1
. Akwao kibut Rubanga be, ngirikino nu kede mingo na atididi do ateteni ngirikino nu kede.
2
. Piento ango atie kede nyeko butu nyekoka Rubanga pi ango asupo wu but I cuo acel tetekeny anyutu bute bala atin nyako ka pwodi li ongeo icuo.
3
. Do atie kede iworo wek bala ekite kame twol oko ngalo kede keba irieko mere cenge mogo oko ngalo tam wuda ikounu weko ateni ka Kuristo.
4
. Piento kangatamoro obino di etuco Yesu apat, kalikame wan otuco ne wu amotoko igamunu cuny apat, aliame oudo igamunu amotoko ejiri apat kede ame oudo wun iyeunu wun ibinunu ngirikino kede.
5
. Piento ango atamo be likame ango abedo ngat atie kede goro lono joor icegun adongo.
6
. Akadi ango ager iyamo do likame ingec do otieko mino wan oneno kakaler kibulu igi dedede.
7
. Ango kara atimo gi arac pi mwolere wek kotingu wun malo piento ango atuco ne wun ejiri ka Rubanga nono.
8
. Ango ayako kanisan apat di agamo kony kibut gi pi timo kede but wun.
9
. Do ikare ame oudo atie kede wu, oudo atie kede rem, likame ako do peko but ngatamoro, piento gi oudo li na imiegu obino imakedonia oko mina do gi dedede ango agwakere pi kur adok peko ki butu, do abino medo gwoko kuo na.
10
. Bala kame ateni kakuristo tie kede buta likame tie ngatamoro abino iye ewakanoni i adulion me akaya.
11
. Pinyo? Pi limake ango amaro wu? Rubanga ngeo.
12
. Do gi ame ango atimo abino medotimo pi kur ami kare but jo ame mito udo kare pi Kagin iwakere wek idok cal kede wada.
13
. Piento akodi jo nogo obedo joor me angalo, jo tic me angalo di kilokere ken gi bala joor ka Kuristo.
14
. Do kur iurunu, piento Sitani da kikome lokere doko cali kede malaika me rieny.
15
. Pimanono likame etie apire tek, kame jo tic mege da lokere bala jo tic kopoore kame ajikini gi doko cal kede tice gi.
16
. Ango bobo amedo yamo be, kur ngatamoro tam be ango aming akadi di amanono do bala ngamingo ga manu wek awakere pi kare atididi.
17
. Gi kame ango atie yamo likame ayamo balo ka Rwot mito kede do atie yamo bala ngamingo kame tie kede gen i ewakani.
18
. Do bala ajo atot wakere ineno me kom, ango da abino wakare.
19
. Piento wun ingirikinonu jo mingo kede yom cuny wun iriekunu.
20
. Piento wun ingirikononu kame ngatamoro oloko wu idokonu ipasoi kame ecamo jame wu, kame dano obapi inyimi.
21
. Ango ayamo pi kop amako leuc akadi bed bala oudo wada otie kede goro. Do kame tie ngatamoro kame cunye nuang (ango ayamo bala ngamingo ango da cunya nuagi.
22
. Gin ibedo iburanian? Ango da. Gin ibedo jo me Isirael? Ango da. Gin ibedo ikwae iburaimu? Ango da.
23
. Gin kibedo jo tic ka Kuristo? (Ango do ayamo bala ngamingo) Ango aloo, Ango atio kitek lono gin, kobungatien kalime marere. Kotwea iot koltien atot atota, abwot ito nakanaka.
24
. Kibut Iyudayan tien kany di adaa ibelai oot ongwon ikwanyi acel.
25
. Tien adek odaa kede ibelai tien acel odidipo ango kede kide tien adek imerin kame aoto kede otuturun iwor kede icieng oudo atie katut.
26
. Di atie ot ikare mogo, abeo ipeko me nam, peko me jo yak peko kawok kibut jo me piny na, peko ayai but imo, peko ayai ibomban, abeo ipeko iwii tim abeo ipeko inam kede ipeko awok kibut imiegu me angalo.
27
. Lolo kede ilito me kom bedo abongo nino ikec kede orio ilega me kanyakec nakanaka ingico kede lime giangapa.
28
. Doko di aweko jamini ace atie oko me magi ametuno buta bulu cieng en paro pi gwoko kanisan dedede.
29
. Ngai ame tie kede goro do di ango ali kede goro? Ngai oguikin do di ada likame cunya owang.
30
. Ka miero ango awakare ango abino wakere pi gikame nyuto gorona.
31
. Rubanga papame Rwot wa Yesu Kuristo kame opako kare dedede, ngeo be ango likame angalo.
32
. Idamasiko gabana atie piny kabaka Aretas. Oko mino isirikalen mege ociego me Damasiko pi maka.
33
. Di oko keta i ebukit ame otweo iye auno di oko rwaka wok ki dirisa en omio abwot kicinge.