¹ . Kamanono da, wun mon, winyu nu loc me cuog wu, akadi, kame en likame emito lubo kop gida comogo abongo ejin bino lokere pi yamo me mon gi. ² . Pien gin kibino neno yamo wu kabeco di tie kede wor. ³ . Kame pi tubuso kom likame bed me ooko iyore me kedo wic kede ngapo mwolere me saabu amotoko iyore me ngapo igoen kabeco. ⁴ . Do wek ebed ka okanere me cuny dano, kame liko twero popoko kadi gimoro kacil kali kame lokore kede tipo opoore kame tie inyim Rubanga kede wel adwong. ⁵ . Pien icen mere ie ipwoneso me kre kokato mon kacil da, kame oketo gen gi but Rubanga , tubuso kom gi ie epwone me winyo jo acuog gi. ⁶ . Bala kame Sara oudo winyo kede Abraham, di elwongo be Rwot, kame un ibedunu anyiro mege, kame itie nu timo gikaber, di likame tie giame kelo nenu lworo. ⁷ . kama nono, wun cuo bedunu karacel kede gi di lubere kede niang, imio wor but dako, bala ngat kame goro, di onywaka kara cel giamia me kuo, me wek ilega wu kur bed me nono. ⁸ . Me ajikini, bedunu kede tam acel, di ikwaunu kisa piru kenu kenu, marerenu bala imiegu kede amiegu, bed kede par, bed kede cuny aber. ⁹ . Kur iculunu raco kede raco, arabo ayet kede ayet, do akaka amano kwaunu winyo, ingeunu da be wun jo kame kolwongo, kame wun poore nu udo winyo. ¹⁰ . Pien dano kame bino maro kuo di eko neno ceng abeco, poore egwok lebe ki yamo gi karac di dog gi weko yamo kop me a be. ¹¹ . Poore kiwek timo gikarac, di itimo gi kaber poore emoi anapakin, di eko wapo. ¹² . Pien wang Rwot ngico jo ko poore, di yite tie twolo pi winyo kwac gi, do nyim Rubanga likame mito jo kame timo gi karac. ¹³ . Di ngai en kame oyaro timo neu raco, kame di wun jo kame lubo gikame ber. ¹⁴ . Do kame wun inenunu can pi timo gi opoore nono bedunu kede yom cuny, di kur iwore mak wu di gero gi doko kur cunyu poti. ¹⁵ . Do wonunu Rwot Rubanga i cuny wu, di itie kunu yikere i kare dedede pi dwoko kop ne ngatamore ni kame penyo wu pi tatamo gen kame tie ne wu kede mie kom di elwor. ¹⁶ . Bedunu kede ngat aber, pien kame gin kiyamo kop arac ikom wu, bala jo areco, wek lewic moko gi pien yamo kop me angako ikom tic aber me yamo kede Kristo. ¹⁷ . Pien eber kame mit ka Rubanga tie amano be poore inen can pi timo gikaber, akaka pi timo gi karac. ¹⁸ . Pien Kristo da bin oneno can pi dub wa ngat kapoore pi jo kalikame opoore, me wek ekel wa but Rubanga kame bin oneko ki kom, di eko mine kuo itipo. ¹⁹ . Ame eda eoto di eko tatamo ne tipo ace kame otweo i ot kol. ²⁰ . Kame eswa more oudo jo kalikame winyo kop kame oudo neno can ka Rubanga pi kere kalac di ki daro kare kanua, di otie guro yec kame jo anonek, bala kny kauni en kame kuo gi obwot ki pii. ²¹ . Do nan do mano calbala batisumu gikame lakowu (likame ekwanyo tenge cilo me kom, do adwok me ngec aber but Rubanga) pi kiyarun ka Yesu Kristo. ²² . Kame otieko ot malo, di etic ibad tetu cam ka Rubanga, Imalaikan keke akarunikin kede twer dedede kame otimo tie iloc mere.