¹ . Di en eko waco ne jo siao mege, oudo riki tie icuo kobaro, kame oudo tie kede nga ngagwok, di jo oko pido ngat nono bute be etie dudubo jame mege. ² . Di en eko lwonge, di eko waco ne be, nyo omio ango atie winyo kop ikomi? Nyut na epwone kame itie gwoko kede jame na, Pien in likame bobo itwero meede bedo ngagwok jame na. ³ . Di do ngagwok jame nono oko waco icunye be abino timo benyo? Pi ngadwng na tie kwanyo pi kwac lewic maka. ⁴ Kame gin ioto kede di ibebeo ibomban, di imio jo ngeno kop me joor kede jo adongo atie Yerusalem omoko pi jo lubo. ⁵ Manono oko mino kanisan odoko tek iyei di wel gi meede cieng acel acel. ⁶ Kakame gin iko ot kede di iko tieko beo iye adulion me Pugiria kede Galatia, Tipo acil oko dagi negi tuco ejiri i Esia. ⁷ Kakame kitieko tuno kede Musia, kiko tamo bala koto ioto Bisinia tipo acil oko dagi ne gi. ⁸ Gin kiko beo Musia di kiko bino Turua. ⁹ . Di gi aneno oko neno ne Paulo iwor, di en eko neno icuo moro me Makedonia ikonyi wa. ¹⁰ . Kakame en etieko neno kede gi aneno, awakawaka di wan oko ngirikino ot Makedonia, pi wan oudo otieko moko kiber be Rwot olwongo wa pi tuco ne gi ejiri ¹¹ . Di wan oko yai ki Turua, di oko tenaro lubo yangayo aoto Samuturoke, oru mere di oturo Neapoli. ¹² . Oko yai kikuno oko ot Pilipi kame tie bomloa adwong me adul me Makedonia, di jo me piny apat en apuge, wan oko bedo kuno tieko cieng mogo. ¹³ . Dido oko yai cieng sabato, oko donyo oko me bomba diobeo inge kame pi mol beo iye, kame wan oudo otamo be ilega oyaro bedo iye, di oko bedo piny oko yamo kede mon ame bedo kanono. ¹⁴ . Do dako moro anyinge Lidia ame tic mere cato igoen akwakwar, di ewok ibomba me Tuatura, en eworo Rubanga, eko winyo wa, Rwot oko yabo cunye, pi winyo kop ama oudo Paulo tie yamo dedede. ¹⁵ . Do kame obatiso en kede jo iode dedede, dien eko kwano wa, di eyamobe, ka wun itie kunu mokko be ango atie ngat ame geno Rubanga , bia nu ioda di ikounu bedo kuno, di en eko dino wa. ¹⁶ . Cieng moro di wan otie ot ilega, oko riamo kede nyako moro kame tie kede, Tipo arac ame tuco kop omungere, kame oudo kelo ne jo adango mege udi aber, pi tic mere metuco ne jo kop ame bino timere ne gi. ¹⁷ . En eko donyo lubo Paulo karaciel kede wan di elelemo kitek di eyamobe cuo gi enjotic ka Rubanga ka me tie malo twai, kame tie nyuto ne wa yoo me alako. ¹⁸ . En etimo amanono pi cieng atoti, di cuny Paulo okowang, di ekolokere di eko yamo ne Tipo nono be, aciki inying Yesu Kristo, wok kibute tenge, iye esawa nono di eko yai. ¹⁹ . Kakame jo adongo mege oneno kede be gen gin me ud otieko jik, gin kiko mako Paulo kede Sila di kiko tero iye atale but jo pug. ²⁰ . Di kiko tero gi but jo ngol kop, di kiyame negi be, cuo gi obedo Iyudayan, do itie lolo bomba wa. ²¹ . Kipwonyo kop amako itok mogo kame wan Joroma iswil dagi ne wa winyo arabo lubo. ²² . Ekodet me jo di oko yai karaciel pi suro gi, di jo ngolo kop oko gonyo igoen gi, di kiko mino kobungo gi. ²³ . Kame gin itieko bungo gi kede ibelai atot, gin kiko rako iot kol, di kiko mino sirakale iswil me daro gi kiber. ²⁴ . Kakame en ewinyo kede iswil noni en eko tero gi eko rwako gi i agola me diere me ot kol, di eko tweno tien gi kede gi ame pek. ²⁵ . Do idier iwor Paulo kede Sila oko cako ilega, di kiwere were me pako Rubanga, di mabut iciegun winyo. ²⁶ . Awakawaka di piny oko yangere yangere atek, ot kol oko yange paka piny mere, di ikekon mege dedede oko yabere di gi ame otweo kede mabus oko gogo nyun. ²⁷ . Kakame ngadar mabus ocei kede iwang nino, di eko neno ikekon di oyabere dedede, di en eko kwany epima mere di emito cobore kede di eko too, pi oudo eparo be mabus otieko ringo. ²⁸ . Do Paulo oko lelemo kede dwanamalo, di eyamo be, kur ikangaso komi wan dedede otie kan. ²⁹ . Di en eko lwongo mac, eko donyo iot kol, di eko wok oko di kome miel amiela, di eko poto piny inyim Paulo kede Sila. ³⁰ . En eko woto gi oko, di eko yamone gi be jo dongo na atim benyo amio oudo alako? ³¹ . Di gin kiko yamo ne be yei Rwot Yesu Kristo, di in iko lakare karaciel kede jo me iodi. ³² . Di gin kiko tuco ne kop Arwot karaciel kede jo me iode dedede. ³³ . Di en eko tero gi iye esawa me iwor nono, di eko donyo lwoko wang aporso gi di eko batiso en kede jo iode dedede ³⁴ . Di en eko tero gi iode, di eko mino gi cam en eko donyo leli pi en yei Rubanga kede jo iode dedede. ³⁵ . Nani do kakame piny oru kede jo ngol kop oku cwano isirikalen adango di kiyamo be wekunu cuo go oti. ³⁶ . Di ngadar mabus oko tero ne Paulo kop di eyamone be, jongol kop ocwao kop be, weku iotunu, pi mano yai iotunu kede mulem. ³⁷ . Do Paulo oko dwoke ne gi be, gin kibunga wa idier jo ilero di likame ingolo ne wa kop, wan jo Roma di iko rwako wa iot kol, do nan do kimito be igonyi wa iye omung? li wek gin ikom gi kibin igonyi wa. ³⁸ . Isirikalen oko tero kop nogi but jo ngol kop, gin kiko doko iwor, kame kiwinyo kede be gin ibedo jo Roma. ³⁹ . Gin kiko bino di kiko donyo ngangao gi, di iko woto gi oko, iko kwano gi pi ot oko me bomba. ⁴⁰ . Gin kiko wok iot kol, di iko donyo paco Alidia kaka me kiko neno kede imiegu, di iko kweno cuny gi di do ki yai oti.