¹ . Kop otie ko winyere be tim me caro tie idiere wu, di tim me caro nono likame komaro longo nyinge idiere me jo kalikame Iyudayan, be dano pore buto kede dako apapamere. ² . Di wun iwakere nu, di likame ikonu paro tumiru da, be ngat kotimo timuo koto otere tenge ki diere wu. ³ . Pien awaco be, akadi di koma likame tie, do atie icuny, ngolo kop otiek, iwaco bala ada oudo atie, but ngat kame otimo kop kacal kamano. ⁴ . Inying Rwot wa Yesu Kristo, kame icokere nu karacel, di tipo na, kede twer ka Rwot wa Yesu Kristo. ⁵ . PI mino ngat acal kamano icing Sitani pi dudubo ringo kome, me wek alak tipo mere iceng ka Rwot Yesu. ⁶ . Epwone me tingere wu likame ber, likame wur inyeunu be arup bunao nugati wyg? ⁷ . Kwanyuru tenge pimano mugati acon, me wek ibedunu mugati anyen, kame arup likame tie iye, pien Rwot da nya kalamo wa tie gi me ayala wa. ⁸ . Pimano ogwokunu do ebaga, likame kede arup acon, likame kede mugati me nyeko arabo tim arac, do kede mugati kame arup li kiye me tam konere kede me ateni. ⁹ . Ango oudo awandiko ne wu ibalua na be kur inyakunu kede jo caro. ¹⁰ . Ango pwodi likame atie yamo jo caro me piny kan, arabo kede jo eranga arabo jo yak, arabo kede jo aworo ca'jwogi, pien mano do mito in iyai tenge i piny kan. ¹¹ . Do nan ango awandiko ne wu be kur inyawakunu kede jogo. Kame ngat amoro olwongo be omin wa kame tie nga caro, arabo nga eranga arabo nga worcal jwogi, arabo nga dub nying jo, arabo nga mera, arabo nga yak jo, kede ngat acal amano likame iporenu cam kede. ¹² . Pien nyo kame ango apoore timo me ngolo kop ne atie oko? do di likame atwero ngolo ne atie iyie. ¹³ . Do jo kmae likede Rubanga ngolo ne gi kop, pimano ketunu tenge kidiere wu dano kame tie kede tim araco.