1
. Ango Paulo kikoma, en kame atie ngangao wu kede mwolo kede dire ka Krisito, ango ngat kame owaco be amwol kame atie kede wu; do kame ali idyere wu abedo nwang.
2
. Do ango angangao wu be kur abed nwang kame atie idyere wu kede teko dedede, bala kame aparo timo kede kame atie idyere me jo mogo, kame paro be wan olubo tim me kom.
3
. Bed bala wan obedo ilobo me kom, do likame otie yi ikom.
4
. Pien jamini me yi wa likame tie me kom, do kame tie kede twer ka Rubanga pi tuturo piny kateko me ngakwor;
5
. Reeto piny tam areco, kede gi dedede kame tingere lono ngeno Rubanga, kede pi kelo tam dedede bala mabus pi lubo mit ka Krisito.
6
. Kame oikere iye pi mino cul but abwone dedede, ikare kame mwolere wu bino cobere kede.
7
. Inenunu gikame neno? Kame dano moro geno be ebedo dano ka Krisito, en miero emed yutuno be bala keme en etie kede me ka Krisito, wada otie me ka Krisito.
8
. Akadi bed bala ango aromo wakere pi akarinikin wa, kame Rwot omio wa pi gero yei me jo, do likame pi dudubo wu, ango likame lewic bino maka ikom kop gi.
9
. Ango likame amito be aneeno bala atie mino wu lworo kede baluwan.
10
. Pien baluwan mege, gin oudo iyamo be geger doko tek; do kame en etie kede wa, en egoro doko yamo mere jo likame paparo.
11
. Kur akodi dano nono par be, gikame wan owandiko ibaluwan wa, kame otie tenge; mago nogo en kame wan obino timo kame otie kede wu.
12
. Pien wan likame otie mito ketere iruom acel arabo porere kede jo mogo kame pwoyo kom gi ken gi: Do gin nyutere ken gi ken gi, kede porere ken gi kengi, udo gin kili kede rieko.
13
. Do wan likame obino wakere pi gikame tie ooko me ruom wa, do di upere kede ruom me tel kame Rubanga opoko ne wa, kame tuno naka but wun.
14
. Pien wan likame otingere kalamo ruom wa, bala jo kalikame otuno but wu: pien wan en kame bin obino butu pi kelo ejiri ka Krisito.
15
. Likame owakere pi jamini kame kato ruom wa, kame tie tice me jo icegun; do obedo kede gen kame yei wu omedere, me wek tic wa konyai idyere di lubere kede tel aber kame wan onyuto.
16
. Me tuco ejiri i adulion apapat me nget wu, abongo wakere pi tice kame dano ace otieko timo ikabedo wa.
17
Do ngat kame wakere poore en ewakere pi Rwot,
18
. Pien likame ngat kame kelo pwoc ikome kene, en kame kobino gamo; do ngat kame Rwot pwoyo