pore neno can kede epore bedo dano me agege me pore yaruno ikom jo kotoo di eko pore nyuto lero but jo kede but jo kalime Iyudayan. ²⁴ . Bala kame en etie yamo kede ikome kene pesito diko yamo kede dan amalo diko waco ne be Paulo tam ni li ikom isoma atek omi in idoko ngamang. ²⁵ . Do en eko waco be ango lia apoi ngadwong kame eworo pesito do ango ayamom kope me ateni kede niang aber. ²⁶ . Pien abaka ngeo gigi, di pwodi likame ango ayamo ne di agony pien amilo be likame gimoro kikom gigi pwon kibute. Pien gigi likame kotimo ikaka opwono pien gigi likame otimo iye sonda. ²⁷ . Abaka Agiripa in iyei kede kop me inabin en eko dwoko be angoe be in iyei. ²⁸ . Agiripa di dwoko ²⁹ . Di Paulo oko waco be Rubanga mito be likame in kenekeno do kiton jo dedede kame winya iceng me in gin dedede karacel kede jo kame cal kede ango kwanyo di li ituec ni. ³⁰ . kakame en etieko yamo kop ni abaka diko yai malo kede ngpug kadwong kede berenike kede jo kame bin en etie bedo kede. ³¹ . Di gin kiko ot tenge di gin iko yamo idiere kengi diki waco be icuo ni likame otimo gimoro kame yei ne too amolo atuec. ³² . Agiripa diko waco ne Pesito be icuo ni kame dikoto liame ejurai pido mere but kaisari oudo kopere gonye.