1
. Dido Paulo oko ngino jo me kansulo itek di eko waco be "Cuo kede imiegu, ango abedo di akuo kede ngec aler inyim Rubanga paka tuno tin."
2
. Di Anania ngatel josaseredoti oko woto cik but jo audo tie cungo ingete pi bapo doge.
3
. Dido Paulo oko waco ne be, "Rubanga bino bapida in apama kame opuo kede erang-gi atar! Pien in ibedo pi ngolona kop di lubere kede iswil, do in imio cik bi bapa di iswil oyei amano?
4
. Di jo audo tie cungo kanono oko waco be. "In itie nywaro saseredoti adwong me ka Rubanga?"
5
. Di Paulo oko waco be, "Imiegu, ango oudo lika angeo be en ebedo ngatel josaseredoti pien owandiko be, "likame ipoore yamo kop arac amako ngat kame pugo jo nii."
6
. Do kakame Paulo oniang kede be jo mogo oudo obedo isadukayon do jo ace oudo obedo Iparisayon en eko yamo kede dwan amalo inyim kansulo be "Cuo kede imiegu, ango abedo ngaparisayo, wot ka ngaparisayo, pi kop kamaki gen kede yaruno me jo oto en komio otie ngolona kop.
7
. Do kakame eyamo kede kop ni, piem oko tingere diere me Iparisayon kede Isadukayon: di cokere oko pokere.
8
. Pien Isadukayon waco be iyarun likame tie imalaikan amoto tipo da likatie: do Iparisayon yei be are dedede tie.
9
. Dido peim me dwan amalo oko tingere di jopwony me iswil me ekodet me Iparisayon oko yai malo di ipiem di kiwaco be, "Wan likame oudo gimono arac ibut icuo ni i do kame tipo amoto malaika oyamo kede kir do oyiunu kede Rubanga."
10
. Nan kakame piem atek atingere kede, ngatel me isirikalen, oko udo iuoro be cengmogo jo nogo oudo twero nyinyilo Paulo omio en do eko mino cik but isirikalen to yito piny iko kwanye tetek i diere gin, di iko kele i paco me isirikalen.
11
. Do iwor kame lubo Rwot oko cungo ingete di eko waco be, Paulo udi cuny me mulem, pien kite kame ijurau kede pira i Yerusalem, poore dokon ibed ijura na i Roma da.
12
. Dido kakame piny oru kede joyudaya mogo oko cokere karacel di kiko keto kom gi i kwongere di kiwaco be gin oudo likame kibino camo arabo mato gimoro tuno kede kame gin ineko Paulo.
13
. Nan oudo jo kokelo tam ni kalamo ot ongwon.
14
. Kiko bino but jodongo me josaseredoti kede joadongo me piny di kiwaco be, "wan otweo kom wa kede kwongere atek be wan likame oyaro camo gimoro tuno kede kame oneko Paulo.
15
. Nan do wun, karacel kede kansulo miunu tam but ngatel me isirikalen dedede be gin ikele kane diki, di ecal bala wun imitunu medo ngingico kop mogo amake. do wan oikere neke di pwodi likame etuno kan.
16
. Kakame do wot amime Paulo owinyo kop gin kamako ot dare iyongayo en eko ot donyo i paco me isirikalen eko waco ne Paulo.
17
. Di do Paulo oko iwongo ngadwong me isirikalen di eko waco ne be, "Teri atin awobi ni but ngadwong kame lo isirikalen dededed, pien etie kede kop kame emito waco ne."
18
. En do eko tere di eko kele but ngadwong kame lo isirikalen dedede di eko waco be, mabus kanyinge Paulo olwonga ot bute di eko waco na kelo tin awobi ni buti en etie kede kop moto kame emito waco ni.
19
. Di do ngodwong kame lo isirikalen dedede oko mako cinge, kiko nyiko tenge, di eko penye imung, "Kop nyo inonono kame in imito yamo na?"
20
. Di eko waco be, "Iyudayan otieko winyere pi kwano be in ikeli Paulo inyim kansulo diki, dido ineno bala gin imito pepenyo kop mogo ace kamake.
21
. Do kur iyei kop gin, pien jo akalomoot ongwon ikom gin tie buto iyongayo pi dare, cuo kotieko tweno kom gi kede kwongere be likame iyaro camo amoto mato gimoro tuno kede kame kineke doko nan itieko ikere, di kitie daro cikere kame wok kibuti.
22
. Ngadwong kame lo isirikalen dedede do oko weko atin awobi noni ot, di eko mine cik be, "kur iwace ngatamoro be in iwaco na kop gi.
23
. Di eko iongo jodongo are me isirikalen, di ewaco be "iki isirikalen aromo tol are, jo ot kanyaare kame ringo kede asigiran, kede jo tol are katio kede tongini pi ot Sisiria i esawa adek me iwor.
24
. di ikonu iko asigira pi Paulo do tic kede, di ikonu tere iber but Pelik ngat kobedo gobana.
25
. En eko wandiko baluwa i epone acal kaman.
26
. Kulaudio Lusia, but adwong me awora Pelik ngapug: Amoti.
27
. Iyudayan oudo omako icuo ni di oudo kiyapuno neke. Di ango oudo abino kede isirikalen ako lake, kame angeo kede be en ebedo anywali me Roma.
28
. Do kakame oudo ango amito ngeno kede pinyo omio gin oudo itie pide, ango ako tere inyim kansulo gin.
29
. Ako do ngeno be oudo opide pi kop kamako peny mogo me iswil gi, do likame tie pido mror kamake kame twero mine to arabo atwea.
30
. Do kakame owacona kede be Iyudayan oudo tie daro icuo no ni iyongayo, ango do ako cwane awakawaka buti, di doko ako ciko ja atie pide waco nin kop kamio gin itie pide.
31
. Dido isirikalen, oko lubo kite kame oudo awaco negi kede, kiko tero Paulo paka kele iwor but Antipaturi.
32
. Oru mere gin kiko weko jo katio kede asigiran pi mede ot kede en, di kiko dok ipaco me isirikalen.
33
. Kakame ituno kede sisaria di oudo itieko mino baluwa but gobana, gin kiko mino Paulo da bute.
34
. Do kame gobana osomp kede baluwa, eko penyo adul kame en ewok iye. Do kakame eniang kede be en ewok i Silisia.
35
. En eko waco be, "Ango abino winyo kop nin kame jo atie pidi da obino." Di eko mino cik pi dare i ot abaka Erode.