1
. Pimano wekunu tim dedede me cuny arac, angalo, ecuke, nyeko kede dub me yamo dedede.
2
. Mounu cak me cuny bala mukerun bala idwe mukerun kame onywalo mounu cak obe me kop kacil.
3
. Kame atetenu ibulunu be Rwot nga kisa. Engaro kame oyero kede jo mege kame oyaro.
4
. Di ebino bute bala engaro akuo kame ateteni jo odagi, do di Rubanga en oyero di eber.
5
. Wuda, bala ingaroi akuo otie gero wu bala ot me cuny, josaseredoti kacil pi mino mala giayala me cuny, kame lubange oyei di beo inying Yesu.
6
. Pi mano, owandiko bobo i lop kacil, "Nenunu, aketo i Sion kidi adwong me esonda, kame oyero, me wel; do en ngat kame ye en lika bino wudo lewic i yore moro.
7
. Pimano, kibut wun jo oyei, En obedo me wel; do i but jo kalika wor, "Kidi kame jogedo odagi odoko kidi adwong me esonda.
8
. Di ebedo "kidi kame getaro jo kede moru me raco, cun kigete pi dagi kop, kame oudo pyero gida iye yero.
9
. Do wun ibedunu ateker kame oyero josaseredoti me wor, jo kacil jomege me oyero, pi wun yamo kop me oake en angat kolwongo yai i colo donyo i rieny mere me aura.
10
. Kaudo ngoce lika obedo jo mege do nan kibedo jo ka lubanga, kaudo lika oudo kisa do nando kiudo kisa.
11
. Jo me amara, akwao wu bala jo atie ot i piny ni kede jo atie ot kacil wekunu ngobedo jame me kom kame yii kede cuny.
12
. Bedo di kite we beco idier jo kalika me Iyudayan tetekeny kame gin iyamo kop amako wun be itimunu tim areco gin ceng mogo kibino neno tice wun abeco di kiko mino lubanga deyo i ceng me bino.
13
. Pi mano miunu wor but iswil dedede kame jo otimo pi Rwot, akadi but abaka ngapug adwong.
14
. amoto but jopug ace bala kite kame itimunu kede but jogo kame en eoro pi alola me jo atimo raco kede pi pwono jo atim gi aber.
15
. Pi man en mit ka Lubanga, be i epone me timo bero ibinunu kelo ling ikom kwic me jo mingo.
16
. bala jo ogony, do di likame itio kede gonyere bala egoe me wumo race, do bala jotic ka Lubanga kame otweo.
17
. Wori jo dedede, man imiegu. Lwori Lubanga. wori abaka.
18
. Jotic jalerenu but jodongo we kede iworo dedede, di likame but jo abeco di imwol, do but jo ager da.
19
. Pi man obedo gi aber, kame pi cuny atie but Lubanga dano ngirikino lito, di eneno can kalika poore.
20
. Pien bero nyo atie pi dire kame obungi pi raco nin? Do Lubanga pwoi kame itimo bero di iko neno can do di iko dure.
21
. Pi kop noni en komio olwongo wu, piento Kristo da oko neno can pir wa, di eweko kede anyut, be poore wan olubunu tiene.
22
. Likame etimo dub, doko da likame oudo angalo moro i doge"
23
. Kakame oyete kede, likame eko nyango kede ayet: kakame eneno kede can, likame eko doko ger, do eko keto kome but ngat kame ngolo kop ii ateni.
24
. En kom eko yeno dub wa i kome iwi yat, tetekeny wan, kakame oto kede but dub, amotoko okuo pi poore icangunu pi aporeso mege.
25
. Pien oudo wun icalunu bala aromini atie rwenyo, do nan idwogunu but ngakwat di ebedo ngagwok cuny wu.