1
. Do imiegu kede amiegu na oudo likame atwero yamo kede wu bala jo kame tie kede tipo kacil do bala jo kame tie kede kom, di bobo icalo bala imukerun I Kuristo.
2
. Ango oudo apito wu kede cak do likae kede cam anwang tuno nataman da likame itwerunu ngirikino akadi nan da likame pwodi itwenunu.
3
. Pien wun pwodi itie nu iekite me kom: Pien idiere wu kano tie nyeko lok kede apokapoka likame mano tic me kom di itimunu tic bala dano adana?
4
. Pien kame ngat acel yamo be “Ango me apolo likame otienu tic kede kom?
5
. Paulo do obedo ngai kede do ngai en Apolo wan obedo jotic ka Rubanga jo kame telo wu yei Kuristo iekite me Rwot opoko ne kede dano acel acel?
6
. Ango apito Apolo oko onyo pi iye do Rubanga en oko mine edongo.
7
. Do pimano akadi ngat kopito gimoro arabo ngat ko onyo pii iye likame pirgi tek do Rubanga ngat komie edongo.
8
. Nan ngat kame pito kede ngat kame onyo pii gin kirorom do ngat kadelacel bino udo cul mere di lubere kede tic kame etimo.
9
. Pien wan obedo jotic karacel kede Rubanga wun ibedunu poto ka Rubanga doko ibedunu gedo ka Rubanga.
10
. Di lubere kede giamia ka Rubanga kame emiango bala ngagedo ariek ango agero acakini me ot dano ace ko rope. Do mito dano acelacel gwok ekite kame eropo kede gedo nono.
11
. Pien acakini me gedo mogo tie kame likame tic ngatamoro atwero ropo gero kwanyo ngat ko cake nono kame obedo Yesu Kuristo.
12
. Nan kame ngatamoro oropo gedo iwii acakini noni kede Sabu Siliba Ingaroi me wel, yen, lum kede rido.
13
. Tic angata celacel bino nyutere kakaler, pien ceng no oyaro nyute, pi mac en oyaro yeko gi, di mac nono ko tamo tic me cing ngat acelacel pi neno kite kame etie kede.
14
. Kame ngat kame tic mere olubo cik amitere me gedo nono ebino wudo giamia me pwoc.
15
. Kame tic angatamoto bino wang en ebino kei giamia mere me pwoc do en ebino bwot bwot kame calo bala epikiro kimac.
16
. Do oudo wun likame ingeunu be ibedunu tempulo ka Rubanga bobo da di tipo ka Rubanga bedo ikom wu?
17
. Kame ngatamoro oko dubo tempulo ka Rubanga, Rubanga da bino dube, Pien tempulo ka Rubanga tie gika cil, kame tempulo no en obedo wun.
18
. Kur ngatamoto ngalere kene, kar ngatamoro ki kom wu tamo be en eriek ipiny kan, mito ber en edok ngamingo tetekeny ekodoko dano ariek.
19
. Pien rieko me piny ken obedo gi me mingo kinyim Rubanga, pien kowandiko be, en emako jorieko ki kice gi.
20
. Bobo da Rubanga ngeo tam me jorieko be gimoro li.
21
. Pimano kur ngatamoro mi deyo pi dano pien jame dedede obedo megu.
22
. Akadi Paulo arabo Apolo amoto kepa arabo piny kan arabo kuo arabo to arabo kare anataman arabo kare me anyim gin dedede megu.
23
. Bobo uda ipedunu me ka Kuristo kede Kuristo da obedo me ka Rubanga.