1
. Nan do pi kope kame wun iwandikounu buta: Eber ne icuo lika me mulo dako.
2
. Do likame amanono, pi gengo isapan pore icuo acel acel ud dako mere, dokon dako acel acel da ud cware.
3
. Pore ne icuo cobo mit ka dako mere dokon dako da pore cobo mit ka cwane.
4
. Dako li kede twer me pugo kome kene do kwanyo cware icuo da iye pone acel nono, li kede twer me pugo kome kene do kwanyo dako mere.
5
. Kur itwon komi ne nga woti, kwanyo kame di iparunu kop pi kare moro, tetekeny wek imiunu komu ikanyo kec kede ilego, di dokon ikounu dwogo karacel me wek Sitani kur tamu pi nyapo kame itienu kede.
6
. Do ango ayamo man tetekeny wun iyerunu likame kede icikakin.
7
. Pien ango oudo amito be koto cuo dedede obedo bala ango. Do icuo acel acel tie kede gi amia ko beco kino en ko wok kibut Rubanga, ngati kede man ngat ca da kede maca.
8
. Pimano ango ayamo ne jo kaliko nyomo kede apuserun be, etie gi kaber koto kame gin ki dong bala ango.
9
. Do kame gin likame ki karuno bedo kamanono wekunu gi kinyomi, pien nyom ber kalamo iyel kede mit.
10
. Dokon but jo nyomo, ango acikakino gi, do di likame ango, do Rwot pore kur dako yai kibut cware.
11
. Do kame eyai pore edong di likame enyomo ara bo edoki erucakin but cware: dokon pore icuo kur riam dako.
12
. Do but jo icegun go ango ayamo likame Rwot kame omin moro tie kede dako kalikame oyei, dodi dako no oyei bedo kede kur eriame.
13
. Dokon dako da kame tie kede icuo kalikame oyei dodi icuo nono oyei bedo kede, kur dako no yai wek icuo no.
14
. Pien icuo alikame oyei lonyere benno kibut dako, dokon dako kalikame oyei da lonyere di beo kibut cware: do kame di likame amanono idue u da oudo likame cil, do nan do gin kicil.
15
. Do kame di dano ocelu kalikame oyei mere no oyai wekunu eyai pien omin amotoko amin likame tie itwec moro me epone kacal kamano; do Rubanga olwongo wan i anapakin.
16
. Yin dakoni, ingeo benyo be yin iyaro karuno lako cwari no? arabo yin icuo ni, ingeo benyo be yin iyaro karuno lako dako ni no?
17
. Pien bala kame Rubanga otieko poko ne kede dano acel acel, bala kite kame Rwot olwongo kede dano acel acel, pore do dano no oot i epone nono. Da i epone acal kamanono, ango acorakino kanisan dedede pi upere kede kop no.
18
. Benyo, tie cuo moro kame kolwongo di ko tieko kepo? Kur dokon ekwany akepo tenge. Benyo tie icuo moro kame kolwongo di likame ko kepo? Kur dokon emio akepo.
19
. Pien akepo konymoro li kiye, dokon lime akepo da kony moro likiye, do kwanyo rikito icikakin ka Rubanga en kame pire tek.
20
. Pore dano acel acel dong i epone kame oudo etie kede kakame ko iwonge kede.
21
. Benyo bin ko iwongi di oudo itie epasoit ka ngatamoro? Kur ipar kop moro iye, do kame di itie kede epiding me gonyere ikop no, gonyere.
22
. Pien kame dano moro kolwongo kii Rwot di oudo etie epasoit, ud etie dano agonya me ka Rwot: iye epone acel nono da, kame ko lwongo dano di oudo etie agonya edoko epasoit ka Kuristo.
23
. Wan ko wilo wa kede wel; kur ibedunu ipasoi me jo.
24
. Imieguna, pore dano acel acel dong kakame ko iwonge iye kede Rubanga.
25
. Nan pi kop kamako anyim kame pwodi liko ngeo cuo, ango ali kede icikakin kowok ki but Rwot: do ango amio tam na, bala dano ko udo kisa ka Rwot pi bedo nga gen.
26
. Ango atamo be oudo eber ne dano pi bedo kamano pi pekini me kare anani.
27
. Benyo, itwere but dako? Kur dokon imio agonya, Benyo, igonyere ibut dako? Kur dokon imio dako.
28
. Do ka inyomo udo likame itimo gi ka rac, dokon kame nyako akwia icuo onyomo, udo likame etimo gi ka rac. Akadi di amanono jo me epone nono oyaro bedo kede pekini me kom do ango agwoki ipekini go.
29
. Do ango ayamo man pien kare do cecek; kop dong be, jo kame tie kede man pore bedo bala jo kame li kede mon.
30
. Dokon jo kame kok da bed bala jo kalikame kok; dokon jo kame lelo da bed bala jo ka likame lelo, dokon jo kame cato wil da, bed bala likame kitu keto jame nogo.
31
. Dokon jo kame tio kede lobo ni, kur ki nywar lobo noni, pien cilo me lobo ni tie kato tenge.
32
. Do ango amito be koto agwoko wu ikom bedo kede par. Pien dano kame liko nyomo paro jamuno kame mako Rwot, pi epone me yomo cuny Rwot.
33
. Do dano konyomo paro jame me lobo. Amako epone me yomo cuny dako mere.
34
. Dokon tie apoka poka idiere me dako kede nyako ka lika ngeo icuo. Dako kame liko nyomo paro jamini kame mako Rwot, me wek ebed di ecil ikome kede icunye da; do dako ko nyomo paro jamini me lobo di emo epone me yomo cuny cware.
35
. Ango ayamo man pi wun udo ameda, likame pi tegao wu, do man en kop kibeco kina tetekeny wek iupere kede Rwot abongo itikokin moro.
36
. Do kame icuo moro tamo be eyaro dudubo kare me nyako mere di ature me cilo mere me eponga ko dubere pi kato me mwaka mere udo epone kello dako mere pore etim gi kame en emito udo likame etimo gi ka rac; wekenu gi kinyomi.
37
. Akadi di amanono, do kame icuo moro ocungo di omoko tam mere icunye di eli kede gung, do di etie kede twer me pugo kome, di emoko icunye be en emito gwoko nyako akwia cuo no udo etimo kiber.
38
. Aso do dano kame mio nyako no inyom udo otimo ki ber; do ngat kame cere kede nyako no di likame ko nyom udo otimo iber kalamo.
39
. Dako otwere di lubere kede iswil but cware pi kare kame cware tie kuo kede, do kame cware oto, udo en egonyere pi nyom kede dano kame cunye omito do di kii Rwot kenekene.
40
. Do cunye twero bedo yom kame di koto edong bedo amano ango en atamo kamano dokon ango da aparo be atie kede Tipa ka Rubanga.