¹ . Pinyo kame ngatamoro kikomu tie kede kop kede ngawote etero pido mere inyim jo ali opoore do liame inyim jo kacil? ² . un liame ingeunu be jo kacil en ame bino ngola ne lobo kop? Benyo do kame un en ame iyarunu ngolo ne lobo kop liame ituerunu do ngolo kope mogo atitino? ³ . Benyo liame ingeunu be wan en oyaro ngolo ne linalaikan kop? wan otwerunu ngolo kop ame makere kede kuo me kare ni. ⁴ . Kame di un en ame jongol kop ikom gigi ikuo me kare ni terunu gi but jikame oworo ikanisa. ⁵ . Awaco kop ni pi mino lewic makou benyo iparunu be liame tie dano ame riek idiereu? ame twero ngolo kop idiere me imiegu kede amiegu? ⁶ . Do omin oto pido omin wad gi inyim jo ame li oyei Rwot. ⁷ . Pimano un itienu kede raco idiereu piento iotunu pido dano ocelu, pinyo kamio un liame ikanyakinunu raco? pinyo kamio liame iyeunu kokwalou? ⁸ . Do un itimunu raco doko ikwalunu imiegu kede amiegu wu. ⁹ . Benyo un liame ingeunu be jo ati opoore liame bino leeno ajakanut ka Rubanga, do kur imiunu ngalu akadi jotim caro, arabo jo wor cal iwogi jo adote, cuo ame buto kede cuo wadgi. ¹⁰ . Arabo jo eranga, jo amera, arabo kame dubo nying jo amoto jo yak liame kibino leeno ajakanut ka Rubanga. ¹¹ .mogo kikom bin cal kamanono do kotieko lwokou kotieko lonyou, kotieko minou idokunu jo kopoore inying Rwot Yesu kede icung ka Rubanga wa. ¹² . Iswil Yei na timo jamini dedede do liame gin dedede kitie kede ameda iswil yei na timo jamini dedede do liame abino bedo epasoit me moro kikom gi. ¹³ . Ringo tie pi iic doko iic tie ringo, do Rubanga bino dudubo gin dedede do kom likame tie pi timo adote do etie pi Rwot doko Rwot da tie pi kom. ¹⁴ . Do Rubanga bin oyaruno Rwot doko ebino yaruno wada beo itwero mere. ¹⁵ . Benyo liame ingeunu be komu obedo adulion me kom KIrisito? benyo apoore kwanyo adul me kom Kirisito di ako mine edoko adul me kom malaya? Rubanga dagi. ¹⁶ . Benyo likame ingeunu be ngat kame ribakin kede malaya edoko kom acel kede? pien en ewaco be jo are bino doko kom acel. ¹⁷ . Dano kame ribakin kede Rwot kidoko cung acel. ¹⁸ . WEkunu caro pien dub dedede ame dano timo tie oko me kome do dano ame timo caro udo edubo kome en kikome. ¹⁹ . Benyo likame ingeunu be en obedo tempulo me tipo kacil kame bedo iyiulu? kame Rubanga en omiou do un likame itienu piru ken wu? ²⁰ . Pien un kowilou kede wel adwong pimano miunu Rubanga deyo kikomu kede icunyu obedo me ka Rubanga.