¹ . Wek dano ter wa amano, bala jotic ka Kristo kede joagwoko mung ka Rubanga. ² . Kom gikame mitere kibut jogwok en bedo ngat kagenere. ³ . Do ibut ango ebedo gikame titidi twatwal be wun arabo kangolo kop me jo en apoore ngolo na kop. kom, ango ber lika angolo ne koma da, kop. ⁴ . Pien lika angeo gimoro arac kamaka, do di man lika nyuto bero na, do ngat kame ngolo na kop en Rwot. ⁵ . Pimano kur ingol ne gimoro kop di kare pwodi, paka Rwot bino, ngat koyaro kelo i lero jame kame opwono i colo kede woto oko tam atie i cuny jo di do pak ka dano acelacel ko bino ibut Rubanga. ⁶ . Nan do imiegu na, ango akobo gigi dedede ikoma kede ikom Apolos pi bero wu, pi mino wun neno ibut wan weko paro kalamo gikame owandiko, tetekeny kur ngatamoro ikom wu wudi ewaka pi ngatacel ikom ngatace. ⁷ . Pien ngai omio wu bedo papat ibut ngatace? Do nyo kame itienu kede kalika oudo iudunu? Nan do kame oudo ateteni iudenu, pinyo komio iwakerenu ineno bala oudo likame iudenu? ⁸ . Wun itiekunu pong! Wun itiekunu baro! Wun ipugunu bala abakai di abongo wan-do ateteni oudo amito bala kono oudo ipugunu tetekeny cengmogo kono wada opugo kede wu! ⁹ . Pi aparo bala Rubanga onyuto wan, joori, i ajikini, bala jo kame ongolo negi to: Pi omio wan odoko gikame jo piny ngio, kibut imalaikan kede kibut jo da. ¹⁰ . Wan obedo jame me tic pi Rwot, do wun iriekunu i Kristo! Wan ogoro, do wun itekunu! Omio wun wor, do ocao wan! ¹¹ . Tuno esawa ni wan owinyo kec kede orio da, di ongapere atatai, di Rubanga, di miere li newa, ¹² . Di otimo teko, tic kede ciny wa, onywaro wan, wan omio winyo; di otidilo wan, wan okanyakino. ¹³ . Kame odubo nying wa, wan odwoko kede mwolo. Oloko wan odoko do yugi me piny, gimoro kame do kony mere odoko li i kom jame dedede tuno nan. ¹⁴ . Ango lika awandiko kop gi pi mini lewic, do bala idwe na kame amaro akwenyaro wu. ¹⁵ . Akadi bed bala wun cengmogo itienu kede jopwonye tutumia tomon i Kristo, do likame itienu kede jo papi atot: Pien! Kristo ango cinywalo wu i di beo i ejiri. ¹⁶ . Pimano ango akwao wu, purunu ango. ¹⁷ . Pi kop noni ango acwao newu Temeseo, kobedo woda! Rwot kame amaro di egenere oyaro yutuno newu yote na i Kristo, bala kite kame apwonyo kede ika dedede i kanisa acelacel. ¹⁸ . Nan jo mogo wakere, ineno bala likame ayaro bino butu. ¹⁹ . Do ango ayar bino butu awakawaka, kame Rwot oyei, di ango lika ako ngeno kop ka jo kawakere go do twer. ²⁰ . Piento aajakanut ka Rubanga lika tie i kop do i Twer. ²¹ . Wun imitunu nyo? imitunu abin butu kede ebede, arabo kede amara kede cuny me mwolo.